Atxerito - 2.372 m

Capra Alpina(e)k idatzia.
925
bisita

Mallo Atxerito Zuriza haraneko gailur garrantzitsuenetako bat dugu. Frantziako mugaren hego-mendebaldean aurkitzen da, Ansó eta Hecho haranen isurialdean, talaia ezin hobea bihurtuz ikuspegi ikusgarriez gozatu ahal izateko. Mallo goitizena Oza haranera erortzen diren horma malkartsu eta bertikalen ondorio da.

Plano de la Casa (1.330 m), Linza aterpetxe ingurutik abiatu eta Petrechema sakanean baso ikusgarri batetik barneratzen gara, bi iturri eta mahai ugariz hornitua, Hiru Erregeen Mahaira doan bide erabilia (ezker) eta Paso del Caballo bretxa ikusgarrien tartetik(eskuin). Eguzkia gorantz doan heinean, eguzki-printzek pago hostoen artetik sartze ahaleginean, irudi politak eskaintzen dizkigute.

Minutu batzuen ostean malda batek basoko soilgune batera eramaten gaitu, non neguan iraupen eskien zaleek txirrist eginez gozatzen duten. Kolore berde eta horiz margotua dagoen pista jarraitzen dugu eta eskuinera Atxerito aterpetxe txikia (1.565 m) doan malda utzi eta berriz ere, baso hostotsuan murgiltzen gara. 

Behin basoko mugatik kanpo sakana estutzen da eta bi alboetan horma bertikalak dituen haitzarte batetan bihurtu, Foyas del Ingeniero izenez ezaguna. Xenda eskuinera biratu eta sigi-saga handi batzuei esker, Puerto de Ansó edo Petrechema lepora (2.081 m) norabidean igotzen da. Lepo honek Bearneko Lescun herria eta Zuriza eta Ansó aranak lotzen ditu.

Naiz xenda eta marka berde eta horiek gorantz jarraitzen duten (E), 1.730 m inguruan utzi eta eskuinetik jarraitu behar dugu (S). Bertan, harrigarria badirudi ere, harkaitz handi baten gainean bi pinu daude eta hauek ikusi bezain laster, eskuinean aurkitzen diren ito ugariek jarraitu behar ditugu. Tentu handiz ibili gurutze bide honetan, eskuinera jarraitu beharreko bide hasieran xenda arrastorik ez bai dago.

Karst gune bat zeharkatu ostean, xenda berriz ere argi eta garbi ageri zaigu eta Huerto lepora (2.150 m) norabidean igotzen doa (S), Chinebral de Gamueta horma bertikalen oinpera.

Huerto lepora iritsi aurretik, zelaigune txiki batetara heltzen gara (1-995 m) eta jarraian, Gamuetako baso eta Plana de Diego-tik datorren bide arrunta eta gailurra bitarte utziko ez dugunarekin topo egiten dugu.

Oso nabarmena den xenda kareharrizko kanal batetik igotzen da (E) eta minutu gutxi batzuetan, azken maldan azpian dagoen Atxerito hego-mendebaldeko lepoan uzten gaitu (2:00h). 

Hasieran  zeharkaldi bat (NE) eta ondoren sigi-saga ugari mendebaldeko kontrahorma gainditu ahal izateko (elurrarekin 30º). Bertara iristeko bretxa txiki bat zeharkatu beharko dugu, ondoren azken ertzera iritsi ahal izateko.

Ertzaren azken zatia Petrechema isurialdetik igo eta Atxerito gailurra inongo zailtasunik gabe gainditzen dugu, 2.374 m. (F). Ito. Buzoirik ez dago (2:25h).

Ikuspegi ikusgarria bertatik duguna, Anie, Hiru Erregeen Mahaia, Ansabere orratzak, Petrechema, Sobarcal, Gamueta, Bisaurin, Alano mendi zerra, Ezkaurre, Txamantxoia,……. Ala nola pirineoko gailur adierazgarrienetako batzuek Midi d´Ossau, Balaitous, Palas, Infiernos, Garmo Negro,…….

Jaitsiera berriz Plana de Diego, Gamuetako baso eta Paso del Caballo bretxatik doan bide arruntetik egiten dugu, ibilbide borobila osatuz, naiz normalena alderantziz egitea den.

 

Datu teknikoak

  • Ibilbidea: Atxerito Petrechema eta Foyas del Ingeniero sakanetik
  • Luzera:6.500 m.
  • Desnibela:1.255 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:2:25 h
  • Nola iritsi:Isabatik 15 km Zurizako kanpina eta beste 5 km Linzako aterpetxera
  • Igotzeko denbora:3:55 h
  • Jeisteko denbora:1:30 h
  • Ezaugarriak:Hasieran baso eder bat, ondoren tarte harritsu eta karstikoa eta azkenik 30º-ko malda tentea.
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.