Mallo Gorreta eta Gorreta de los Gabachos

Capra Alpina(e)k idatzia.
2261
bisita

Mallo Gorreta eta Gorreta de los Gabachos horma tente eta orratz zorrotzez osaturiko harri gotorlekua osatzen dute, Gamueta zirkuko gune malkartsuena osatuz. Bretxa ikusgarriak, gerturatzean beti begi bistan aurkitzen denak, Mallo Gorreta eta Anzotiello banatzen ditu eta bereiziki negu garaian goi mendi izaera bereizia ematen dio pasarte honi. Proposatzen dizuegun aktibitatea arrisku-gabea ez ba da ere, naiz uda garaian askoz errazagoa iruditu, elurrak, izotzak, haizeak edo hotzak oso arriskutsua bihurtu dezakete, beraz, ezin bestean, aurre egin ahal izateko arreta handia eta beharrezkoak diren elementuen laguntza oso garrantzitsua izango dugu.

Abenduko goiz hotz batetan Gamueta sakanean autoa aparkatu eta ezkerraldetik gorantz igotzen hasten gara eta minutu batzuen ondoren, Linza aterpetxe eta Zaldien Pasartetik datorren xendarekin bat egin eta pago eta zelai berde artetik Gamueta aterpetxe ingurura bideratzen gara (1.650 m).

Foyas de Gamueta pasartetik barneratuz aurrean desafioka dugun bretxa nabarmenaren norabidean jarraitzen dugu. Mallo Paco malda laiotzetan pilatu den elurrak eta bereiziki izotzak, aurrera egitea oso zail egiten digu. Ori dela eta, sakanaren barrenetik hies egiten dugu Chinebral de Gamueta-tik jaisten diren maldetatik jarraituz, eguzkitan daudenez elur zein izotz gutxiago pilatua bai daukate. Nafarren Iturrira aurkitzen den sakanera heldu gara, Anzotiello mendiaren oinpera, eta bertatik Mallo Gorreta harri puska eta bretxa izugarria ikus ditzakegu.

Sakonune txiki batera igo gara, bretxarekiko zut dagoena, bertatik Gamueta lepora (2.187 m) igo dezakegu, ohiko bidea bai da, baina guk jaitsierako erabiliko dugu. Kranpoiak jantzi eta bretxara norabidean altuera irabazten hasi gara eta naiz uda garaian erraza baina oso neketsua den, oraingoan bereiziki gogorra egiten ari zaigu. Elurra ez dago batere gogorra eta horrek, ezin bestean, behin eta berriz hondoratu arazten gaitu, igoera erabat neketsua eginez.

Gutxika bada ere altuera irabazten goaz baina bidea zabaltzea oso neketsua egiten ari zaigu. Anzotiello eta Gorreta mendien artean mehartzen doan bretxak, pirineoko paraje harrigarri eta  ikusgarrienetako bat eskaintzen digu. Anzotiello hormetan zulatua aurkitzen den kobazulo baten ingurutik pasatzen gara eta igoera luze bezain gogor baten ondoren, ordu bete eta gero bretxa gainera iristea lortzen dugu (2.170 m).

Zirraragarria begien aurrean zabaltzen zaigun leihoa, mendebalde eta ertain pirineoko ikuskizuna aparta da. Mallo Gorreta horma bertikaletik bi orratz banatzen dira, Gamueta orratzak izenez ezagunak, D zailtasuna eta IV+ beharrezkoa. Bide arruntak beste aldetik lehen orratzera bitarte berantzako zeharkaldia egiten du eta honen ezkerraldetik, tximinia mehar batetik igotzen da (II). Gu berriz parez pare dugun tximinia zuzenetik igotzen saiatuko gara.

Tximinia bertikalera iristeko metro batzuek jaitsi beharrean aurkitzen gara. Behin bertan, eskalada tximini estuaren barrenetik kontrakotasunez hasten dugu (IV) eta metro batzuen ondoren, eskuinean aurkitzen dugun pitoi harritsu batetik ateratzen gara. Ibilbideak helduleku onak dituen plaka etzan batetik eskuinera jarraitzen du (III). Hotza handia da eta hatzak izoztuak eta sensibilitaterik gabe ditugu, eskalada oraindik zailagoa eginez.

Gu berriz ezkerretik jarraitzen dugu tximinia mehar bertatik gorantz eginez (IV-). Bakoitzetan gehiago estutzen doa erabat blokeatuta garatzen garen arte, esku zein anken mogimentuak ezinezkoak izatera iritsis. Motxilak traba egiten digu, arropa harroketan katiatzen zaigu eta oroigarri bezala zulatu bat ere badaramagu. Oso gutxika bada ere, narrastaka sugeak bai ginen, goratz zentimetroka egitea lortzen dugu bertatik ateratzea lortuz eta azken finean, pasarte mehar hau gainditu.

Eskuinean ditugun bloke handi batzuetatik ateraz eskalada amaitzen dugu eta non, arroka zubi batetan zinta bat aurkitzen dugun. Eskalada motza baina intentsitate handikoa, oinpetik 30 m-ko luze bakar batekoa, erraztasun handiz goi-lautada irabazten dugu.

Alderdi guzietatik horma bertikalez inguratua egon arren, zein laua eta zabala den harritzen gaitu. Inongo zailtasunik gabe Mallo Gorreta (2.266 m) gailurrera ailegatzen gara, 4:30h.

Ertza estutzen den ipar-ekialdeko norabidean goaz. Uda garaian ertzaren paralelo metro gutxiko tximinia batetik (II) Gamueta sakonera destrepatu edo rapelatu egiten ba da ere, elurraren ezegonkortasunak ertz zorrotzetik bretxa txiki bateraino jaistea behartzen gaitu (II).

Gorreta de los Gabachos gandor ertzera iritsi ahal izateko, nahi eta ez, beste bretxa batera jaitsi beharra dugu. Elurrak, bigun eta ezegonkor, ez digu batere errazten gure pausoak eta sokaz loturik jarraitzea erabaki dugu, ez dugu inolako ezusterik nahi.

Bretxara iristea lortu dugu eta dagoeneko zailtasunik gabe, erreza den ertzetik jarraituz Gorreta de los Gabachos gailurrera iristen gara (2.268 m) 5:45h. Bertatik ditugun bistak oso ederrak dira, gertu dauden Anie, Mesa de los Tres Reyes, Petrechema, Acherito, Gamueta, Ezkaurre, Alanos, Quimboa, Petraficha, Bisaurin, edo urrutirago dauden, Palas, Balaitous, Midi d´Ossau, Gran Facha, Anayet, Infiernos, Garmo Negro, Vignemale,….

Haizeak indar handiz putz egiten du eta hotza nabaria denez, denbora askorik galdu gabe jaisteko erabakia hartu dugu. Emandako pausoak atzera egin eta bretxara iritsi aurretik, Gamueta lepora (2.188 m) iparraldera norabidean zeharkaldia egiten dugu. Behin eta berriz saiatu arren hatzak bero eta goxo mantentzea ezinezkoa zaigu. Hau hotza. 

Berandu gabiltza, elurraren egoerak geldotu du gure abiadura eta uste baino denbora gehiago erabili dugunez, laster gaua egingo zaigu. Goizean igotzeko erabili dugun bidearekin bat egin ahal izateko Foyas de Gamueta norabidean (SO) jaisten hasi gara. Behin Gamuetako aterpetxe inguruan, atzera begiratu eta txunditurik ikusten dugu Mallo Gorreta gainetik atera den ilargi bete ikusgarria, sekulako tamaina eta argi handia duena.

Beldur ginen bezala, Gamuetako basora iritsi aurretik gaua egin zaigu, baina ilargi bete ikusgarriaren argiari esker, frontalen argien beharrik ez dugu eta inolako zailtasunik gabe eta 8:00 h-ko jarduera ondoren, goizean autoa utzi dugun Gamueta sakanera iritsi gara.

 

Datu teknikoak

  • Ibilbidea: Mallo Gorreta Gamuetako ebakitik neguan
  • Igoera data:2019-12-18
  • Luzera:11.590 m.
  • Desnibela:1.487 m.
  • Kokapena:Pirinioak
  • Kategoriak : Ertza, Eskalada klasikoa, Oinezko igoera
  • Zailtasuna:D- (Jetsiera II)
  • Harri eskaladaren zailtasuna:IV
  • Korridorearen graduazioa:30º
  • Luze kopurua:1
  • Ibilbide zirkularra:Bai
  • Hasiera puntuan amaitzen da:Bai
  • Nola iritsi:Oso estua den tximinia batetik igo behar da lehen luzean. Hobeto motxila kentzea. Jeisteko ertza elurrarekin pixkat delikatua izan daiteke.
  • Igotzeko denbora:5:45 h
  • Jeisteko denbora:2:15 h
  • Ezaugarriak:Denetik duen eta oso luzea ez den jarduera. Alpinismo jarduera errazetan hasteko ezin hobea. Lehen malda 30ºtan mendiarteko ebakigunera iristeko, IV-ko luze bat tontorrera iristeko eta elurrez estalitako ertz delikatu bat amaitzeko.
  • Materiala:30 metroko soka, alien semaforoa, baga batzuk, kaskoa, piolet 1 eta kranpoiak.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.