Urus (Cordillera Blanca) - 5.420 m

Capra Alpina(e)k idatzia.
843
bisita

Urus mendia hiru tontorrez osatua dago, Urus ekialde 5.420 m, Urus ertain 5.495 m eta Urus mendebalde 5.450 m, eta Ishinca bailarako iparraldean aurkitzen da. Quechua hizkuntzan “burmuin” esan nahi duen mendi hau, Chinchey mendigunean kokatzen da (Mendikate Zuria-Perú). Ishinca aterpetxearen gertutasuna eta hurbiltzeko bide ezak, andinistek gehien igotzen duten mendietako bat bihurtu dute, aklimatazio on bat lortu eta helburu handiagoak saiatu asmoz, baina ibilbide arruntean oso aldakorrak diren baldintzekin kontu handiz ibili behar dugu, zeren batzuetan igo ahal izatea asko zaildu badaiteke.

Ishinca bailaran egun berri bat argitu zaigu, gaur bereiziki oso hotza. Intentsitate handiko lau egun pasa eta Ishinca (5.530 m) eta Tocllaraju (6.032 m) mendiak igo ondoren, erronka berriei aurre egin ahal izateko atseden eta indarberritze asmoz gaur Huaraz herrira jaitsiko gara, baina joan aurretik Urus mendia igotzeko aukera galtzeko asmorik ez dugu. Aklimatazio mendi bat izan arren eta egindakoa egin eta gero, atsegin hutsez igotzeko asmoa dugu. 

Tocllaraju 6.032 m

Presarik gabe jaiki gara eta 8:00h inguruan ibiltzen hasi. Oso nabaria den bidea Ishinca aterpetxe bertatik atera eta morrena ertzetik, sigi-saga ugariz, laster batetan altuera irabazten hasten da eta inolako galbiderik gabe, goi platoraino eramaten gaitu.

Platoa bloke handiz osaturiko gune kaotiko bat da, non bidea erabat desagertzen den eta derrigorrez, aurrera egin asmoz, itoak jarraitu behar ditugun, baina hainbeste eta norabide guzietan daudenez zalantza momentuak ditugu. Gomendagarriena Urus-tik erortzen den hego ertzaren  eskuin aldetik glaziar ingurumarira bitarte igotzea da (2:15h).

Plato eta glaziar artean aurkitzen den hesi harritsua behin gaindituz, granpoiak jartzeko momentua iritsi da. Irten aurretik Urus Ekialde eta El Caballo orratz artean aurkitzen den glaziarrari buruz informazio eske ibili gara eta badirudi zailtasun handiegirik ez duela, ondo esan diguten bezala, eta sokaz ez lotzea eta piolet bakarrarekin joatea erabaki dugu.

Hasieran El Caballo orratzaren norabidean eta 40/45º-ko maldatik zeharka aurrera egiten dugu, non penitenteak oso handiak ez diren eta pitzadurak, ez oso sakonak ez eta oso zabalduak diruditen, ondoren norabidea aldatu eta Urus ekialdera bideratu ahal izateko.

Garai honetan oso zabala ez den glaziarra, azken ertzaren oinpean amaitzen da, non pioleta eta granpoiak uztea behartuak gauden. Naiz aurkitzen dugun arroken nahaspila handia den, arrasto xume batek hasiera honetan goranzko bidea jarraitzen laguntzen digu.

Azken 80 m-ak granitoko harlauza leun eta tenteen segida dira, non eskuak erabiltzea beharrezkoa egiten zaigun, baina eskalatzeko errazak (II). Gutxika bada ere altuera irabazten goaz Urus Ekialde tontor txiki eta puntazorrotzera iristera lortuz 5.425 m (3:20h). 360º-ko ikuskizuna dugu eta hainbat gailur ikus ditzakegu: Tocllaraju, Palcaraju, Ishinca, Ranrapalca, Vallunaraju, Huascarán, Aquilpo,… Benetan, igotzeak pena merezi izan du.

 

Datu teknikoak

  • Ibilbidea: Urus ekialde Ishinca bailaratik
  • Desnibela:1.075 m.
  • Kokapena:Andeak
  • Kategoriak : Kranpoiak, Oinezko igoera
  • Zailtasuna:PD
  • Harri eskaladaren zailtasuna:II
  • Hasiera puntuan amaitzen da:Bai
  • Iristeko denbora:3:20 h
  • Nola iritsi:Ishinca aterpetxetik, Pashpa-Cochapampatik 12 km
  • Igotzeko denbora:5:20 h
  • Jeisteko denbora:2:00 h
  • Ezaugarriak:Lehen zati eta luzeena morrena bitartekoa, bigarrena Urus glaziarra zeharkatzea eta azkena berriz, granito bloke handi bezain lehun tentetik gora
  • Materiala:Makilak, piolet 1, granpoiak eta kaskoa
  • Egoera:Oso egoera onean aurkitu genuen glaziarra, baina oso aldakorra denez igotzen hasi aurretik nola dagoen galdetzea komeni da, ezustekoren bat izan aurretik
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.