Jean Arlaud korridoretik Posets-era (AD+)

Capra Alpina(e)k idatzia.
3754
bisita

Ez zen lehen aldia korridore oinarrira iristen ginela, baina oraingo honetan hobeto aurreikusi genuen. 2900 metro alturan akanpatu genuen, 4 orduko ibilaldi baten ostean. Baina egun horretan ez ginen tontorrera bide hortatik igo ginen bakarrak izan.

Larunbat arratsaldea zen eta oinez hasi ginen pista jarraituz, denda eta zakuak bizkarrean hartuta. Motxilak molestatzen zuten, baina batez ere bazkal ostean mendian gora irteteak pisatzen zuen gehien, 1200 metroko igoera baikenuen aurretik.

Biadós-eko aterpetxetik abiatu ginen, 1.760 metrotara dagoena, artzain etxez inguratutako pista batetik gora. Berehala utzi genuen eskuinetara zijoan bidetxur batez ordez. Erreka zeharkatu genuen egurrezko zubi batetik eta beste pista batean sartu ginen. Pista berri hau uraren kontrako norantzan jarraitu genuen bi pertsonentzako lekua duen aterpetxe baten ondotik pasa arte, La Basa txabola.

Puntu honetatik aurrera, bidetxurra jarraitu genuen begirada granitozko mole handian jarrita, lehenik basoa zeharkatuz, eta ondoren, aldapa handiak igoz, Posets ezkerretik inguratzeko norantzan beti ere.

Lau ordu neketsu eta gero, akanpatu eta gaua pasa behar genuen puntura iritsi ginen. Gure aurretik jendea ikustea iruditu zitzaigun eta gure korridore berdina igoko zutela suposatu genuen. Aurrego, jada denda barruan ginela, beste bikote bat entzutea iruditu zitzaigun. Hauek vivac harroka famatuaren azpian lo egin zuten.

Denda jarri ondoren, afariarekin hasi ginen. Halako batean, zainzuri krema dena goitik behera erori zitzaigun esterila gainera hau irakiten hasi zenean. Anekdota hau alde batera utziz, niri esterila etxean ahaztu zitzaidan eta kotxean aurkitu nituen bi manta igo nituen. Hala ere ez zen nahikoa izan guztiz gorputza elurretik isolatzeko eta hotza pasatzea tokatu zitzaidan gauean.

Hurrengo egunean itxoin egin behar izan genuen korridorera sartzeko. Gure aurretik hiru sokakide sartu ziren. Goiz horretan motel ibili ginen eta ordaintzen amaitu genuen. Gure txanda izan zenean, honela aurkitu eta gainditu genuen korridorea:

1. zatia: 55ºko inklinazioko 100 metroko malda ensanblean igo genuen.

2. zatia: Bilera egin eta Beñat igo zen 30 metroko luzea eginez eta IVko erresalte bat gainditzen. Eskuinean izotz mingain bat zuen oztopoak eta mixtoan ondo igo zitekeen.

3. zatia: Aurrera jarraitu nuen beste 40 bat metroko luze batean eta 65-70ºko izotz malda bat igo genuen. Honek 10 bat metro zituen. Momentu honetan elurra eta izotza erortzen hasi zitzaigun, puska batzuk mina ematen zigutelarik. Gure aurretik sartu ziren bi kordada beherako bidean zetozen rappelatzen. Gurekin gurutzatu zirenean goran haize gehiegi zegoela esan ziguten, baina exageratua iruditu zitzaigun esan zigutena tontorrera iritsi ginenean. Gainera, rappelatzeko bilera bat jarrita utzi behar izan zuten...

4. zatia: Irteera ensanblean egin genuen. Azken erresalte txiki bat geratzen zitzaigun baina ia elurrez estalirik zegoen.

Bi ordutan lepora irten ginen eta beste 20 minututan Pirinioetako bigarren tontorrik altuena zapaldu genuen.

Bide normaletik jetsi ginen. Krestako lehen zatia ensanblean egin genuen, baina berehala konturatu ginen beharrik ez zegoela sokaz lotzeko. Leku erosoago batera iritsi ginenean, soka gorde genuen eta jendea goraka gurutzatu genuen, metro gutxi falta zitzaielarik tontorrera iristeko. Bide normaleko zati "tekniko" eta expuestoena gainditu ondoren, jende gehienak tontorra oinez egiteko bere eskiak uzten zituen lekura iritsi ginen.

Elur pala zabaletatik behera jetsi ginen eta parez-pare bi ordu lehenago igo genuen korridorearekin topatu ginen. Argazki batzuk atera genituen, gu geuden lekutik ikusgarriagoa baitzen korridorea barrutik baino. Gure "paparazzi" saioa amaitu ondoren, dendara iritsi eta denbora eman zigun Plan herrira jeisteko bazkaltzera, zerbeza eta guzti.

Ez dago gauzak ondo egitea baina ezer hoberik!

Datu teknikoak

  • Ibilbidea: Posets Jean Arlaud korridorea
  • Igoera data:2016-05-14
  • Luzera:250 m.
  • Desnibela:1.873 m.
  • Kokapena:Pirinioak
  • Kategoriak : Ipar aurpegia, Korridorea, Kranpoiak
  • Zailtasuna:AD+
  • Harri eskaladaren zailtasuna:IV
  • Korridorearen graduazioa:75º
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:4h.
  • Nola iritsi:Viados-etik, Posets-eko bide normala jarraitu glaziarrerarte. Hasieratik 50 minutura aterpetxe txiki bat dago bi pertsonentzako lekuarekin, Labasa txabola. Glaziarrean, korridore ondoan, harri handi bat dago bere azpian vivac-eatzeko. Guk denda igo genuen. 4 bat ordu inguruko inguratzea du.
  • Igotzeko denbora:2h.
  • Jeisteko denbora:3h.
  • Ezaugarriak:Bi zailtasun nagusi dituen korridorea: Mixtoko pausu bat, izotzik ez badu, IV-koa izan daitekeena; eta 75º-ko izotz malda bat.
  • Materiala:60 metroko bi soka, alien semaforoa, fisurero jokoa, hiru izotz torloku, bagak, kaskoa eta kranpoiak.
  • Egoera:Izotza eduki behar du korridoreak.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.