Gorbea Muruatik

Capra Alpina(e)k idatzia.
4033
bisita

Gorbeako hainbat igoeretako bat da Arabako Murua herritik egiten dena. Luzeenetakoa den arren, politenetakoa ere bada, eta eskiekin igotzeak xarma berezia ematen dio.

(0º) Eskiekin abiatu gara Muruatik, nahiz eta berehala ohartu garen bidean ez dagoela guk nahi beste elur, eta ahal bezala igaro dugu lehenengo zatia. Hala ere, lehenengo bizkarra igo ostean elur kapa sendotu egin da, eta arazorik gabe jarraitu dezakegu.

 

(40') Ibilbidearen lehen zatia oso polita da, zelai eta pagadietatik barrena. Aldapa pixkanaka pixkanaka igotzen da, zati lau batzuk eta beheranzko zati xuabe batzuekin konbinatuz. Hala ere foka narruekin oso ondo aurreratzen da. Ez dago galdu bildurrik, goazen pista ona da eta dauden gurutzbide gutxiak ondo seinalizaturik daude.

 

(2º) Aldapa geroz eta nabariagoa da. Azkeneko pagari zatian bidean eskubi aldera egiten badugu borda polit batera helduko gara, non zerbait jan eta edan dugun. Indarrak berriturik, berriz ere bideari ekin diogu, bordarako sahiesbidea hartutako leku berean.

 

(2º20')Dagoeneko Gorbeako lepoan gaude (1340m). Hemendik beste 25 minutuan gurutzean gaude.

 

(2º45') Azken zatia laino itxipean egin beharrean gara, nahiz eta haizeak noizik beinetan lainoa eramaten duen. Azkeneko bizkarra uste baino luzeagoa da, gainera azken unerarte ez dugu gurutzerik ikusi. Behin ikusitakoan ordea, dotore dago! Burnizkoa baino elur eta izotzezkoa bihurturik dago, ez da askotan ikusten gurutzea egoera honetan.

 

Beheranzko bidea igotako leku beretik egin dugu. Aurreneko pala da gehien disfrutatu beharrekoa, hortik aurrera basoa eta beranduago pista baitago. Gainera azken zatian eskiak erantzi ditugu, bestela guztiz hondatuko ditugu eta! Azkenean, ordu eta erdi igaro dugu jeixten, eskiekin 50 minutuko jetxiera izaten dena.

Datu teknikoak

  • Ibilbidea: Gorbea Muruatik neguan
  • Desnibela:870 m.
  • Kokapena:Euskal Herria
  • Kategoriak : Erraketak, Eskia, Kranpoiak, Trabesia
  • Zailtasuna:F
  • Nola iritsi:Arabako Murua herritik
  • Igotzeko denbora:3o
  • Jeisteko denbora:1o
  • Materiala:Trabesiako eski ekipoa
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.