Lustou - 3.023 m

Capra Alpina(e)k idatzia.
545
bisita

Lustou Bachimala-Culfreda mendigunetik banandua eta iparralderago dagoen hirumilakoa  dugu. Ala nola, Gistain ibarretik igotzerik ez dagoen bakarra da eta badirudi, horregatik aztuenetako bat izatea. Rioumajou aranera gerturatu gara eta bertan dagoen errepide estutik kanpatzeko eremura bitarte igo eta Péguère ibarrean barneratzen den pista artzen dugu.

Pistak minutu batzuetan baso hostotsu batetik zehar jarraitzen du eta Piarre Uhar oldartsuaren inguruan amaitu, egurrezko zubi baten inguruan, non beste aldera zeharkatzeko erabiltzen dugun.

Xenda basoan barneratzen da eta Péguère bordara iritsi aurretik, ezkerrera biratu eta Piarre Uharraren paralelo igotzen da (NNE). Behin ur-jauzi baten ingurura iristean, eskuinera biratu eta sigi-saga ugariz baliatuz, altueta irabaziz ordeka batera iristen gara.

Ezkerrera biratu eta uhar berri bat zeharkatu ostean, sigi-saga batzuek rododendro lora artetik Thou txabolara eramaten gaituzte (2.070 m). Txabola atarian dauden bi kanpin dendak harridura sortzen digute. Bertara iritsi aurretik ur frekoko iturri bat aurkitzen dugu.

Txabolatik gora xenda sigi-saga ugariz malda belartsua gainditzen saiatzen da, atseden unerik hartu gabe eta azkar batetan altuera irabazi araziz.

Xendak ipar norabidera biratzen du Lustou zirkura zuzenean igotzeko, Niscoude mendia zein Culfreda edo Batouaren hiru tontorrak eskuinera eramanez.

Lainoa Lustou ertzean nagusitzen ari da, eguzkia kortina hesi baten atzean ezkutatuz. Malda belartsua bere itsura aldatzen doa eta lehen arrokak agertzen hasi dira, bat batean dena estaliz.

Xenda arrastorik ikusten ez dugunez itoak jarraitzea erabaki dugu eta gutxika bada ere, bloke eta harrikarian zehar, altuera irabazten goaz.

Ezkerrerantz zeharka igoz aurre tontorra irabazi asmoz goaz eta bat batean, bidexka garbi bat aurkitzen dugu zuzenean goiko zatiza iristen dena (2.920 m). Bertan bibak handi bat aurkitzen dugu, non oso lasai 10-12 pertsona sartzeko aproposa izan dezakeena.

Gaur goizean oso jendetsu ageri zaigun ertza Azet haran isurialdetik irabazten goaz. Frantzes mendizale talde batek ere, itsuraz, gure ideia berbera izan dute antza.

Arroka hautsia duen ertzetik pasarte airezko batzuek igo beharrean aurkitzen gara, apenas zailtasunik gabeak, eta minutu batzuen ondoren Pic Lustou tontorrera iristen gara (3.032 m).

Pena da baino laino eta odeiek ez digute talaia pribilegiatu honetatik dauden bista ikusgarriez gozatzen. Gertu egon arren Bachimala ertza, Espadas-Poset ertza, Vignemale mendigunea, Nouvielle mendigunea, Monte Perdido,.... ikusterik ez ditugu. Badirudi ez dugula egun aproposena aukeratu.

 

 

Datu teknikoak

  • Ibilbidea: Lustou Péguère ibarretik
  • Luzera:13.000 m.
  • Desnibela:1.650 m.
  • Kokapena:Pirinioak
  • Kategoriak : Ertza, Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:Rioumajou araneko aisialdi kanpaldiko aparkalekutik (1.380) Saint Lary-tik 12 km, bertatik pista jarraituz Péguère aranean sartzen gara.
  • Igotzeko denbora:5:40 h
  • Jeisteko denbora:2:10 h
  • Ezaugarriak:1.650 m-ko etenik gabeko igoera
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.