Espolón del Pino - D+/260 m/V+

Capra Alpina(e)k idatzia.
546
bisita

Muro de la Cascada horman kokatua dagoen zazpi luzeko ibilbide ikusgarria eta granito arroka ezin hobetik doana. Sendero limite taldeari esker paraboltez primeran ekipatua eta bilkura gune egokiak dituena. lehen zatia bertikala eta iraunkorragoa duen bitartean, bigarrena berriz etenagoa du, naiz bosgarren luze hasieran zailtasunik handiena agertzen duen eta bide batez, ibilbideari zailtasuna ematen diona. Gainera, Bachimaña aterpetxe inguruan bukatzeak xarma berezia ematen dio. 

L1- 40 m/III+/5 seguru

Ibilbide hasiera zinta zuri batek markatzen du eta hiru metroko horma bertikal bat igotzea gonbidatzen, ondoren ezproi etzan batetik jarraitu plaka batera iritsi bitarte. Behin hau gainditu ostean terraza eroso batera iritsiko gara, non lehen bilkura aurkitzen dugun.

L2- 35 m/IV+/10 seguru

Bilkuratik atera eta ezkerretik aldiro bertikalagoa jartzen den horma erasotzen dugu, non helduleku on eta ugari aurkitzen ditugun. Horma gainditu eta erlaitz eroso batera iristen gara, non bigarren bilkura aurkitzen dugun. 

L3- 35 m/V-/6 seguru

Bigarren luzearekin batera ibilbideko dibertigarri eta giro gehien duena. Plaka bertikal eta tinko bat eskuentzako helduleku trxiki eta oinentzako ertz biziekin bidera ateratzen zaigu. Seguruek naiz hasiera batetan eskuinera eramaten gaituzten, laster ezkerrera bideratu eta plaka etzan batera iritsi eta dagoeneko, zailtasun handiegirik gabe, pinu handi baten ondora ailegatzen gara, ibilbideari izena ematen diona eta non hirugarren bilkura aurkitzen den.

L4- 30 m/IV-/5 seguru

Ezproi batetik jarraitzen dugu plaka errraz bat gaindituz eta inongo zailtasunik gabe laugarren bilkura gunera eramaten gaitu. Hau leku askorik ez duen horma txiki baten azpian agertzen da. 

L5- 35 m/IV/2 seguru

Hiru metroko hormak helduleku onak agertzen ditu eta hau da luze honek duen zailtasun bakarra. Behin gaindituz gero, gune belartsu batetik ibiliz jarraitzen dugu bosgarren bilkura kokalekura ailegatzeko (parabolt bat).

L6- 25 m/V+/6 seguru

Bost metroko horma bertikal eta desplomatu bat gainditu beharrean gara, eskaladako zailtasun handiena izanik. Eskuinean helduleku handi eta on bat ageri zaigu eta bertatik zintzilikatuz hankak igotzen saiatzen gara. Apenas heldulekurik duen plaka etzan batera atera gara, non seguru bat dagoen, beharrean gertatuz gero erabili dezakegu pasartea A0 gahinditzeko. Hau eta gero zailtasunak asko jaisten dira eta dagoeneko gune errazago batetik, seigarren bilkurara iristen gara.

L7- 35 m/III/6 seguru

Ibilbidearen azken luzea hasi dugu maila txiki batzuek eta plaka etzan bat gaindituz, apenas zailtasunik dutenak, horrela zazpigarren bilkura kokapenera iristen gara eta bide batez, ibilbide amaierara.

Behin soka eta materiala jaso eta katu-hankak kenduz, !a zer nolako lasaitua¡, ibiltzea besterik ez dugu minutu batzuen ondoren Ibones de Bachimaña aterpetxera iristeko (2.200 mts) eta merezitako sariez gozatzeko, behin lau eskalada ibilbideak kateatu ditugun, Vía del Nano, Espolón de Rebollón, Arista de Mogli eta Espolón del Pino. Jaitsiera GR-11 ibilbidetik egingo dugu eta ordu bat geroago Casa de Piedra aterpetxera iristeko aukera izango dugu (1.636 mts), non ordu batzuek lehenago autoa utzi dugun.

 

Datu teknikoak

  • Ibilbidea: Bachimañako aterpetxera eskalatzen
  • Luzera:3.950 m.
  • Desnibela:775 m.
  • Kokapena:Pirinioak
  • Kategoriak : Eskalada klasikoa, Kirol eskalada
  • Zailtasuna:D+
  • Harri eskaladaren zailtasuna:V+
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Panticosako aterpetxetik
  • Materiala:60 metroko soka eta 12 express
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.