San Lorenzo gailurra - 2.271 m

Capra Alpina(e)k idatzia.
365
bisita

San Lorenzo mendia edo Santa Maria de Otero, San Llorente edo Cuculla bezala ezaguna denak, erromatarren garaian Demanda edo Idubedas eta Destercios ezaguna zen mendizerrako tontorrik garaiena dugu eta aldi berean, Errioxa probintziako mendirik garaiena ere. Cuculla izena gailurra estaltzen duen mantu zuriaren ondorio da, zein monje baten abituko kaputxaren antza hartzen du.

Autoa Vazdezcaray behe estazioko aparkaleku zabal, erraldoi eta hutsean uzten dugu (1.550 m), itsura fantasmagorikoa duena eta non ibilgailu bakar bat ikusten dugun. Gure eskuinetik ibilitzen hasten gara mendi pista zabal batetik, non negu garaian elur pista batetan bihurtzen den "El Camino" izenez ezaguna.

Bihurgune nabari batetara iritsi bitarte altura irabazten goaz, ondoren ezkerrera jarraituz bideak goi estaziora norabidean (1.660 m) eramaten gaitu. Cabeza Parda (2.106 m) eta San Lorenzo (2.271 m) mendien artean dagoen Nestaza lepoa (2.034 m) eta bide arrunta dena ez jarraitzeko asmoz etorri garenez, goi estaziora iritsi naurretik eskuinean aurkitzen dugun zehaztugabeko xenda, landaredi itxi artean, jarraitzen dugu.

Metro asko zuzen igotzen ditugu txilar eta orre artean, zabal eta nabariagoa den beste bide batera iristea lortu arte. Hau gure eskuin norabidean doa, Cerro Turraguas (1.784 m) bidean. Pago eta pinu beltz baso batetik horizontalki ibiliz goaz Cobetia (1.843 m) mendiaren malden azpitik. Errekatxo batzuek zeharkatu ostean, non behi eta txekor ugari ikusten ditugun, Cruz de la Demanda (1.752 m) eta eski estazioa lotzen dituen pista pasatzen den lepora iristen gara. 

Cruz de la Demandara norabidean jaisten den pista eskuinean utzi eta ezkerretik paralelo altura irabaziz doan beste pista batetik jarraitzen dugu, Colocobia (1.967 m) teleaulkira norabidean. Hemendik aurrera pagoak desagertzen dira eta pinu beltzak apenas bakar batzuek ikusten ditugu eta horrek, eguzki izpietatik babesteko aukera gutxi ematen digu eta ori dela eta, igoera askoz nekezagoa egiten zaigu. 

Behin Colocobia teleaulkira iristean (1.967 m), gure eskuinean bi xenda oso nabariak aurkitzen ditugu, bat ezkerretik doana eta sigisaga ugariz baliatuz ertz N-NW paralelo igotzen dena eta bestea ertzetik urrunduz eskuinetik igotzen dena. Ezkerreko xendatik ertzaren paralelo igotzen gara eta bertatik eski estazio osoa ikusteko aukera dugu.

Bi xendak ehun bat metro gorago elkartzen dira eta bateraturik altura irabazten jarraitzen dute, San Lorenzo irudia zerumugan ikusten hasi bitarte. Gailurrera iristen ari garen bitartean eraikuntza ugari ikusten hasi gara: irudiak, monolitoak, aldare bat, erpin geodesikoa, metalezko etxola bat,... Gauz ugari lekuz kanpo eta San Lorenzo (2.271 m) mendiaren ingurune naturalari inongo mesederik egiten ez diotenak.

Errioxako mendirik altuena eta Moncayo ondoren Sistema Iberico guztiko bigarren gailurrean egon arren, ez da batere erakargarria mendizaleentzako, edozein lekura begiratzen badugu ere gizonaren esku hartzea inguruan nonai ikus dezakegu. Pena eguraldi petrala dugula eta lainotua dagoela eta horrek, inguruaz gozaketzo aukera gehiegi ez digu ematen, oso gertukoa ez ba da. Esaten dutenez Moncayo, Urbión, Neila, Pirineoak edo Gorbea mendia ere, beste batzuen artean, eguraldi onarekin ikus daitezke.

Jaitsiera Nestaza lepora eta teleaulkira (2.034 m) doan malda gogorretik egiten dugu. Behin bertan eski pista jarraitzea besterik ez dugu goi estaziora iritsi ahal izateko (1.660 m). Ondoren beste pista bat jarraituz Valdezcaray behe estaziora iristen gara eta jarraian aparkaleku erraldoiera, non ordu batzuek lehenago autoa utzi dugun.

 

Datu teknikoak

  • Ibilbidea: San Lorenzo Valdezcaray eski estaziotik
  • Igoera data:2020-08-23
  • Luzera:
  • Desnibela:
  • Kokapena:Bestelakoak
  • Kategoria : Oinezko igoera
  • Zailtasuna:F
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2:10 h
  • Igotzeko denbora:2:40 h
  • Jeisteko denbora:0:30 h
  • Garaia: Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.