Gourette - Lakuen ibilbidea

Capra Alpina(e)k idatzia.

2530
bisita

Pirineoak ikustatzea merezi duten hainbat bazter ikusgarri ezkutatzen ditu. Horietako bazter bat Gouretten aurkitu dezakegu, Pirineo Atlantikoko bihotzean. Ingurune natural paregabea mendi eta laku ugariz inguratua, non mendi-ibili anitzez gozatu dezakegu. Hauetako bat segidan proposatzen dizuegu, ibilbide borobila Gourette eski estazioa eta Anglas, Izious eta Lavedan lakuak elkartzen dituena, xendazaletasuna gustokoa duen edonork egiterik duena.

Behin Gourette eski estazioan autoa eski pista inguruan aurkitzen den aparkalekuan uzten dugu eta xenda nabari batetik ibiltzen hasten gara. Egurrezko zubi dotore bat erabiliz uhar oldartsua zeharkatzen dugu xenda kirol gune batetan murgiltzen den bitartean eta laster, GR-10 ibilbidearekin bat egiten du.

Higatua aurkitzen den xenda pagadi dotore batera laster batetan igotzen da. Torrent Valentin uharraren eskuin bazterretik minutu batzuetan ibiliz goaz metalezko zubi txiki batetik zeharkatzen dugun arte. Behin ezker bazterrean xendak gorantzko bidea jarraitzen du eta Pêne Sarrière mendiaren begiradapean gune zabal batera pagaditik ateratzea lortu, non aspaldiko meatzari ustiategi aztarnak aurkitzen ditugun.

Gure eskuinera pista eskiak utzi eta hego norabidean gorantzko bidea Pêne Sarrière kareharri horma ikusgarriaren paralelo jarraitzen dugu, non aurreko astean ekialde aurpegia eskalatzeko aukera izan genuen, Pirineoko eskalada klasikoetako bat.

Ezkerrean Coste de Goua txabola uzten dugu (1.664 m) eta bidegurutze batera iritsi bitarte malda igotzen jarraitzen dugu. GR-10 ibilbidea gure eskuinetik jarraitzen duen bitartean, zirkuaren barrenera doan xenda zuzen jarraitzen du. Eskuinera sigi-saga ugariz baliatuz Anglas lakua norabidean azkar batetan igotzen gara.

Meatzari ustiategi izan zenaren aztarnak atzean uzten ditugu eta gorantz jarraitzen dugun bitartean ibarra urruntzen ikusten dugu, Pêne Sarriere (AD/IV) ertz zorrotz eta airezkoa bere osotasunean agertzen zaigun bitartean.

Anglas lakutik erortzen den uharrak sortzen duen ur jauzi txiki baten ingurura bitarte gorantz jarraitzen dugu. Xendak bihurka gorantzko bidea jarraitzen du eta denbora gutxi barru, lehenik isurbide mailara eta ondoren Lac d´Anglas ikusgarria pausatzen den arrora iristen gara (2.068 m).

Lakua Pene-Medaa (2.521 m) eta Arre Sourins (2.614 m) mendiek osatzen duten zirkuaren behe aldean aurkitzen da. Zirkuaren ekialde hegalean ere meatzari ustiategi izan zenaren aztarnak aurkitzen ditugu. GR-10 ibilbidetik Uzious lakura (2.120 m) eta Hourquette d’Arre lepora (2.465 m) norabidean jarraitzen dugu, beti ere lakua gure eskuinean eramanez.

Meatzarien etxeak izandakoak, meazulo eta aspaldian denbora luzean izandako meatz jarduera anitzen hondakinak atzean utzi eta behín lakuaren beste aldean, GR-10-a malda tente batetik bihurka gune arrokatsu batetik gorantz doa, altuera azkar irabaziz.

Behin lautada batera iristean eskuinera Hourquette d´Arre lepora norabidean doan GR-10 ibilbidea utzi eta ezkerretik berantzko bidea jarraitzen dugu. Bertatik Lavedan lakua (2.179 m) ikus dezakegu. Xendak Izious lakura norabidean jaitsiera zorabiagarri bat hasten du.

Uzious lakura iristean (2.120 m) ur-bazterrean eseri eta uraren kolore urdin bizi eta amuarrainen salto axolagabeei begira denbora pasatzen dugu. Lakuaren eskuin bazterretik xendak poliki-poliki eta inongo zailtasunik gabe Lavedan lakura eramaten gaitu (2.179 m).

Uzious lakuaren isurbidea atzean utzi eta hutsean amiltzen den ura eramateko hodi herdoildu eta hautsi batekin aurkitzen gara. Kontu handiz hodi lerrotik jaisten gara, beti ere ezkerrean daramagun horma inguruan mantenduz.

Metro dozena batzuek jaitsi eta gune lasaiago batera iristen gara, non berriz ere xenda aurkitzen dugun. Jaitsierarekin jarraituz beste gune delikatuago batekin aurkitzen gara eta aurrekoa bainan arriskutsuagoa denez, jaisteko hodiaren bi aldeak erabiltzea behartuak gaude. Azken zatian eskailera-maila batzuek arrokan zizelduak aurkitzen ditugu eta irristatu gabe kontu handiz jaisten gara.

Laster batetan kobazulo txiki batera iristen gara non bere barnean meatzari ustiategi izandakoaren ura ponpatzeko ekipo bat aurkitzen dugu. Malda harritsuan xenda bihurgunetsua beherantz doa zirkuaren sakonera, Uzious lakutik erortzen den ur-jauzi zaratatsuaren inguruan.

Xenda bidegurutze batera iritsi bitarte jarraitzen dugu, non berriz ere goizean jarraitu dugun GR-10 ibilbidearekin bat egiten duen. Dagoeneko itzultzea besterik ez zaigu geratzen. Pêne Sarrière ertz zorrotzaren begiradapean Gourette-ko eski estazioko aparkalekura goaz, non gaur goizean autoa utzi dugun.

Datu teknikoak

Ibilbidea: Pène Sarrière Lakuen ibilbidea
Luzera:12.450 m
Desnibela:1.100 m
Kokapena:Pirinioak
Kategoria : Oinezko igoera
Zailtasuna:F+
Ibilbide zirkularra:Bai
Hasiera puntuan amaitzen da:Bai
Iristeko denbora:3:45 h
Nola iritsi:Laruns herritik Col d´Aubisque norabidean igotzen de D.918 errepidea 11 km jarraituz
Igotzeko denbora:5:00 h
Jeisteko denbora:1:15 h
Ezaugarriak:Ibilbide luze eta desnibel andikoa baina zailtasunik ez duena Uzious lakutik jaisten den zatia ezik, non eskuak erabiltzea bearrezkoa izango dira Plaa de Batch aranera iristeko.
Materiala:Makilak
Garaia: Uda
IBILBIDEAREN DATU GUZTIAK IKUSI