Almanzor - 2.592 m

Capra Alpina(e)k idatzia.
775
bisita

Almanzor mendia Plaza del Moro Almanzor bezala ezagutua dena,dituen 2.592 m-rekin Gredos mendizerra zein Sistema Central guziko mendirik garaiena dugu. 1.690 m-ko goragunea du eta ori dela eta, Iberiar penintsulan Mulhacén, Aneto eta Torre Cerréu atzetik mendi goragune-garaietan laugarren dugu. Gredos Zirku ikusgarrian kokatzen da (Ávila), Zapardiel de la Ribera eta Candeleda udalerrien artean. Elezaharrak dionez Almanzor izenaren jatorria Córdoba Kalifato garaiko buruzagi militar eta erlijioso izan zenetik datorkio. Badirudi kristauen aurka Bejar inguruan borroka egin ostean, Tormes erriberan bere soldaduekin deskantsu hartu zuela eta bertan ezkutuan zegoen urmael misteriotsu bati buruz jakin, bertara eramateko aginduz eta inguruko mendi garaienera igoz.

Oikoa izaten den bezala, Gredos Plataforma aparkalekutik (1.750 m) atera gara. Goizeko 9:00h dira eta harriztatua dagoen bidea jarraituz Prado de las Pozas gunera igotzen gara (1.900 m). Eskuinera aterpetxe txiki bat utzi eta bide dotorea jarraituz aurrera egiten dugu. Pozas ibaia zeharkatu ondoren Cavadores Iturrira bitarte bidea gorantz doa (0:50h), bertan eguneko lehen atsedena hartzen dugu. Apenas metro gutxi batzuek Barrerones mendixkatik banatzen gaituzte (2.170 m), bertatik dagoeneko Almanzor mendiaren egundoko profila ikus dezakegu.

Bestaldetik piorno artean Laguna Grande kubetara norabidean jaisten hasi gara, Gredos zirku ikusgarria osatzen duten mendiek agertzen doazen bitartean. Barrerones iturria ezkerrera utzi eta berantz jarraitzen dugu, bide gurutze batera bitarte, Trocha Real deritzan bidea eskuinera jarraituz Gargantón eta bost lakura joan gaitezke. Guk gaurkoan ezkerretik Laguna Grande ingurura jaisten gara eta ur bazterretik jarraituz, 2:00h aurretik Elola aterpetxera ailegatzen gara (2.000 m).

Aterpetxe atzetik balizatua dagoen bidezidorra SW norabidean jarraitu eta Antón mendiartera iristen gara (2.150 m), hau ur-lasterrak batzen den lekua zein gaua pasa asmoz bibak ugari eta eroso eraikiak dauden gunea dugu. Jende asko ibiltzen den lekuetan oikoa izaten den bezala, hemen ere itoak norabide guzietan aurkitzen ditugu eta denak aurrerago bat egiten duten iruditu arren, gure artean nahasmena sortzen dute.

Bermeja erreten berezian sartzen gara, bloke eta harriz osaturiko gune kaotikoa non nahi ere, eta naiz tarteka bidezidor arrastoren bat aurkitu, itoak bide zuzena mantentzen laguntzen digute. Gora eta gora bagoaz ere, bat batean erretena bitan banatzen den ordeka txiki batera iristen gara, Portilla Bermeja (SW) eta Portilla Crampón (W) hain zuzen. Aldapa tenteak igoera erritmoa jaitsi eta arnasa errekuperatu ahal izateko, tarteka atseden hartzea behartzen gaitu.

Naiz jende ugari bertatik igotzen ari den, Portilla Bermeja erretena ezkerrera uzten dugu (SW) eta gaur denak berantz datozen Portilla Crampón erretena (W) eskuinetik igotzen jarraitzen dugu. Naiz kontrako norabidean goazela iruditu, itoak segituz igotzen jarraitzen dugu. Igoera tentea erretena izatetik utzi eta korridore ondoeztu bihurtzen da eta bi ezproien artetik mehartua igo eta itxuraz, ez dirudi inoiz bukatzen denik.

Korridorean aurrera egiten dugun heinean, hau estuago egiten ari da eta ez zaigu iruditzen irtenbide erraza izango duenik, dena den, bertatik jaisten ari den jendea ikusirik inork esango luke. Azken zatia arroka leuneko tximinia bat dirudi, Risco Portilla Crampón eta Almanzor artean, eta Portilla Crampón-a iristeko eskuak erabiltzea beharrezkoa zaigu (3:50h). Bertan, neguan jaitsiera aseguratu ahal izateko parabolt bat aurkitzen dugu.

Aurrez aurre Almanzor Adarraren irudi dotorea ageri zaigu (2.538 m), Tejera mendi-zintzur eta Kanal Beltzera zintzilikatzen dena.

Eskuinera zeharkaldi txiki batek hego-mendebaldeko aurpegira garamatza eta igoerako azken zatira. Pasarte garrantzitsuenean aurkitzen gara, arri leuneko tximinia bat 3 metroko pareta batez defendatua (II), jendearen joan etorri etengabea duena, naiz denak trebezia berdina ez duten. Azken unean 4 metroko diedro bat ageri zaigu, maila eta heldulekuekin (II+), eta behin gaindituz pasabide estu batera eramaten gaitu.

Bi granito bloke handiz osaturiko pasabidea zeharkatu eta Almanzor tontorretik metro gutxira dagoen ordeka txiki batera iristen gara. Tontor estu eta airezkoan aurkitzen den erpin geodesikoak, apenas bi edo hiru pertsonentzako lekurik uzten du. Almanzor gailurra 2.592 m. Diedrora bitarte atzera egiten dugu tontor bikira igo asmoz, Almanzor N (2.589 m), naiz bertara apenas inor igotzen den. Bertaratzeko, bi tontorrak lotzen dituen ertz zorrotz zein airezkoa zeharkatu behar dugu. 

Almanzor tontorretik ez bezala, talaia ikusgarri honetatik bakardadean gozatu eta ikus ditzakegu Cuchillar de Ballesteros, Riscos del Gutre, La Galana, Ameal de Pablo, Risco Moreno, Cuchillar de los Huertos, Cerro de los Huertos…

Tres Hermanitos, Los Cerraillos, La Ventana, La Campana, El Enano, Risco de las Hoyuelas...

Igo garen bide berdinetik jaisten gara, Portilla Crampón, Antón mendiarte eta Elola aterpetxera bitarte, non Laguna Grande ertzean merezia dugun atsedena hartzen dugun, Barrerones mendixka igo eta Plataformara aparkalekura Prado de las Pozas gunetik itzuli aurretik.

Datu teknikoak

  • Ibilbidea: Almanzor Plataforma eta Elola aterpetxetik
  • Luzera:18.500 m.
  • Desnibela:1.012 m.
  • Kokapena:Bestelakoak
  • Kategoria : Oinezko igoera
  • Zailtasuna:F+ (4 m-ko diedroa maila eta helduleku onekin)
  • Harri eskaladaren zailtasuna:II+
  • Hasiera puntuan amaitzen da:Bai
  • Iristeko denbora:4:00 h
  • Nola iritsi:Gredos Plataformatik, Hoyo de Manzanares 12 km. 150 aparkaleku ditu.
  • Igotzeko denbora:7:00 h
  • Jeisteko denbora:3:00 h
  • Ezaugarriak:Ibilaldi polit eta erosoa bide nabari batetik Elola aterpetxera bitarte. Hemendik aurrera igoera tentea arroka ezegonkorreko korridore batetik eta azken igoera.
  • Materiala:Makilak
  • Garaia: Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.