Yujina - 5.200 m

Capra Alpina(e)k idatzia.
545
bisita

5.200 m dituen Yujina mendia Zailiysk (Pamir) mendilerroan kokatzen da, Kirguistán herrialde barruan. Lenin mendiaren bidean aurkitzen de lehen kanpaleku inguruan (4.300 m) dauden hainbat mendien artean aurkitzen da, baina beste guziekin alderatuz, Lenin mendira doazen mendizale arteen aklimatazioa hobetzeko igotzen dena bera da.

Lenin Glaziarraren morrena gainean lau kanpaleku ezberdin aurkitzen dira, non Lenin Mendia igotzeko asmoz doazenek bertan banatzen diren. Edozein lurraldeko jendea topa dezakegu, Europarrak, Amerikarrak, Asiarrak,… gu Madrid-ko seikote batekin elkartu gara. Yujina mendira igo ahal izateko gure kanpalekutik atera, lauetan txikiena, eta handiena den Ak-Sai kanpalekura bideratzen gara. Bertan besteetan aurkituko ez dugun hainbat zerbitzu, medikua barne, aurkitu ditzakegu.

Bertara iritsi aurretik ezkerrera biratu (E) eta glaziarretik behera doazen hainbat uhar zeharkatu ostean, sigi-saga ugariez baliatuz, Home Peak gailurrera bidean igoera gogor bati hasiera ematen diogu. Hasierako malda honek landaretza gutxi bat ba du ere, gora goazen heinean eta higaduraren ondorioz, erabat gordin bihurtzen da. Jendearen joan etorria handia da eta inguru honetan igo beharrezkoa den mendi bat dela dirudi.

Eguna ez da batere ona, gainera gaua elurretan pasa du, baina gure aklimatazioa hobetu behar dugunez aurrera jarraitzen dugu. Maldan gora eginez, harriz eginiko mugarri batek 4.730 m dituen Home Peak gailurra adierazten digu (1:00 h). Azken bi egun hauetan mendi xume hau bigarren aldiz igo dugu, apala bada ere ondo aklimatatu ahal izateko denak balio digu.

Bertatik Yujina mendiak beldur pixka bat ematen du, azaltzen duen elur pilaketa garrantzitsua da, atzoko egunez ez zuena, lainoak osotasunean estaltzen duen bitartean eta gu bitartean, ausardia handiz zapatilekin. Naiz momentu batez aurrera jarraitu edo ez zalantza dugun, azkenik jarraitzea erabaki dugu, gauzak gaizki ikusi ezean itzuli ahal izateko aukera beti izango bai dugu. 

Elurra harrapatu bitarte 30 metro jaisten gara, bertatik zeharkatu beharrean bai gaude Yujina mendiaren gailurrera doan ezproiaren hasierara iristeko. Bat batean lainoa desagertzen hasi da lehen ostarteak agerian utziz eta tontorrera bitarte, ezproitik gora doan bidea ikusteko aukera ematen digu.

Gora eta behera dabilen jende pilarekin bidea oso ondo zehaztua dago, baita gaur ere elurra egin duen arren. Bukaezinak diruditen sigi-saga ugariek altuera azkar irabazten laguntzen digute, naiz tarteka geldialdiren bat egin beharra izan arnasa berreskuratzeko. Lainoak berriro ere tontorra estali du baina bidea garbi ikusten dugunez aurrera jarraitzen dugu.

Gutxika bada ere ezproiaren azken zatira iristen ari gara, askoz elurtuago dagoena, non zapatilak ez diguten asko laguntzen. Gure aurretik pasa direnen oin arrastoak zapalduz tontorrera doan ertz arriskutsura iristen gara.

Azken hamar metroak erabat izoztuak aurkitzen ditugu eta bertan, jaistean ezustekoa izango dugu guretako batek labain egingo bai du eta maldan behera abiatuko da pitzadura batek erorketa gelditzeko aukera eman arte. Ertzak zuzenean goi-lautada batera eramaten gaitu non 5.200 m dituen Yujina tontorra aurkitzen dugun (2:39 h).

Naiz eguna ez den aproposena bistaz gozatu ahal izateko, ostarte batek Achic-Tash edo Lenin mendiko kanpaleku orokor inguruan kokatzen den 4.725 m dituen Petroski mendia ikusteko aukera ematen digu. Mendi hau ere lehen kanpalekura igo aurretik erabili oi da aklimatazioa hobetzeko.

Gure helburua aklimatazioa hobetzea denez, gailurrean ordu batzuek geratzeko asmotan gara naiz eguraldiak asko laguntzen ez digunez. Horretarako kartak igo ditugu eta emozioz beteriko mus txapelketa bat antolatu dugu, hamarreko bezala eraman ditugun fruitu lehorrak erabiliz. 

Lenin mendiko iparraldetik behera jaisten den lainoak inguru guzia estaltzen du eta gainera, elurra ere hasi da. Ori dela eta, denborarik galdu gabe gauzak jaso eta behera abiatzen gara. Gure ondoren igo den talde handi batek dendak jartzeari ekiten dio bertan gaua pasatzeko asmoz eta horrela, aklimatazioa hobetu.

Datu teknikoak

  • Ibilbidea: Yujina Bide normala
  • Kokapena:Pamir
  • Kategoriak : Kranpoiak, Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:2:39 h
  • Nola iritsi:Lenin mendiko lehen kanpalekutik
  • Igotzeko denbora:3:52 h
  • Jeisteko denbora:1:13 h
  • Ezaugarriak:Igoera erraza eta apenas zailtasunik ez duena duen altura izan ezik, ez bai da mespretxagarri
  • Materiala:Makilak eta kranpoiak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.