Jaizkibel - 545 m

Capra Alpina(e)k idatzia.
540
bisita

Pasai Donibane herri txiki eta politean aurkitzen gara, historia eta itsaso zaporez beteriko kale dotoretan zehar ibiliz. Santa Isabel Gazteluko arkua zeharkatu eta Alabortza kala ikusgarrira jarraitzen dugu, bertatik hasten bai da porlanezko pista tentea, portu bokaleko sarreran aurkitzen den semaforora bidean.

 

Puntu honetan hasten da Gallo Ertz dotorea, ibilbideko pasarte polit eta ikusgarriena. Denborak higatutako itsaslabarreko arroketan zehar zizelatuta dirudien xenda sugea bai litzan doa.

Ertzaren azken zatian esku-banda bat aurkitzen dugu arrokan zizelatutako eskailera igotzen laguntzeko eta itsaslabarreko punturik gorenera iristeko.

Bertatik Gipuzkoako kostaldearen ikuskizun aparta dugularik.

Ezkerrera Kantauri itsasoa eramanez Mitxintxolako belardiak zeharkatzen ditugu eta Lezo hiritik Hondarribira doan GI-3440 errepidea gurutzatu ondoren, ertzaren zati honetan aurkitzen diren hiru dorreetako lehenera bideratzen gara.

Hemendik aurrera xendak zailtasunik gabe ipar-ekialderantz zuzen jarraitzen du, Bidasoa bokale eta Aiako harrien ikuskizunez gozatzen dugun bitartean.

Bigarren dorre ingurura iristen garen bitartean.

Eta ondoren gurutze bidera iritsi aurretik, hirugarren dorrera. Eskuineko xendatik gorantz jarraitzen dugu, ezkerrera ipar aldeko maldatik Allerru ingurura jaisten dena alde batera uzten dugun bitartean, Txingurriarri eta Biosnar puntara jaisten dena, itsasertzeko kala eta zelaiak zeharkatuz itsasoa ukitzea iritsi genezakeelarik Artzukoportu inguruan.

Urrutitik ikusten den antena izugarria norabidean eskuineko bidetik igotzen goaz eta behin atzen uztea lortzen dugunean, punturik gorenera zuzentzen gara.

Minutu gutxiren bueltan bertara iritsiz. Aurrez aurre San Enrique Gotorlekuko aztarnak aurkitzen ditugu eta punturik garaiena markatzen duen buzoa ere. Jaizkibel tontorrean aurkitzen gara 545 m..

Familian egiteko jarduera paregabea. Ez luze, ez zail eta Gipuzko eta Lapurdi lurren mugak ikusi ahal izateko gotorleku aparta. Txingudiko badia aurrez aurre bere edertasun guzian ageri zaigu.

Datu teknikoak

  • Ibilbidea: Jaizkibel Pasai-Donibanetik-Talaia bidea
  • Luzera:
  • Desnibela:
  • Kokapena:Euskal Herria
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:2:10 h
  • Igotzeko denbora:3:50 h
  • Jeisteko denbora:1:40 h
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.