Vignemaleko ipar aurpegi klasikoa

Capra Alpina(e)k idatzia.
2934
bisita

Pirinio guztiko hormarik ikusgarrienetakoa Oulottes de Gaubeko zirkuan aurkitzen da. 800 metroko horma bertikal hau Pirinioetako eskalada klasikoenetakoa bihurtu da.

Pont d'Espagnera gaueko bederatziak aldera iritsi ginen. Oulottes de Gaubera igotzeko bokatak bertan jan genituen, zerbeza eta limoi lata batzuekin batera.

Eguzkia itzaltzeko zorian zegoen momentuan irte ginen kotxetik, 9:30ak aldera. Asfaltatutako pista bat igotzen hasi ginen ezkerretara dagoen lehen bidegurutzea hartu arte. Bidetxurra bailarako ezker maldatik igotzen da eta 40 minutu exkaxetan lehen lakua iristen gara. Laku hau eskuinetik inguratu eta berehala zeharkatzen dugu bueltan ezkerretara, zubi bat pasa ondoren.

Kotxetik bi ordu eta laurden pasa ondoren, aterpetxera iritsi ginen gauez. Zakuetan sartu eta bertan lo geratu ginen hurrengo eguneko goizeko laurak arte.

Hormara hurbiltzea pare bat ordutan egiten dugu. Sobra genuen materiala aterpetxean utzi eta bailara eskuin aldetik igotzen hasi ginen. Glaziarrera iritsi eta sokaz lotu ginen, batez ere, harriren bat erortzen bazitzaigun gainera, golpea geratzeko. Basera iristean, frantses hirukote bat gure aurretik sartu zen.

1° zatia: Gaubeko korridoreko lehen errimaia baino lehen sartuko gara, gure eskuinetara, ofita berde batetik gora. Luzearen erdian eskuinera trabesiatxo bat egingo dugu, parez pare desplome batekin topatzen garen unean. Fisura batetik gora (V) egingo dugu balkoi handi batera iritsi arte.

2ª zatia: Ensanblean jarraituko dugu aurrera, betiere ezkerrera joz hasieran (IV+ tximinia batetik hasi), baina eskuinera hartuz hortik gutxira. Noizbehinka iltzeak aurkituko ditugu horman sartuak. Erreferentzian moduan, ofita gure ezkerrean utziko dugu momentuoro. Eskalada errazten hasten den momentuan, ofita bertatik jarraitu dezakegu, parez pare ikusiko dugu gendarmea eskuinetik gainditu arte. Guk, hala ere, ezkerretik hartu genuen lehen gendarme hau, baina bide berberean irten ginen.

3ª zatia: Arista harrapatu ondoren, ertz aereotik joko dugu, bidea ixten digun horma batekin (V+) topo egin arte. Inongo zailtasunik gabe, ezkerretik gainditu daiteke, II-ko destrepe txiki bat eginez. Berriz igotzen hasiko gara eta tximinia hautsi batetik (III) gora ertza helduko dugu bueltan. 

4ª zatia: Igoera osoko azken luzea egin genuen ondo babestutako desplome bat (IV+) gainditzeko. Pixkanaka ertza etzanez doa eta ia guztiz oinez hasten gara. Gezurra dirudi urrutitik ikustean. Ezkerrera egin behar den trabesia baino lehen (oso karakteristikoa harri kalitate eta kolorea aldatzen delako), metro gutxiko fisura bat (IV) gaindituko dugu.

5ª zatia: Arroka gorri kolorekoa bihurtzen da. Trabesia ezkerretara eta berehala hasten gara kontrako zentzuan. Hasieran oinez goaz baina horma geroz eta bertikalagoa jartzen da aurrera goazen einean (IV). Eskuineruntz goaz pixkanaka, Gaubeko ertzarekin elkartu arte.

6ª zatia: Azken espoloia gure ezkerretik hartuko dugu, desplomea hausten duen eta nahiko nabarmena den bretxa batetik gora (IV). Hasieran eta amaieran iltze bana ditu. Adherentzi plaka batetik jarraitzen dugu fisura dibertigarri (IV+) batekin topo egin arten. Hau erraz babestu daiteke friend ertainekin. Azkenik, gure eskuinetara aterako gara parez pare dugun horma bertikala sahiesteko.

Tontorrera arratsaldeko lauretan iritsi ginen, zorti ordu eta erdi eskalatzen pasa eta gero. Seguratasuna areagotzeko, ahal den eskalada zati gehiena ensanblean egitea gomendatzen dugu, bestela oso luzea gerta baitaiteke.

Jetsiera bide normaletik egin genuen, Baysselanceko aterpetxera igoz ondoren, Petit Vignemaleko lepora. Bi ordu eta erdi ondoren, Oulottes de Gaubera iritsi ginen, gure afari beroa hartzeko puntu-puntuan!

Datu teknikoak

  • Ibilbidea: Pique Longue Ipar aurpegia
  • Igoera data:2016-07-08
  • Luzera:800 m.
  • Desnibela:1.493 m.
  • Kokapena:Pirinioak
  • Kategoriak : Eskalada klasikoa, Ipar aurpegia
  • Zailtasuna:D (Lehen luzea V, gainontzekoa ensanblean egiteko IV+ desplome bat ezik)
  • Harri eskaladaren zailtasuna:V
  • Hasiera puntuan amaitzen da:Bai
  • Iristeko denbora:2'15
  • Nola iritsi:Pont d`Espagnetik, kotxea parking-ean utzi eta Gaubeko lakura doan bidetxurra jarraitu. Horma azpira iristeko, kranpoiak beharrezkoak dira eta hobeto da sokaz lotuta igotzea, harriak erortzeko arriskua baitago.
  • Igotzeko denbora:8-10 ordu
  • Jeisteko denbora:2'30
  • Ezaugarriak:Bide kaotikoa, baina kontuz aztertuz gero, ondo antzeman daitekeena. Marka berde (ofita) nabarmen bat ezkerretan utziko dugu momentuoro ertza batean sartu arte. Hau igo ondoren, nabarmen ezkerrera bira egingo dugu, ondoren eskuinera egiteko berriz. Azkenik, tontorraren azpian aurkituko gara. Kontuz! Arri aske asko dago eta jendea goran izanez gero, gainera botzeko arrisku handia dago.
  • Materiala:Alien semaforoa, fisurero jokoa, bagak, 60 metroko soka sinplea, kranpoiak, piolet 1, kaskoa eta katu hankak aukeran.
  • Egoera:Egun luzea eta ona.
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.