Espolón de Rebollón - D/110 m V+

Capra Alpina(e)k idatzia.
641
bisita

Ibilbide entretenigarri eta zailtasun iraunkorra duena, ondo ekipatuak dauden lau luzez osatua. Zailtasun handiena hirugarren luzean aurkitzen dugu, horma batetan eskuinerako zeharkaldi estraplomatua, Sendero Limitek ekipatutako ibilbide guziak bezala estrategikoki kokatuak dauden parablotez hornitua eta behar izan ezkero A0 igo daitekeena.

Sendero Límite Krokisa

L1- 30 m/IV-/6 seguru

Koska txiki bat gainditu beharrean gaude ondoren, helduleku txiki eta ondo babestua dagoen plaka etzan batetik igotzeko. Ezkerrera egingo dugun zeharkaldi horizontal batek, inongo zailtasunik gabe lehen bilkura kokalekura eramaten gaitu, zinta bat lotua duen pinu baten ezkerraldean.

L2- 30 m/IV+/11 seguru

Bilkura kokalekutik atera eta tentegoa den plaka batetik eskuinera diagonalean altuera irabazten goaz. Lau seguru ondoren, plaka-diedro batetik jarraitzen dugu ezproi txiki eta tente batera iritsiz, non goi zatian erlaitz txiki batetan bigarren bilkura gunea aurkitzen dugun.

L3- 25 m/V+/9 seguru

Bilkuratik atera eta helduleku onak dituen horma bertikal batetik gorantz egiten dugu. Metro batzuek igo eta lau seguru atzean utzi ondoren, pasarte zailenera eramango gaituen eskuinerako zeharkaldia hasten da. Paretak atzera botatzen bagaitu ere, helduleku on eta pausu atletiko batzueri esker, gainditzea lortu eta hirugarren bilkura gunera iristea lortzen dugu. Behar izanez gero pasarte hau A0 gainditu daiteke.

L4- 25 m/V-/3 seguru

Bilkura gunetik atera bezain laster itsaspen pasarte tente batekin topo egin eta helduleku txiki batzuei esker gainditzea lortzen dugu. Horrela plaka etzan baten gainera iristen gara eta dagoeneko, zailtasun handiegirik gabe, laugarren bilkura kokalekura oinez iristeko aukera dugu eta bide batez, Vía del Espolón de Rebollón ibilbidearen bukaera.

Jaitsi ahal izateko ibilbidearen hasiera bitarte rapelatu dezakegu edo eskuinera hitoak jarraituz berriz, ondo markatua dagoen bidexka segi GR-11 ibilbidera hamar minuturen bueltan iristeko, Caldares ur-jauzi inguruan. Bidea gorantz jarraitu ezkero hamabi minuturen bueltan llanos de Bozuelo-ra iritsiko gara. Pare bat minutu geroago, Arista de Mogli D-/200 m/V- (IV+ beharrezkoa) ibilbidearen hasiera eta horrela, ibilbideak katiatzen jarraitzeko aukera izango genuke. Guk ala egingo dugu.

Datu teknikoak

  • Ibilbidea: Bachimañako aterpetxera eskalatzen
  • Luzera:3.950 m.
  • Desnibela:775 m.
  • Kokapena:Pirinioak
  • Kategoriak : Eskalada klasikoa, Kirol eskalada
  • Zailtasuna:D+
  • Harri eskaladaren zailtasuna:V+
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Panticosako aterpetxetik
  • Materiala:60 metroko soka eta 12 express
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.