Vesubio - 1.281 m

Capra Alpina(e)k idatzia.
643
bisita

Bizirik dagoen sumendia hau Apeninos mendikate nagusiko hegoaldean aurkitzen da eta Napoles badiaren bihotzean kokakua dago, Italia egoaldeko hiri handienetik apenas bederatzi kilometrora. Mendeetan zehar bere erupzioak ospetsuak izan dira, batez ere 79 urteko abuztuaren 24-an gertaturikoa eta non beste batzuen artean, Erculano, Oplontis edo Pompeya bezalako herriak lurperatuk izan ziren.

Naiz sumendi bizi bat den egunero milaka eta milaka bisitari bere konora igotzeko aukera dute. Gaur egun agintariek gune gorri barruan bizi den jende kopurua murrizti nahi dute eta horretarako, 1995 urteko ekainaren 5-ean mendiaren inguruko 135 km2 Vesubio Parke Natural izendatu zituzten.

Ercolano hiritik, Nápoles-Salerno autopista ordainleku ingurutik, errepide bat ateratzen da eta 12 km zehar gorantz doa lehen hesi batera iritsi bitarte, non jarraitzeko aukerarik ez dugun. Autoa aparkatu eta gainera 10€ ordaintzea beharturik gaude. Hemendik aurrera eta 1 km-ra geratzen den sarrerara iristeko bi aukera ditugu, oinez jarraitu edo ugariak diren autobusen bat hartu 2€ pertsonako ordainduz.

Behin autobusak pilatu eta jendearen joan etorria etengabea den aparkaleku handira iristean, ezkerrera sarrera txartelak hartzeko bulego txiki bat aurkitzen dugu, non beste behin eta jarraitu ahal izateko 10€ ordaindu beharrean gaude. Sarrera atea zeharkatu eta sumendiaren gailurreko igoeraren azken zatia hasten dugu. Itxituraz babesturiko bideak altuera sigi-sagaz irabazten du eta non, adin guzietako jendea laba bidetik  zaratatsu ibiliz doa. 

Sumendiko kraterraren konotik banatzen gaituzten 177 metroak, lehen zatia honetan sigi-saga ugariez baliatuz altuera azkar irabazten saiatzen dira eta horrek, mendian ibiltzeko oitura gutxi dutenei nekea sortzen die. Jende ugari ibilbide bazterrean arnasa berreskuratu nahiean ikusten ditugu, Amalfitana kostalera eta bereiziki Napoles badiara ageri den paisai ikusgarria begiratzeko baliatzen duten bitartean. 

20 minuturen ondoren kraterraren ertzera iristea lortu dugu eta ezinbestean, lehen begirada bere ondora doa. 300 metroko ondoak eta 400 metroko diametroak zirrara ikaragarria sortzen digute. Kea dariola ageri diren fumarola ugariek zer pentsatua ematen digute. Lehen oroigarri denda bat atzean uzten dugu kraterra ertzetik zeharkatzen jarraitzeko.  

Zeharkatzen goazen ertza ezin hobeki babestua dago inork arrisku txikienarik izan ez dezan. Bidea askoz ere errazagoa izan dezan, egurrezko eskailera bat ageri zaigu gune malkartsu bat gainditzen laguntzeko eta beraz baliatuz, bigarren oroigarri denda batera iristeko aukera dugu (1.132 m). Bertatik zeharkatu berri dugun ertza ikus dezakegu, ala nola bertatik doazen jendearen profilak ere. 

Langa batek bidea isten digu eta sumendiaren gailurrera igotzeko aukera ukatu, naiz gu bertara igotzeko asmoarekin goazen, baina baimendutako jendeak bakarrik aurrera jarraitu dezake eta guk, zoritxarrez baimenik ez dugu. Behatoki paregabe honetatik Erromatar iria izan zen Pompeya kokagunea bilatzen saiatzen gara, 79 urteko abuztuaren 24-an sumendiaren haserrea jasan eta erupzio bortitz baten ondorioz, 2,8 metro altuerako errautsez lurperatua izan zena.

 

Datu teknikoak

  • Ibilbidea: Vesubio Vesubio sumendia
  • Luzera:3.600 m.
  • Desnibela:322 m.
  • Kokapena:Bestelakoak
  • Kategoria : Oinezko igoera
  • Zailtasuna:F (zailtasunik gabe)
  • Hasiera puntuan amaitzen da:Bai
  • Iristeko denbora:1:15 h
  • Igotzeko denbora:1:45 h
  • Jeisteko denbora:0:30 h
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.