Txindoki erraketekin

Capra Alpina(e)k idatzia.
6346
bisita

Azken elurteak eta gero eguraldi ona datorrenez, Txindoki gailur dotorera igotzeko asmoa dugu. Polita eta ikusgarria benetan eta Euskadi guzian mirestua. Tresneri guzia daramagu, kranpoiak, pioleta, elurretako erraketak eta bastoiak, ez bai dakigu zer aurkituko dugun.

0h. Larraitzko ermitaren parez pare aparkatzen dugu autoa eta ibilbidea hasten dugu auto ugariren artetik. Langa zeharkatuz mendian barrena doan pista hasten da eta 15´barru beste langa batetara iristen gara.  Txindokira doan bide arrunta alde batera utziz, Auza-Gazteluko bideari jarraitzen diogu.

Bidea erabat lokaztuta dago eta oso zail egiten zaigu ibiltzea. Narraski iturritik pasatzen gara eta aurrerago Aitzola uharra zeharkatzen dugu, inoiz baina ur gehiago darama. Elurretan gaude dagoeneko baina horrek ez digu lokatzetik aldentzen. Gorantz goaz eta eguzkia dagoeneko atera da, orain arte lainoak estali badigu ere. Alotza uharrera iritsi eta desnibel nabarmen batzuetatik , Arrateta sakanean behera doan uharra iristen gara eta azken aldapa tentea igotzen hasi, sigi-saga batzuez baliatuz Errekonta iturri arte. Leku honetatik 15´nahikoa dira Auza-Gazteluko gaina harrapatzeko.

Segundo batzuek barru Errekonta lepora iristen gara eta gorantz ezkerretik jarraituz, pinudiaren bukaera bila goaz bertan bai dago langa. Bakoitzean elur gehiago aurkitzen gara, baina izoztua ez dagoenez erremediorik gabe barruraino sartzen gara. Bidea ikusten ez dugunez hanka arrastoak segituz goaz, eski batzuek utzitako arrastoak ere oso argi ikusten ditugu. Ibiltzerako garaian zailtasuna handitzen doa eta erraketak erabiltzeko momentua iritsi dela pentsatzen dugu elurretan aurrera egin ahal izateko. Gutxika bada ere altura irabaziz goaz, dagoeneko Gaztelu baina altuago gaude naiz Txindoki baina askoz ere beherago egon.

Aurrez aurre aldapa zuri eta tente bat dugu eta asko pentsatu gabe igotzen hasi gara. Gorantz goazen heinean gure arnasketa azkartzen doa eta behin baina gehiagotan gelditu beharrean aurkitzen gara errekuperatu ahal izateko. Aldaparen gainera iristea lortu dugu eta malda errazago eta pendiz txikiagoko batetik jarraituz Alotzako zelaien gainean uzten digu.

Igaratzara doan bidera jaitsi eta alderantzizko norabidea hartuz, Auntzizegi magalean zehar abiatzen gara. Behin zeharkaldia bukatu eta beste isurialdean, Larraitztik datorren bide arruntekin bat egitea besterik ez zaigu falta. Minutu gutxi barru Egurral lepora iritsi eta Txindokira igotzeko azken aldaparen azpian aurkitzen gara. Pilatua dagoen elur kopuru handiak eta oso ere biguna dagoenak, asko zailtzen digu goranzko bidea. Erraketekin segitzea asko kostatzen zaigu eta kentzeko erabakia hartzen dugu. Berantz datorren jende askorekin topo egiten dugu eta gehienak eserita datoz, txirrista handi bat izango balitz bezala. Zailtasun handiz igotzen doazen talde batera ailegatu gara, umeak barne, eta beraietako batzuek itzultzea erabakitzen dute igotzeko dauden zailtasunengatik. Bi gizon eta emakume bat eta hiru ahur ere, igotzeko irriketan daude baina igoera ez dute ezagutzen. Gure laguntza eskaintzen diegu eta dudarik gabe onartu ere. 15´barru Txindoki gailurrean gaude (1348 m.) 4h.10´.

Madrildar sendiak dira gure artean egun batzuek pasatzera etorri direnak eta Txindokira igotzeko aprobetxatu dutenak. Ez dute egun hoberik aukeratzerik izan, dagoen elurtea, zeruaren urdintasuna, tenperatura ezin hobea eta inguru apartak ez ditu axolagabe utzi eta gorazarretan desegiten dira.  Umeak guk hartzen ditugu jaisteko, beraiek lasaiago joan daitezen. Zailtasunik gabe aldapa handiaren goiko aldera iristen gara eta umeak eserita jarriz aldapa bat batean jaisten dute, besteak berriz, bakoitzak ahal duen bezala egiten du.

Behin Egurral lepoan eta beraiek dagoeneko askoz ere lasaiago, Larraitzera bidea hartzen dugu. Inguruan beraien lagunak ikusten ditugu, lehen igo gabe itzuli direnak, eta behin beraien parean, agurtzen gara eta gure bideari jarraitzen diogu. Gure erritmoa handitzen dugu, Zirigarate Bekoa txabolatik pasatu eta langa zeharkatuz berantz goaz aldapa tente eta elurtutako batetik Oria iturria bila.

Hemendik aurrera elurrak lokatzari lekua uzten dio eta zikin zikin eginda bukatzen dugu. Pinudia gainditu eta langa berri bat aurkitzen dugu, behin zeharkatuz Amezti deritzan parajera iristen gara. Dagoeneko zailtasunak bukatu zaizkigu eta lokatzez lepo, pistara iristen gara eta minutu gutxi barru Larraitzko aparkalekura eta gure ibilbidearen bukaera ere, 5h.40´.

 

Datu teknikoak

  • Ibilbidea: Txindoki Mendebaldeko ertza
  • Desnibela:350 m.
  • Kokapena:Euskal Herria
  • Kategoriak : Ertza, Eskalada klasikoa
  • Zailtasuna:AD
  • Harri eskaladaren zailtasuna:IV+
  • Hasiera puntuan amaitzen da:Bai
  • Iristeko denbora:4h.20´
  • Nola iritsi:Larraitzeko aparkamendutik bide normaletik igo behar da Gaztesuiko langaraino. Bertan, bidetik atera eta ertzerantz doan bidetxurra hartu behar da Ameztigo gaina alde batera utziz. Ertzaren oinarriraino jarraitu (II).
  • Igotzeko denbora:5h.40´
  • Jeisteko denbora:1h.20´
  • Ezaugarriak:Mendebaldea, kareharria, hornituta dago, eguraldi onarekin jende asko biltzen da bertan.
  • Materiala:Express-ak eta zinta planoak bilkuneak egiteko.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Txindoki Ohiko bidetik
  • Desnibela:947 m.
  • Kokapena:Euskal Herria
  • Kategoria : Erraketak
  • Zailtasuna:F
  • Hasiera puntuan amaitzen da:Bai
  • Iristeko denbora:4h.20´
  • Nola iritsi:Larraitz (401 m.) Zaldibiatik 4 km.
  • Igotzeko denbora:5h.40´
  • Jeisteko denbora:1h.20´
  • Ezaugarriak:Zeharkaldi borobila eta zailtasun gutxikoa. Hizotza aurkitu ezkero arreta jarri beharko dugu ahinbat mendi hegal zeharkatzeko.
  • Materiala:Raketak eta bastoiak. Kranpoiak eta pioleta ere beharrezkoak izan daitezke.
  • Garaia: Negua
  • IBILBIDEAREN DATU GUZTIAK IKUSI

Datu teknikoak

  • Ibilbidea: Txindoki Txema Bidetik V+/Ao
  • Kokapena:Euskal Herria
  • Kategoria : Eskalada klasikoa
  • Zailtasuna:D+
  • Harri eskaladaren zailtasuna:V+
  • Eskalada artifizialaren zailtasuna:A0
  • Hasiera puntuan amaitzen da:Bai
  • Iristeko denbora:4h.20´
  • Nola iritsi:Larraitztik
  • Igotzeko denbora:5h.40´
  • Jeisteko denbora:1h.20´
  • Ezaugarriak:Ekipatutako bidea arroka onean. komenigarria fisurero, zinta eta friend batzuek eramatea.
  • Materiala:60 metroko soka bi, fisurero, friend, zinta eta expressak ere.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.