Ezkaurre-Ipar-Korridorea

Capra Alpina(e)k idatzia.
1318
bisita

Ezkaurre, Veral eta Ezka ibaien artean kokatua dago. Neurri erraldoiko karearrizko mendi hau, pirineo ego banatzailetik aldendua aurkitzen da eta Veral erreka-zintzurretik  ikusgarri altsatu. Bi igoera arrunt ditu, bat Argibiella lepotik edo Puerto de Navarra deritzanetik ateratzen da eta bestea Veral ibaiaren ibar sakonean dagoen Bau bordatik. Ekialde Isurialdeko horma bertikalak eskalada bide ugari gordetzen ditu: Espolón de los Pastores (MD+/800 m), Julia tximinia (D+/800 m), Mari Carmen tximinia (D/800 m), ala nola Zuriza bailaran klasiko bat den Ipar-ekialdeko ertza (AD/500 m). Bere Ipar horma ikusgarrian korridore batzuek ditu eta gaurko honetan, orietako batetik igotzeko asmoa dugu.

Behin Argibiella edo Puerto de Navarra (1.230 m) portuko aparkalekuan autoa utzi eta Zuriza isurialdera metro batzuek jaitsiz, eskuinetik jarraitzen dugu pinudi basati batetik hasieran eta ondoren, biluztua agertzen zaigun pagadi batetik muino txiki batera iritsiz, bertan Abizondo mendiaren kontrahorma zeharkatzea lortu eta Ezkaurre mendiaren N eta NE isurialdeek bere osotasunean ikusteko aukera dugu. 

Lastima, elur ugari aurkitzeko asmoa genuen baina azken egunetan eginiko beroak, beheko zatian aurkitzen zena desagertu arazi du. Abizondo lepora (1.601 m) norabidean jarraitzen dugu bide arruntetik igoz (O) eta Veral ibaia Ansó herrira norabidean jaisten den Forca de Alano mendi-zintzur sakonetik gora, Zuriza bailaran handientsu altxatzen den ipar-mendebaldeko ertzera doan saihesbidea ezkerrera uzten dugu.

Abizondo lepora iritsi aurretik, bide arrunta albo batera utzi eta ezkerretik desbideratzen gara, pagadia zeharkatu eta Abizondo eta Ezkaurre ipar aurpegi artean dagoen kanal harritsura ateraz, bertatik Hiru Erregeen Mahaia, Petrechema eta Gamueta ikustea lortzen ditugularik.

Ipar Korridorearen parez pare, deserosoa den harrikari batetik, malda tentean gorantz goaz. Zalantzarik gabe jende gutxi ibiltzen den gunea eta bide arruntetik oso aldendua, non sarrioak maiz ikusten diren eta askatasun osoz bazkatzen duten.

Behin korridorearen sarrerara iritsiz, kezkaz ikus dezakegu apenas elur gutxi pilatzen dela bere barnean, baina ez horregatik duen xarma eta ikusgarritasuna galtzen du.

Granpoiak jantzi eta sokaz lotu ondoren, arraildura estutik lehen irtengune bila igotzen hasten gara.

Elur ezak kareharria agerian utzi du eta mistoan eskalatzera behartzen gaitu.

Behin lehen itegunera iristean (2 m) gauza berberekin aurkitzen gara, arroka asko eta elur arrastorik ez. Bitan pentsatu gabe granpoiekin aurre egiten diogu hormari. 

Elur eta izotzez estalita egongo balitz errazago suertatuko litzaiguke, baina ala eta guztiz, granpoiak primeran heltzen diote harriari eta pioletak igotzen laguntzen digute. 

Minutu batzuen ondoren bigarren irtengunera iristen gara (4 m), oso ere tentea eta elur arrastorik ez duena eta eskuinean duen hormatik erasotzen duguna. 

Aurreko irtenguneak baino zailtasun handia azaltzen ba du ere, granpoiekin eskalatzen jarraitzen dugu. Behin tarte hau gainditzen dugunean, zailtasun teknikoak amaitzen dira.

Hemendik aurrera korridorea kanal zabal batetan bihurtzen da (45º), non elur asko aurkitu eta eskiak janzteko aukera dugun. Abizondo gailurra dagoeneko beran utzi dugu eta denbora galdu gabe, soka gorde eta igotzen jarraitzen dugu.

1.800 m-tik gora aurkitzen gara, ezin hobeko baldintzetan dagoen elurretan igoz, gure goitik oso nabarmen azaltzen zaigun kanalaren estugune berri batera zuzenduz.

Estugunea oso berezkoa agertzen zaigu. Desnibela gune honetan 50º-ra igotzen da.

Eskiak berriz kendu beharrean aurkitzen gara eta kanalaren goiko zatira iritsi bitarte, berriz ere janzteko aukerarik ez dugu izango.

Eguzkiak korridore dotore honen azken zatia argitzen du eta naiz zailtasun handiegirik ez duen, ikusgarri ikusten da.

2:30h ondoren kanalaren goiko zatira iristea lortu dugu eta bide batez, Ezkaurre ipar korridorearen bukaera, apenas tontorretik ekialdera metro gutxi batzuetara, bertara zailtasunik gabe iritsiz.

Ezkaurre gailurra 2.045 m. Zabala eta laua, non inguruan zutik dauden kareharrizko harlosak nabarmentzen diren. Bertatik Nafar eta Huesca Pirineoko ikuskizuna ikusgarria da.

Datu teknikoak

  • Ibilbidea: Ezkaurre Ipar korridorea
  • Igoera data:2017-02-18
  • Luzera:4.052 m.
  • Desnibela:774 m.
  • Kokapena:Pirinioak
  • Kategoriak : Ipar aurpegia, Korridorea, Kranpoiak
  • Zailtasuna:PD+
  • Harri eskaladaren zailtasuna:III
  • Korridorearen graduazioa:60º
  • Luze kopurua:2 (30 metros)
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2:30 h
  • Nola iritsi:Argibielako lepotik, bide normaletik atera ipar aurpegian sartzeko.
  • Igotzeko denbora:5:45 h
  • Jeisteko denbora:1:30 h
  • Ezaugarriak:Elurrarekin erraz igotzen den korridorea, 30 metroko bi luzekin, eta 50ºko maldarekin ondoren. Elurrik gabe III-ko pausu bat.
  • Materiala:30 metroko soka, alien semaforoa, hiru baga eta 2 piolet.
  • Egoera:Elurrarekin.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.