Beriain - 1.493 m

Capra Alpina(e)k idatzia.
305
bisita

Urbasa Mendilerroarekin batera 1.997 urtean sortu zen Urbasa-Andia Parke Naturaleko parte da. Beriain edo San Donato mendia Andia Mendilerroan kokatzen da eta branka izugarri bat bailitzan Sakana edo Barranka aranera ikusgarri ageri da. Gailurrean, 1.797 urtetik bere berri dugun San Donato eta San Cayetano-ri eskeinitako ermita kokatzen da. 899 m-ko goragunea du, Nafarroako handiena eta Iberiar Peninsulako 43 garrena. Beriain Mendilerroko mendi garaiena dugu dituen 1.493 m-kin, mendebaldeko ertzean kokatzen den Ihurbain bigarrena izanik bere 1.416 m-kin. 

Gure ibilbidea Nafarroako Unanua herriko goi partean aurkitzen den aparkalekuan hasten da. Behin pìsta isten duen langa zeharkatu eta gorantz jarraitzen dugu goi aparkalekura iritsi bitarte, non Iturtxiki iturria aurkitzen den (808 m). Bihurgune bat geroago eskuinetik pista utzi eta mendi-bidea gorantz pagadia bila hartzen dugu.

Lehen zatia oso bertikala da eta bidea lokaztua dagoenez zail egiten zaigu gahinditzea, negu garaian oso ohikoa dena. Behin lehen pagoeta iristean, sigi-saga segidak ordeka txiki batera eramaten gaituzte eta ezkerreko zeharkaldi batek, horma oinpera eramaten gaitu, jarraian bere paralelo jarraituz. Poliki bada ere azken pagoeta iritsi asmoz altura irabazten goaz eta behin hauek atzean uztea lortuz, toki garbi batera iristen gara eta parez pare malda tentearekin aurkitu, nondik bidea sugea bailitzan bihurka igotzen doa.

Jendea gora eta behera etengabe dabil, ez alferrik inguru honetako mendi igoenetako bat dugu eta horren adibide, bideak azaltzen duen igadura. Sigi-saga segidak altuera irabazten laguntzen digute bainan ez esfortzurik gabe eta tarteka, arnasa berreskuratzeko atseden hartu beharrean gaude eta era berean, bertatik Barranka aranera zein Andia mendilerro ipar aurpegi malkartsura ditugun bista ikusgarriez gozatu.

Malda erdi aldera eskuinera bira egin (E) eta diagonalean Unanu Atakara iristen saiatzen gara (1.400 m), zailtasunik gabeko bi irtengune gainditu ostean bertara iritsiz. Behin ataka gainditzean hito handi batzuekin topo egiten dugu, itzuleran nondik jaitsi azaltzeko, batez ere laino egunetan. Lautada belartsuan gaude eta bertsatik ezkerrera biratuz (W), inongo zailtasunik gabe 25´ bueltan Ihurbain gailurrera iritsiko ginateke (1.416 m).

Eskuinetik alfonbra belartsutik segiz muino txiki bat gainditzen dugu, urrutira San Donato eta San Cayetanoren omenez eraikitako ermita ikusten dugun bitartean eta ezkerrerago, Beriain gailurra ere.

Beriain Bretxa bezala ezaguna den ebaki ikusgarria ezkerrean utzi eta minutu gutxi barru, ermitara iristeko azken malda  igotzen dugu eta ondoren, Beriain gailurrera ailegatzen gara (1.493 m). Bertan ohiko buzoia aurkitu dezakegu bainan metro batzuek ezkerrerago eta amildegitik zintzilik erpin geodesikoa.

Edozein lekura begiratuta ere bistak ikusgarriak dira. Iparrean Aralar mendilerroa San Miguel ermita goikaldean duela eta Huarte Arakil herria oinpean, hego aldean Andia mendilerroko aurpegi malkartsua eta Lizarraga herria oinpean eta mendebaldean Aizkorri mendilerroa. Paisaiaz gozatzen denbora pasa ondoren eginiko bidean atzera eginez Unanua herrira itzultzen gara. 

Datu teknikoak

  • Ibilbidea: Beriain Beriain Unanutik
  • Desnibela:
  • Kokapena:Euskal Herria
  • Zailtasuna:F (Erraza)
  • Hasiera puntuan amaitzen da:Bai
  • Iristeko denbora:1:45h
  • Nola iritsi:

    Unanua herritik

  • Igotzeko denbora:2:45h
  • Jeisteko denbora:1:00h
  • Ezaugarriak:

    Zailtasun teknikorik ez duen ibilbidea

  • Egoera:

    Ondo markatutako ibilbidea, desnibel garrantzitsua duena eta laino dagoen egunetan tentu handiz ibili beharrekoa galdu ez gaitezen

  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.