Tesorero - 2.570 m

Capra Alpina(e)k idatzia.
1823
bisita

2.570 m dituen Tesorero mendia Picos de Europa-ko tontor bisitatuenetako bat dugu. Fuente Dé teleferiko goi geltokiaren gertutasunak, El Cable bezala ezagutzen denak, gerturatzea errazten bai du. Kokapen pribilegiatua du eta bere gailurretik Picos de Europa-ko tontor garrantzitsuenak ikus daitezke eta gainera, bertan Asturias, Cantabria eta Leoneko lurrak elkartzen dira.

 

Fuente Dé teleferikora gerturatu gara El Cable goi geltokira igo asmoz. A zer nolako ustekabea 9:00h-tan gorantz hasten dela jakitean eta ezinbestean, itxaron beharrean gaude. Behin ordua iristean, kabina txikian sardinak bai ginen sartzen gara eta konturatzerako, lurretik ehunka metrora aurkitzen gara. 756 m-ko desnibela minutu gutxi batzuetan igo dugu, baina Fuente Dé-ko anfiteatroa oinez igotzea aukeratu izan bagenu, 2:00h gutxienez eramango liguke. Geltokitik atera eta pista zabal batetik jarraituz ibilaldia hasten dugu Tajahierro Orratzen oinpetik.

Horcadina de Covarrobres lepora iristean, Peña Olvidada ego isurialdean, emeki gorantz jarraitzen dugu, Peña Olvidada 2.406 m. mendebaldeko isurialde ertzetik, Altaiz meategira doan pistatik, Vueltona izenez ezaguna den bira handi batera iristean 1.960 m. eskuinetik bertan behera utziz.

Momentu honetatik aurrera, pista zabala xenda bihurtzen da eta Hoyo Sin Tierra pasartetik gorantz jarraitzen du. Peña Vieja-ra 2.619 m. kanal Alucinante-tik doan bidea eta neguan igotzeko aukera izan genuena eskuinera utzi eta aurrera jarraitzen dugu.

Xendak goranzko bidea jarraitzen du Canalona lepoaren azpian kokatu bitarte, Bustamante Orratz finaren oinpean, eta hemendik aurrera beranzko norabidean Torre de los Horcados Rojos 2.502 m. hormak saihesten ditu. Ezkerretik Cabaña Verónica 2.325 m. aterpetxe txiki bezain bisitatua den desbidera iritsi baina lehenago, eskuineko bidetik Horcados Rojos 2.344 m. lepora igotzen jarraitzen dugu.

Hemendik aurrera ito ugariek xenda jarraitzen laguntzen digute, Peñas Urrieles 2.503 m norabidean. Tesorero mendiaren Ekialdean aurkitzen den mendi honek, hiru muino ezberdin eta forma bitxikoak ditu. Mendebaldekoan begi antzeko zulo nabarmen bat ikus dezakegu.

Kaliza arroka zati hau oso malkartsua da eta zaila ez ba da ere, noizik eta behin eskuez lagundu beharrean gaude aurrera egin ahal izateko. Xenda arroka artean lausotzen denez, bidea ez galtzeko Itoak jarraitzea oso garrantzitsua gertatzen da.

Peñas Urrielles bertikaletik behin aldentzen garenean eta kaliza arroka zati malkartsua gainditu, xenda berriz ere garbi ageri zaigu eta inongo zailtasunik gabe lepora eramaten gaitu, Tesorero eta Peñas Urrieles mendien artean. 

Kolore gorrixka duen zati honetatik, Tesorero mendirantz ertzetik  igotzen goaz. Behin harriak bere kolore zuria berreskuratzen duen unean, ezkerretik jarraitzea erabaki dezakegu edo eskuineko bidea jarraitu sigi-saga ugariez gailurra harrapatzeko. Erabakitzen dugun bidea edozein dela ere ito ugari daude eta xenda nabaria da. 

Eskuinetik igotzen den xenda jaisteko uzten dugu eta ezkerretik doana jarraitzen dugu tximinia txiki bateraino, zailtasunik ez duena (I+) eta behin gaindituz, gailurretik metro gutxi batzuetara uzten diguna.

Eskuez baliatuz azken zati hau gainditzea lortzen dugu (helduleku onak) eta Tesorero gailurrera iritsi 2.570 m., buzoa (2:00h.). Eguraldi ezin hobea talaia pribilegiatu honetatik ditugun ikuspegi ikusgarriak ikusi ahal izateko. Bereiziki Urriello edo Naranjo de Bulnes nabarmentzen da. 

Edozein lekura begiratzen badugu ere, kaliza horma bertikalak gorantz zorabiagarri igotzen dira. Torre Coello, Torre del Oso,

Neverón de Urriellu, Torre de la Pardina, Torre del Pomelo, Pico Boada,

Torre de los horcados Rojos, Picos de Santa Ana, Peña Vieja, Tiro Navarro,

Torre del Hoyo Grande, Torre de las Llastrias, Torre de Llambrión, Torre sin Nombre, Torre blanca,…….

Datu teknikoak

  • Ibilbidea: Tesorero Fuente Dé teleferikotik
  • Igoera data:2016-09-04
  • Luzera:6.000 m.
  • Desnibela:799 m.
  • Kokapena:Europako mendiak
  • Kategoria : Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:2:10 h
  • Nola iritsi:Fuente Dé teleferiko goi geltokitik, El Cable izenez ezaguna dena 1.844 m. eta Horcados Rojos lepotik.
  • Igotzeko denbora:3:40 h
  • Jeisteko denbora:1:30 h
  • Ezaugarriak:Hasierako zatia pista zabal eta xenda garbi batetik egiten da. Horcados Rojos lepora iritsi aurretik xenda utzi eta itoak jarraituz ibar harritsu eta malkartsutik igoz.
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.