Infernuko tontorrak

Capra Alpina(e)k idatzia.
4854
bisita

Infernuko tontorrek betidanik ospe txarra dute. Bere tontor hirukoitza Aragoi lurraldean dago oso osorik eta dotore altxatzen dira Sallent de Gallego gainetik. Igotzeko erabiliko dugun norabideak zuzenean eta atsedenik gabe igotzen du Panticosako bainu etxea eta Pondiellos lepoa.

Autoa Panticosako laku ondoan utziko dugu, gure abia puntua izango delarik (1636 m.), naiz Harrizko etxea aterpetxean lo egin dezakegu ere, 0h.. Ibilbidea hasiko dugu bide zapaldu baina pendiz handia duen batetik eta sigi-saga ugari eginez gorantz garamatza Argualas uharraren ezkerretik. Pinu batzuek dituen hegal malkartsua kostata igotzen dugu. Lautada batetara iritsiz gure lehenengo atsedena egiteko baliatzen dugu (1860 m.) 35´.

Bidexka iparrerantz doa Argualas eta Arnales sakanaren hegal tente artean, aurrerago utziko duguna, Gorantz (NO) hartuz harriztatutako eremu batetik mugarriak segituz. Eskuinerantz jarraitzen dugu Arnales lakuaren norabidean eta denbora bat geroago gure ezkerretara okertuz malda gogor bat igoz Mallata alta del Argualasera iritsi gara (2200 m.) 1h.20´. Altura galdu gabe segitzen dugu gure eskuinean dauden arroketatik (N),kubeta histen duen irtengunea igotzeko. Lurrazala oso ezegonkorra da eta eskuak erabili beharreko tarteak ere aurkitzen ditugu. Arnasestuka goaz harri-multzoak segituz bide arrasto eskasak daudenez, bidea galdu nahi ez badugu. Kostata bada ere altura irabaziz goaz eta Pondiellos lepoa ikusten badugu ere, pauso bat ematen dugun bakoitzeko urrunago dagoela dirudi. Igotzea oso zaila den harri hautsiko azken kanal batera iristen gara. Lepoa kanal honen bukaeran aurkitzen da Pondiellos tontorra eta Pondiellos orratza artean (2809 m.) 3h.

Behin lepoan gaudelarik gure begirada behean ditugun Pondiellos lakuetara doa. Altura asko ez galtzen saiatu behar gara (NNE) Pondiellos mendiaren maldak zeharkatzeko, Arnales lepora bidean. Harritzar handi eta ezegonkor batzuetatik zehar, bide arrastorik gabe, mugarriak segituz (N) Arnales eta Infierno E. tik jaisten den kanal tente baten azpira iristen gara (2825 m.) 3h.15´.

Zeharka jarraitzen dugu bide eroso batetik aurrean dugun korridore nabarmen eta estu baten bila, Infernuko tontor garaiena eta txikienaren lepora eramango gaituena. Igoera korridore bertikal honetatik hasi dugu bidexka arrastoak segituz, ez zaigu oso erraza egiten arroka hautsiz egina bai dago. Zapaltzen ditugun harriak asko mugitzen dira, bai tarteka bat edo beste erori ere, kontu handiz joan behar dugu. Gorantz goaz behin ezkerreko maldatik behin eskuinekotik, gure ezkerretara gelditzen den espaloi bat gainditu beharrean aurkituz, erraz gertatzen ez zaiguna. Behin gaindituta bideari segitzen diogu orain arte baina erosoago sigi-saga batzuek medio lepora zuzenean eramaten gaituena. Eskuinetara segituz igoera erraz bat medio Infernu E. gailurra zapaltzen dugu (3076 m.) 4h.15´.

Jaisteko bide berdina erabiliz lepo-arte eta ertza segituz (O) zailtasunik gabe , Infernuko tontor garaiena igotzen dugu (3085 m.) 4h.15´. Ez gara bakarrik beste mendizale batzuek re bertan dira. Oraindik hirugarren tontorra iristea geratzen zaigu eta horretarako ertz zorrotz eta airezko bat zeharkatu beharrean gaude. Egia esan ez du zailtasun handiegirik baina zirraragarria da. Begira gaude, frantses talde bat dator bertatik oso ondo ekipatuta, kaskoa, arnesa eta soka, baina gehiegikoa dela iruditzen zaigu. Gu gauden lekura iristen dira eta beste inor ez datorrenez, guk zeharkatzea erabakitzen dugu. Pixkanaka bada ere eta arreta handia jarriz, aurrean azaltzen zaizkigun arazoak gainditzen goaz eta zailtasunik gabe gailurreko harri multzora iristen gara. Infernu NO (3073 m.) 4h.40´.

Aurreko beste bi tontorretan zegoen baina jende gehiagorekin elkartu gara eta apenas daukagu lekurik. Dagoeneko lasaiago gaude ertz zorrotz eta airezkoa zeharkatu eta gero, jan eta edan egiteko garaia da indarrak berreskuratu behar bai ditugu, oraindik ere, bide luzea gelditzen bai zaigu eta. Berantzako bideari ekiten diogu ertz bertikal batetik azkar batetan desnibela galduz,eskuinetara doan bihurgune batera iritsiz. Erabakia hartzeko momentua iritsi da. Ezkerretik segituz oizko bide arruntetik jaitsiko gara marmolera beldurgarria zeharkatuz eta eskuinetik berriz, gailurretik Infernuko leporaino erortzen den ertza segituz. Gu bigarren hau jarraitzea erabakitzen dugu inoiz egion ez ba dugu ere. Agertzen diren mugarri gutxi batzuek jarraituz arazo handirik gabe aurrera goaz. Gutxika bada ere ertza jaisten goaz eta espaloi bat zeharkatzean Tebarray lakua ikusten dugu, Infernu, Piedrafita eta Tebarray gailurren artean gordeta dagoen putzu borobila. Bide arruntetik jendea erruz doa gorantz eta saiatzen gara gu ere berarekin bat egiten Infernuko lepoan (2721 m.) 5h.30´.

Altura galtzen hasiak gara arroka ezegonkor batzuetatik GR10 arrastoak segituz. Gure eskuinera Infernuko glaziarra ikusten dugu edo gelditzen dena behintzat. Berantz goazen heinean bidea nabarmentzen hasten da eta inongo zailtasunik gabe jarraitzen dugu. Glaziarretik jaisten den uharra gure bidean gurutzatzen da baina erraz gainditzen dugu. Lautada handi batetara iristen gara goiko laku Urdina dagoen lekua hain zuzen (2410 m.) 6h.

Aldapa bertikal batetik jarraitzen dugu berantz beheko laku Urdina begiratuz, behatoki honetatik harrigarria ikusten da. Horma gainera iristen gara (2380 m.) eta lakutik ateratzen den uharra jarraitzen dugu, ez bustitzen saiatuz, ondo zapaldu eta markatutako bide bat jarraituz, azkar batetan eta zailtasunik gabe jaitsiz. Berriz ere uharrarekin aurkitzen gara, baina oraingoan ur gehiago dakar eta zeharkaldia zaildu egiten digu, ez da erraza busti gabe zeharkatzea. Bachimala goiko lakura bidean goaz pista zabal batetik balkoi bat bailitzan, pinu bakar batzuek dituen uhartea begira. Harri askoko bidea da eta zenbait momentutan nekeza egiten zaigu bertatik igarotzea. Horma parera iritsi gara eta aldapa tente baina erraz batek beheko lakuan uzten gaitu, bertan Bachimañako aterpetxe berria ireki dutelarik (2150 m.) 6h.45´. Prailearen aldapa jaisten hasi gara zeharkaldi handi batzuek medio ondo zapaldutako bide erraz batetik eta laster batetan, beheko aldean utziko gaitu. Pista dotore eta oso ondo zapaldutako batetik segituz , beti ere Caldares uharra ezkerretara eramanez, jendearen joan etorria etengabea da alderdi honetan. Gutxika bada ere eta inongo zailtasunik gabe altura galtzen goaz, zelai dotore batetara iristen garelarik. Bertan kanpin denda ugari jartzen dituzte eta inguruko hormetan eskalatzeko bide ekipatu ugari dago.

Estutasun bat jaistea besterik ez zaigu gelditzen behatoki txiki batera iristeko. Azken aldapa jaisteko sigi-saga ugari egin behar ditugu harrizko bide batetik, tarteka pinu batzuek ere zeharkatuz eta Harrizko Etxearen aterpetxe atzean utziko gaitu (1640 m.) 7h.30´. Gaur goizean autoa utzi dugun lakuaren ertzera iristea besterik ez zaigu geratzen.

Eguna luzea eta oso gogorra izan da baina pena merezi izan du. Ibilbidearen edertasunak erruz gainditzen du daukan gogortasuna. Ez du axolagabe utziko mendia eta natura gustukoa dituen edonor, laku, uhar, mendate eta ur jauzi ugariek berezia egiten dute. Ez alferrik perineotako alderdi honetako leku bisitatuenetako bat da.

Datu teknikoak

  • Ibilbidea: Arnales Panticosa-ko Bainuetxetik
  • Desnibela:1.470 m.
  • Kokapena:Pirinioak
  • Kategoria : Oinezko igoera
  • Zailtasuna:PD-
  • Harri eskaladaren zailtasuna:II
  • Nola iritsi:Panticosa balneariotik (1636 m.) 7 km. errepidez Panticosa herritik.
  • Igotzeko denbora:7h30´atsedenak kontutan izan gabe
  • Ezaugarriak:Pondiellos leporaino bidea nolabait markatua dago, bertatik gailurrera bitarte ez dago arrastorik. Jaitsiera Arnales lakuetara zuzenean egingo dugu, harri bloke handi eta amildegietatik , inongo arrastorik gabe.
  • Materiala:Makilak.
  • Garaia: Uda, Udazkena
  • IBILBIDEAREN DATU GUZTIAK IKUSI

Datu teknikoak

  • Ibilbidea: Arnales Podiellos lepotik
  • Desnibela:1.480 m.
  • Kokapena:Pirinioak
  • Kategoria : Oinezko igoera
  • Zailtasuna:PD-
  • Nola iritsi:Panticosa bainu etxea (1636 m.) Panticosa herritik 7 km.
  • Igotzeko denbora:7h30´atsedenak kontutan izan gabe
  • Ezaugarriak:Mendi garaieko ibilbidea. Entrenatua egotea komenigarria.
  • Materiala:Bastoiak lagungarri izan daitezke.
  • Garaia: Uda, Udazkena
  • IBILBIDEAREN DATU GUZTIAK IKUSI

Datu teknikoak

  • Ibilbidea: Erdiko Infernua Panticosa bainu etxetik
  • Desnibela:1.449 m.
  • Kokapena:Pirinioak
  • Kategoria : Ertza
  • Zailtasuna:PD- (Arroka fidatzerik ez dagoena)
  • Harri eskaladaren zailtasuna:III
  • Nola iritsi:Pondiellos lepotik, Ipar ertz, Infierno lepo eta laku urdinetatik.
  • Igotzeko denbora:7h30´atsedenak kontutan izan gabe
  • Ezaugarriak:Desnibel handia igo behar duguna. Tontorrera eramango gaituen tximinia oso tentea da eta ertza berriz, oso airezko.
  • Materiala:Makilak
  • Egoera:Arroka oso hautsia.
  • Garaia: Uda, Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.