Via del Nano - D/105 mts V-

Capra Alpina(e)k idatzia.
808
bisita

Pirineo-ko ingurune paregabe honetara etortzea, beti ere oso atsegina izaten da, urteetan zehar bizi izan ditugun esperientziek pilatzen bai zaizkigu. Bainan gaur, beste egunetan ezbeste, Infiernos, Garmo Negro, Argualas, Dientes de Batanes,... igotzeko asmoarekin ez gatoz naiz ohikoa izaten den eta bai ordea, ibilbide eskuragarri eta dibertigarrietan eskaladaz gotzatzera. 

Croquis Sendero Límite

Casa de Piedra aterpetxeko aparkalekutik abiatu eta hormigoizko zubi txiki bat zeharkatzen dugu, barrakoi zaharkitu eta abandonatu batzuen atzetik, zentzugabekeria galanta natura gune batetan, eta eskuinera bira egin eta telefoniako errepikatzaile batetara iristen gara, non bere atzean hiru luze dituen Vía del Nano (D/105 mt V-,IV+ beharrezkoa) hasten den.

L1- 40 mt/V-/8 seguru

Zuhaitz dotore baten itzalean bost metroko horma estraplomatua aurkitzen dugu, helduleku onak dituena eta bikain babestua aurkitzen dena, non ibilbideko zailtasunik handiena dugun. Behin horma gainditzea lortu eta plaka etzan batetik itsaspenez eskalatuz jarraitzen dugu. Hemendik aurrera zailtasunak desagertzen dira eta oinez, horma baten oinpean dagoen lehen bilkura gunera iristen gara. 

L2- 30 mt/V/10 seguru

Horma tentea erasotzen dugu, aurrekoa bainan errazagoa dena eta egoki babestua dagoena. Ezkerretik eskuinera doan plaka berri batetik jarraitzen dugu, non seguro asko aurkitzen ditugun, bainan beharrik ikusten ez dugunez batzuek saihesten ditugu. Horma berri bat agertzen zaigu, non helduleku txiki bainan ugari dauden eta erlaitz eroso batera iristen laguntzen diguten, bertan bigarren bilkura gunea dagoelarik.

L3- 30 mt/IV+/5 seguru

Ibilbidearen luzerik errazena dugu, naiz bertikaltasunik ez zaion falta. Erlaitz txiki batzuetatik altuera irabazten dugu, bertan aurkitzen ditugun helduleku onez baliatuz eta zailtasunik gabe, hirugarren bilkurara eramaten gaituzte eta bide batez, Vía del Nano ibilbidearen bukaera.

Bilkura guziak rapelatu daitezke eta nahi izan ezkero jaisteko erabili ditzazkegu. Dena den, oinez jaitsi nahi izan ezkero hitoak jarraitu besterik ez dugu eta minutu gutxiren bueltan, berriz ere, ibilbidearen hasierara eramango gaituzte. Beste aukera bat, batere baztergarri ez dena, xenda nabaria gorantz jarraitzea dugu Espolón de Rebollón D/110 mt/V+ (IV+ beharrezkoa) ibilbide hasierara eramango gaituena eta bi ibilbideak lotu, guk egingo dugun bezala.

Datu teknikoak

  • Ibilbidea: Bachimañako aterpetxera eskalatzen
  • Luzera:
  • Desnibela:
  • Kokapena:Pirinioak
  • Kategoriak : Eskalada klasikoa, Kirol eskalada
  • Zailtasuna:D+
  • Harri eskaladaren zailtasuna:V+
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Panticosako aterpetxetik
  • Materiala:60 metroko soka eta 12 express
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.