Pic Maou - 3.074 m

Capra Alpina(e)k idatzia.
238
bisita

Aure Ibarrera itzultzea beti plazerra da , non hainbeste momentu on bizi izan ditugun. Behin Fabian herri txikira iristean, Nouvielle Reserba Naturalera doan saihesbidea artu eta D-929 errepide bihurgunetsutik Neste Couplan haitzartetik igoz, atsedenik gabe Oredón laku ikusgarri zein erdi izkutaturik dagoen aterpetxera igotzen gaitu. Eskuinera Aumar eta Aubert lakuetara doan errepidea utzi eta gorantz jarraitzen dugu Cap de Long aparkalekura iritsi bitarte. Zalantza izpirik gabe leku ikusgarria benetan eta ikusmenarentzako izugarrizko ohorea. Nouvielle, Ramoung, Tres Conseillers, aurrez aurre tente ageri dira eta Cap de Long lakuan isladatzen dira (2.175 m).

Hegoaldeko ertzetik ibiltzen hasi gara Cap de Long Hormara bitarte, bertako eskalada eskola famatua kokatzen den lekura eta non zailtasun ezberdineko ibilbideak aurkitu ditzazkegun, bikain hornituak. Bidea oztopatzen dizkiguten granitozko bloke handi batzuek saihestuz, erorketa  gertatu berrien ondorioak, ur bazterreraino jaitsi beharra dugu, berriz ere, oso nabaria eta markatua den pistara berriz iritsi ahal izateko.

Sigi-saga ugariek Crete des Alharisses-tik jaisten diren maldetatik gorantz garamatzate. Oso ondo markatua eta jende asko ibiltzen den xenda batetik, lakuaren kontrako muturrera norabidean goaz.

Cap de Long atzean utzi ondoren (2.250 m), xenda uharraren paralelo arro zabaletik gorantz doa (S), bertatik dagoeneko Campbieil gailurra ikusgai dugularik.

Behin uhar oldartsua zeharkatu ostean, ez zailtasunik gabe gainera, xendak gorantzko bidea darama maldan gora horma harritsua gainditzeko, non oraindik elur arrastoren bat aurkitzen dugun eta guzti ori, Campbieil gailurra beti ere erreferentzitzat eramanez.

Urmael txiki baten azpilera iritxi gara, aspaldiko laku baten hondarrera (2.570 m), eta eskuinera Pic Long bidea utziz, uharra zeharkatzen dugu.

Hemendik aurrera arrokak bere itsura zearo aldatu eta tonu gorrixkak ingurua estaltzen du. Malda belartsu bat gainditu eta hartxingadiz estalia aurkitzen den goi-lautada batera iristen gara.

Bertatik gure helburua den Pic Maou gailurra oso garbi ikus daiteke. Eskuinetik gertu dagoen Pays Baché glaziarrerako bidea, ala nola Badet lepora doan xenda (2.902 m), alde batera uzten ditugu eta Badet mendiko kontrahorma azpian dagoen ibar txiki batera jaisten gara.

Ezkerrera Gourg de Cap de Long (2.845 m) uzten dugun bitartean (S).

Erabat autsia dagoen malda gainditu beharrean gaude eta horrek igoera erabat zailtzen digu. Ziur gaude ohiko igoera bidea Badet lepoan hasten dela eta ertzetik doala, baina gailurraren gertutasuna dela eta bertatik igotzen jarraitzeko asmoa dugu.

Gure lana kostatzen zaigu lehen malkarrera iristea eta behin ertzaren sakonunera igotzean, malda autsia bertan behera uzten dugu eta korridore ezegonkor batetik jarraitzen dugu (E).

Pasarte zaila ez ba da ere, arroka oso autsia dagoenez oinak non jartzen ditugun kontu handiz ibili beharrean gara. Azken irtengune batek Pic Maou gailurrera eramaten gaitu (3.074 m).

Egun ikusgarria eta bista harrigarriak, Pic Badet, Pic Long, Estibere Male, Bugarret, Pale de Crabounouse,... 2011-ko urrian bizitako abenturak oroitzapen ahaztezinak ekartzen dizkigu. 

 

Datu teknikoak

  • Ibilbidea: Pic Long Pic Long - Campbiel mendizerra osoa
  • Kokapena:Pirinioak
  • Kategoriak : Ertza, Oinezko igoera
  • Zailtasuna:AD- (Izotzarekin, zailagoa egiten da.)
  • Harri eskaladaren zailtasuna:III+
  • Hasiera puntuan amaitzen da:Bai
  • Iristeko denbora:3:00 h
  • Nola iritsi:Cap de Lon aparkalekua (2161 m.) 25 km. Saint Lary, 38 km. Bielsa (Aure arana) Nouvielle Erreserba Naturala.
  • Igotzeko denbora:5:30 h
  • Jeisteko denbora:2:30 h
  • Ezaugarriak:Zeharkaldi borobila ertzetik zehar, 3000ko guztiak igoz, Campbieil eta Estaragne barne.
  • Materiala:Eskaladako materiala gomendagarria, arnesa, soka, zintak, nahiz eta beharrezkoa ez den pausu aereoetan segurtasuna baldin badugu guregan.
  • Egoera:Elurrik gabe.
  • Garaia: Uda, Udazkena
  • IBILBIDEAREN DATU GUZTIAK IKUSI

Datu teknikoak

  • Ibilbidea: Pic Maou Cap de Long-tik
  • Luzera:6.200 m.
  • Desnibela:918 m.
  • Kokapena:Pirinioak
  • Kategoria : Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:3:00 h
  • Nola iritsi:Cap de Long aparkalekutik. 22,68 km Saint Lary Soulan-dik (D929)
  • Igotzeko denbora:5:30 h
  • Jeisteko denbora:2:30 h
  • Ezaugarriak:Ondo markatua dagoen xendaz Pays Baché Glaziarra bitarte eta bertatik tontorra bitarte malda autsitik.
  • Materiala:Makilak
  • Garaia: Udazkena
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.