Punta Cochata - 1.919 m

Capra Alpina(e)k idatzia.
2647
bisita

Punta Cochata piramide forma duen mendia, Pirineoko Tena bailaran kokatzen da eta Huesca herrialdeko Escarrilla herritik begiratuz gero, oso eraginkor ageri zaiguna. Naiz duen itxura iristezina dirudien, ertz SW-tik doan oiko bidea zailtasunik ez duen bide nabarmen bat dugu, naiz elurreztatua dagoenean kontu handiz ibili beharko genukeen. Ipar ertzak berriz (AD), gailurrera iristeko beste era desberdin bat eskaintzen digu. 

Eskarrillan dagoen kanpindik atera eta Sallent de Gállego herrira eramango digun A-136 ibilbidea jarraitzen dugu eta tunelera iritsi aurretik, ezkerrera bira egin eta lehengo bidetik jarraitu eta Escarra ibaia zubi zaharretik zeharkatuz (1.140 m), El Piniecho basotik zehar doan xenda nabarmenetik gorantz hasten gara. Eskuinean Escarrillako ur-bilketa gunera doan bidea utzi eta uhar pare bat zeharkatuz gero, basotik atera eta mendi-pista batera iristen gara (1.420 m).

Hesi batekin topo egin bitarte mendi-pistatik jarraitzen dugu eta behin hau zeharkatu ostean, bide gurutze batera iristen gara. Ezkerrean Cochata eta Escarra urtegira doan xenda utzi eta eskuinetik, Tallata sakonera doanetik jarraitzen dugu. Xenda beherantz astiro doa ibaiaren hondoa bila, non harri bloke handi artetik ura jausten den, ur jauzi ikusgarri bat osatuz O Saldo izenez ezaguna, potzu handi batera urak isuriz (1.400 m). 

Bidean atzera eginez laster gurutze bidera itzultzen gara eta berriz ere, Cochata lepora doan xendari ekiten diogu. Escarra sakanaren eskuin aldetik gorantz doa, Tarmañones (1.971 m) eta Punta Cochata mendien artetik landaredi itxian zehar, lepo inguruan dagoen garbigune batera bitarte eta non bloke handi batzuek dauden, Punta cochatatik erortzen diren higakin ondorio. 

 

Mendi-lepoaren gorenera iritsi ahal izateko zingira txiki bat zeharkatzen dugu (1.753 m) eta bertatik, Partacua mendilerrora zein Escarra urtegira ditugun bistak aho zabalik uzten gaituzte.

Eskuinera biratu eta SW norabidean igotzen hasten gara, hasiera honetan apenas nabaria den xenda jarraituz. hito bakar batzuek badaude eta eskergarriak suertatzen dira hasiera honetan, bide egokia jarraitu ahal izateko. Pixkanaka bada ere azken pinuak atzean uztea lortu dugu eta jarraian, igoeraren sarrera egokiena den kontrahormara zuzentzen gara.  

Altuera irabazten goazen einean xenda nabariagoa suertatzen da. Ezkerreko norabidean jarraituz lehen irtengune batekin topo egiten dugu eta hau gahinditu ostean, bigarren batera iristen gara eta bertan aurkitzen dugun tximinia erraz batetik (F+) igoz, minutu gutxi batzu barru Punta Cochata gailurra irabazi 1.929 m.

Bertatik ikus ditzakegun bista ikusgarriez gozatuz pasatzen dugu denbora dezente, bereiziki gogoratuz Peña Teleran bizi izan ditugun igoerak, ala nola Maribel (400 m/D+), Maria Jose Aller (550 m/D+) eta Gran Diagonal (600 m/AD), itzultzen hasi aurretik.

Oiko bidetik jaitsi nahi ez izan ezkero, aukera ezberdin bat erabili dezakegu. Ibilbide oso interesgarria Crampas basotik egingo genukeena, Solano haitz horma harritsuan paralelo jarraituz doana eta azkenik, El Piniecho basotik Escarrilla tunelaren inguruan dagoren eskalada eskola ingurura ailegatzen dena eta bide batez, ibilbidea hasi dugun lekura.

Datu teknikoak

  • Ibilbidea: Punta Cochata Punta Cochata Eskarrillatik
  • Kokapena:Pirinioak
  • Kategoria : Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:2:45h
  • Nola iritsi:A-136 bidean aurkitzen den tunelaren sarreretik
  • Igotzeko denbora:4:05h
  • Jeisteko denbora:1:20h
  • Ezaugarriak:Ibilbide erraza eta esker onekoa, umeekin egiteko egokia
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.