Pico Razdelnaya - 6.148 m

Capra Alpina(e)k idatzia.
707
bisita

6.148 m dituen Razdelnaya mendia Zailiysk mendilerroan kokatzen da (Pamir), Kirguistán herrialdean. Pamir mendilerro ugarien bilkura gune da, ala nola Tien Shan, Hindú Kush edo Karakorun bezalako mendilerroak eta Himalaya ondoren, planeta guziko bigarren mendilerrorik handiena dugu, 120.000 km2-kin. 7.134 m dituen Lenin mendira bidean dagoen 3-garren kanpalekutik gertu aurkitzen denez, oso maiz igotzen dute, bai Lenin mendira igo ahal izateko aklimatazio prozesurako erabiltzen delako, bai duen garaiera kontutan izanik Lenin mendira igotzerik ez dutenek azken helburu bezala erabiltzen dutelako.  

3.600 m-ra aurkitzen den kanpaleku orokorretik atera gara eta Lenin mendiaren begirada pean denbora luzez alfonbra berde batetik ibiliz goaz, lore alpinoez betea dagoena eta non Edelweiss-ak ugariak diren.

Behin lautada zeharkatu eta beste aldera iristean, bide bazterrean arroka handi bat aurkitzen dugu non bertatik zintzilik Lenin mendia igotzen bizia galdu duten ainbat pertsonen oroigarriak ikusten ditugun. Jarraian ur-jauzi txiki bat erortzen den kontrahorma bat gainditzen dugu.   

Puteshestvennikov lepora (4.200 m) norabidean jarraitzen dugu, non inongo begetaziorik ez duen malda gordinean zehar bidexkak sigi-saga ugariez duen desnibel handia gainditzen saiatzen da eta nondik mandazainen zaldiek lehen kanpalekura zama eramanez, inongo zailtasunik gabe igotzen diren.  

Behin lepoa gainditu eta dagoeneko beste isurialdean, bidexkak Lenin Glaziar morrenararen ezkerraldera beherakada zorabiagarri bat hasten du. Morrenaren metro batzuek goitik ibiltzen goaz bidexka ezegonkor batetik eta zaldiek bertatik arazorik gabe ibiltzen direla pentsatzeak, harritu egiten gaitu.

Hiru ordu ibili eta kontrahorma berri bat gainditu ostean, ibaiaren ezker aldera bitarte jaisten gara, non marroi koloreztatutako ur indartsuek, higaduran ondorio, jarraitzea oztopatzen digute. Eskerrak bertan bi abeltzain aurkitzen ditugun zaldi eta guzi eta euro bakar batzuen truke, zaldi gainean zeharkatzeko aukera dugu.

Behin denak ibaiaren beste aldean, Lenin Glaziar morrenaren ezker aldera berriz ere igo eta aho zabalik gelditzen gara. Dagoeneko askoz gertuago eta bere edertasun guzian, Lenin mendiaren ipar aurpegi ikusgarria Razdelnaya mendia eskuinean duelarik ikusten dugu.

30 minutuen ostean 1 kanpalekura iristen gara. Hau Lenin Glaziar morrena gainean aurkitzen da eta bertan aurkitzen ditugun YURTAK atentzioa deitzen digute. Yurtak Asia ertaineko nomadek erabiltzen dituzten etxeak dira eta sukalde zein jangela bezala egiten dute. Kanpalekua inguruan ditugun beste batzuek baina txikiagoa bada ere, oso atsegina da. 

Aklimatazio egun batzuek igarotzen ditugu, kanpaleku inguruan aurkitzen diren ainbat mendi igoz, ala nola 5.200 m dituen Yujina mendia, gorantza abiatu aurretik. Gure asmoa 5.300 m-ra dagoen 2 kanpalekuan gaua igarotzea da eta hurrengo egunean, 6.100 m-ra dagoen 3 kanpalekuraino igo eta bertan lo egin Razdelnaya mendia gainditu ostean.

Morrena izoztua zeharkatzen dugu Lenin Glaziarreko elur iraunkorretara iritsi bitarte. Behin bertan, banderatxo batzuei esker bidea jarraitzen dugu, biderik ez badago ere, pitzadura eta ur bide labirinto baten artetik. Pixkanaka Lenin mendiaren ipar hormaren oinpera iristen gara, 3.000 m-ko pareta tentea, non alako handitasunaren aurrean oso txikiak garen sentimendua dugu.

2 kanpalekura igo ahal izateko Glaziarrak ageri duen puntu ahulenera bideratzen gara eta behin bertan, sokaz lotzen gara. Naiz puntu ahulena izan ez da arriskurik gabea eta bertan pitzadura handiak aurkituko ditugu, zeharkatu beharrean aurkituko garenak, ala nola duen aldapa izoztu tentean kontuz ibili beharko gara labain egin nahi ez ba dugu.

Igoera gune izoztu batetatik hasi dugu non lehen pitzadurak bidera atera zaizkigun. Hauek oso irekiak ez direnez eta ondo ikusteko aukera dugun oso erraz gainditzen ditugu, baina konzentraziorik ezin dugu galdu ezkutuan dagoen bakarren bat zapaltzen ez dugun eta gure pisuarekin hausteko arriskua izan.

Pixkanaka bada ere maldaren inklinazioa handitzen doa eta desnibela bakoitzetan gehiago nabari dugu, batez ere motxilak daramatzagun bezala, lepo beterik. Bat batean malda bertikal baten aurrean gaude “El Muro” izenez ezaguna eta non soka finkoak jarrita dauden, baina naiz oso bertikala izan igoera guk ez dugu beharrezkoak direnik uste eta ez ditugu erabiltzen.

Esfortzu handiz gainditzen dugu “El Muro” malda eta behin goian, pitzadura horizontal izugarri batekin aurkitzen gara, lehen kanpalekutik ikusi daitekeena. Zeharkatzea ezinezkoa da eta ezin bestean, berari paralelo ibiliz goaz izotz zubi batera iritsi bitarte eta hau baliatuz, zeharkatzea lortzen dugu. Tentsio une handiak dira baina lotuta egoteak beti ere konfiantza eta lasaitasun puntu bat ematen digu.

 

Pitzadura handia gainditu ostean, ipar aurpegi tentetik gorantz jarraitzen dugu, bidera ateratzen zaizkigun pitzadura ugariek gaindituz. Tarteka atseden hartu ahal izateko gelditu beharra dugu eta horrela arnasa berreskuratu, maldak ez bai digu barkatzen eta motxilaren pisuak gutxiago. 5.000 m inguruan eskuinera biratzen dugu (ekialde) eta gorantzko zeharkaldi bat hasi elurrezko lautada batetara iritsi bitarte, non bertatik eta urrunean 2 kanpalekuko dendak ikusteko aukera dugun.  

Gauden gune honetan egun batzuek lehenago, elur-jausi bat gertatu zen zoritxarreko ondorioekin, bi alpinista hil bai ziren eta beste bat desagertu. Ori kontutan izanik, ahalik eta azkarren gune arriskutsu hau zeharkatzea pentsatu dugu, esposizio luze bat saihestu ahal izateko.  

Razdelnaya mendia ikusgarri ageri zaigu naiz gailurra izkutatzen digun, 2 kanpamentu bidean dauden pitzadurek ikusten ditugun bitartean. Hauetako pitzadura bat nahikoa izango litzateke kanpaleku osoa irentsi ahal izateko eta horrek, asko kezkatzen gaitu.    

Behin gune arriskutsu hau pasa eta 2 kanpalekura inguratzen goazen neurrian, bideak berantza egiten du pitzadura handien ingurura bitarte eta hauek zeharkatu ostean, igotzea asko kostatzen zaigun azken aldapa batek zuzenean 2 kanpalekura eramaten gaitu (5.300 m).

Kanpalekuan bi zati bereiztu ditzakegu, beheko zatia eta goikoa. Beheko zatia etorbide batek zeharkatzen du eta bere bi aldeetan kanping dendak kokatzen dira. Kontu handiz ibili beharreko lekua nola nahi ere, non edozein lekuetan agertu daitezke zulo edo pitzadura ezkutuak eta guri ere ezusteko bakarren bat eman zigutenak. Zati honetan ez dago urik.

Goiko zatia berriz, pitzaduratik urrun malda baten gainean kokatzen da eta bertan ura aurkitu daiteke. Guk dendak beheko zatian kokatzen ditugu eguzkiak berotzen gaituen bitartean, ez alferrik kanpaleku honi “La Sarten” deitzen diote. Oso nekatuak gaude, igoera gogorra eta estres handikoa izan da eta esterila gainean etzateko asmoa besterik ez dugu.

Eguzkia izkutatu bezain laster hotza ingurunearen jabe egiten da eta zaku barruan ahalik eta azkarren sarten gara. Espero genuen bezala, gaua oso hotza izan da eta izotzak dendaren kanpoko aldea bai barrukoa ere estali ditu. Naiz lo askorik ez dugun egin, atseden hartzerik izan dugu eta buruko minik eduki ez dugunez, aklimatazioa ondo doala pentsa genezake.

Lehen eguzki izpiek agertzean nagikeriak utzi eta zakuaren berotasunetik ateratzen gara. Esterila eta zakua bildu eta motxilan sartu ostean, hiru kanpalekura bidean abiatzen gara. Pitzadura batek zeharkatzen duen lehen malda tente bat gainditzen dugu, kanpalekuaren goiko zatira iristeko. Denda guzien artetik igarotzen gara korridore tente batetik igo ahal izateko. Xenda elurrean oso nabari ikusten da eta sigi-saga ugariei esker, korridorea garaitzen dugu. 

Korridorearen goiko zatira iristen gara, bertan malda asko etzaten delarik eta merezi dugun atsedena hartzen dugu. Razdelnaya mendiaren ipar ertzaren leku etzanenetik jarraitzen dugu, 400 m-ko aldapa beldurgarri bat (45º/50º) igotzen hasi aurretik, non jende ugari oso geldi eta ezinean igotzen ikusten dugun. 

Igotzen hasi bezain laster konturatzen gara ez dela batere erraza izango aldapa hau gainditzea. Bai altuera (5.700 m), bai oxigeno faltaren ondorioz aldapa bukaezina egiten zaigu eta egin beharren gauden esfortzua nekagarria. Norberak bere igotze erritmoa darama eta pausoak zenbatzen goaz, batzuek 20 zenbatu eta gelditzen dira, beste batzuek berriz 25 eta 40 zenbatzen dituena ere ba da. 

Banan bana maldaren azken zatira bidean goaz, ain zuzen bertikalitatea galtzen hasten den gunera, bertatik dagoeneko 3 kanpalekuko lehen dendak ikusteko aukeran gaude (6.100 m). Naiz eguerdia izan eta eguzkia egon, altuera honetan hotza nabaria da. ALIENTo berreskuratu ostean kostata igo ditugun kanping dendak lehenbailehen montatzeari ekiten diogu eta esterilak lehortzen jarri.

3 kanpalekua gune pribilegiatu batetan aurkitzen da eta bertatik Lenin gailurra ikus dezakegu mendebaldean, Hindu Kush eta Razdelnaya mendia ekialdean, ego aldean berriz Pamir lautada ikusgarria eta elurtutako ainbat mendi, Comunismo (7.495 m) eta Korzhenevsky (7.105 m) besteren artean eta Alai Aran ikusgarria iparrean.

Apenas 48 m-ko desnibel batek banatzen gaitu Razdelnaya tontorretik. Jakina, beste egoera batetan ez liguke inongo esfortzurik eskatuko baina altuera honetan eta oso nabaria den oxigeno faltak, igotzen dugun metro bakoitza neketsua egiten du. 15 minutu behar izan ditugu Razdelnaya tontorra dagoen lautadara iristeko (6.148 m).

Talaia ezin hobea Lenin tontorreraino igotzen den 7 km-ko ertza osotasun guzian ikusi ahal izateko. Denbora bat hartzen dugu inguruneaz eta bistaz gozatu ahal izateko eta berandu egin aurretik, berriz ere, 3 kanpalekura itzultzen gara, non gaua pasatzeko asmotan gaude bihar lehen kanpalekura atseden hartzeko jaitsi aurretik.

 

Datu teknikoak

  • Ibilbidea: Razdelnaya Bide normala
  • Igoera data:2017-08-07
  • Desnibela:1.900 m.
  • Kokapena:Pamir
  • Kategoriak : Kranpoiak, Oinezko igoera
  • Zailtasuna:PD
  • Hasiera puntuan amaitzen da:Bai
  • Iristeko denbora:3:38 h
  • Nola iritsi:Ibilbide osoa 15:11:36h. Igoera denbora 03:38:39h. Jaitsiera denbora 01:12:49h.
  • Igotzeko denbora:15:11 h
  • Jeisteko denbora:1:12 h
  • Ezaugarriak:Glaziarrean zehar ibilbide luzea, desnibel handia eta oxigeno falta altueraren ondorioz
  • Materiala:Soka, kranpoiak, piolet 1, makilak, arnesa, kaskoa
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.