Arista de Mogli - D-/200 m/V-

Capra Alpina(e)k idatzia.
971
bisita

Zazpi luzeko ibilbide erraza, oso ondo ekipatua, granito harri ezin hobean eta zailtasun erraza eta iraunkor gutxikoa duena. Aukera polita eskaladan hasi-berriak direnentzat edo zailtasun handiagoko hormetan sartu aurretiko jarduera, ala nola Espolon del Pino ibilbidea (D/260 m/V) edo Viaje por el Muro ibilbidea (D/205 m/V), biek ere Frailearen Ur-jauzi horman kokatuak, Bachimaña aterpetxe berriaren oinpean. 

Sendero Límite krokisa

L1- 30 m/V-/5 seguru

Eskalada mugarri berezi baten ondoan hasten da eta pasarte arraroa duen horma bati aurre egiten dio, naiz ezkerretik saihestu daitekeen oinez igoz, non goi aldean lehen segurua aurkitzen dugun. Metro batzuek oinez egin eta itsaspenez igo behar den plaka leun baten oinpera iristen gara eta hau gaindituz gero, terraza batera iritsi non lehen bilkura gunea aurkitzen dugun. 

L2- 30 m/IV/6 seguru

Maila txiki-segidak horma tente batera eramaten gaituzte, non bere oinpean pinu bat aurkitzen dugun eta nahi eta ez, bertara igo behar dugu horma gainditu ahal izateko. Ondoren plaka etzan batetik (erraz) jarraitzen dugu bigarren bilkura gunera iristea lortzeko.

L3- 25 m/IV-/4 seguru

Luze erraza, hasiera batetan maila txiki batzuetatik altuera irabazten doa, non arroka-zubi bakarren bat dagoen eta plaka etzan batetik hirugarren bilkura kokalekura bitarte jarraitzen duen.

L4- 25 m/III-/3 seguru

Luze erraza, horma txiki etzan batetik altuera irabazten goaz eta inongo zailtasunik gabe, laugarren bilkura gunera eramaten gaitu. Hau, zinta zuri bat duen pinu handi baten ondoan aurkitzen da.

L5- 25 mt/III/3 seguru

Maila txiki batzuek igoz hasten gara jarraian ezkerrera zuzendu eta plaka txiki bat gainditu ahal izateko (erraz). Zeharkaldi horizontal batek bostgarren bilkura gunera aillegatzen laguntzen digu, hau goraxeago aurkitzen bada ere.  

L6- 35 mt/V-/7 seguru

Ondo babestua dagoen plaka bertikal bat bidera atera zaigu eta naiz itsaspena lehen metroetan beharrezkoa den, altuera irabazten goazen neurrian zimurdura txiki batzuek agertzen dira pinu handi baten ondora igotzen lagunduko digutenak, non bilkura egiteko aukera dugun, bainan gu metro batzuek eskuinera jarraitzen dugu seigarren bilkura ezartzeko. 

L7- 30 mt/IV+/4 seguru

Helduleku txiki batzuk dituen horma bertikal bezain motz bat erraztasunez gainditzen dugu. Plaka etzan batek jarraitzen dio eta itsaspenez zailtasun handiegirik gabe igotzen dugu, zazpigarren eta azken bilkura gunera iristeko eta aldi berean, Arista de Mowgli amaiera iristeko.

Hito ugari dituen xenda batetik ibilaldi erraz bat eginez, apenas 10 minutu nahikoa izango ditugu Panticosatik Bachimaña aterpetxera doan GR-11-ra iritsi ahal izateko. Xendan gora eginez gero, 20 minutu nahikoa izango ditugu Cuesta de la Cascada del Fraile-ra eta jarraian, Espolón del Pino D/260 m/V/(IV beharrezkoa) horma oinpera iritsi ahal izateko. Gure pausoak bertara bideratzen ditugu.

Datu teknikoak

  • Ibilbidea: Bachimañako aterpetxera eskalatzen
  • Luzera:
  • Desnibela:
  • Kokapena:Pirinioak
  • Kategoriak : Eskalada klasikoa, Kirol eskalada
  • Zailtasuna:D+
  • Harri eskaladaren zailtasuna:V+
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Panticosako aterpetxetik
  • Materiala:60 metroko soka eta 12 express
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.