Aneto Estasen korridoretik igotzen

Capra Alpina(e)k idatzia.
1387
bisita

Aurreko egunean Jean Arlaud korridorea igotzen saiatu ginen Posets-era, baina eguraldi aldetik ez genuen zorterik izan. Ez genuen esku hutsik itzuli nahi eta gogobeterik utziko gintuen zerbait behar genuen. Egun hortan bertan, Benasque herria erlatiboki gertu genuenez, Pescadores aterpetxera igotzea erabaki genuen.

Aterpetxetik pare bat kilometrotara utzi genuen kotxea. Ordu erdi bat kosta zitzaigun iristea, eskiak jantzita genituela. Literak katalan batzuekin partekatu genituen. 6/8 pertsonentzako lekua dago bertan.

Hurrengo egunean, goizeko 3retan esnatu ginen, baikenekien gerturatzea luzea izango zela. Igandea zen eta kotxez etxera itzulera bidea luzea zen.

Basoa zeharkatu genuen ipar-ekialde norantzan, Coronas-eko arroilatik. Lehen laku izoztura iritsi ginen ordu exkax batean. Hemendik aurrera elurra azaldu zen maldetan.

Ekialdeko aldapa igo genuen zirkoa gainditzeko. Eskiak jarri genituen, baina zig-zag-ean esfortzu asko egin behar izan genuen malda tente hura igo ahal izateko.

Bigarren lakura beste ordu betean iritsi ginen. Ezkerreruntz hartu genuen, ipar-ekialderuntz eta tubo batetik gorako lakua zapaldu genuen. Puntu hontatik korridorearen hasiera garbi ikusten da, Coronas lepoaren eskuinean. Gelditu gabe jarraitu genuen, arroa ezkerretik inguratzen, korridore hasiera parez-pare izan arte. Igotzeko prest jarri ginenean goizeko 8ak ziren, eguzkia esnatu zen une berbera. 5 pertsonaz osatutako talde batek aurre hartu zigun orduntxe, gorako lakuan vivac-eatu baitzuten, eta Petit Black-eko bidegurutzerarte bidea zabaldu ziguten.

Estasen korridorea zabala da eta 50º-ko malda konstatea du. Teknikoki, erraza. Ia amaieran, Petit Black eskuinean geratzen da, baina ez hortik jarraitzea erabaki genuen, boskotea hortik baitzijoan. Aurrera jarraitu genuen eta irteera zati mixto batekin topo egin genuen. Igoerako gune teknikoena tontor ertzean zegoen: Pare bat zati mixto delikatu pasa genituen soka gabe, baina azken hau agian soberan ez genuen izango jarri izan bagenu.

Tontorrera goizeko 9etan iritsi ginen. Poz betean geuden halako jarduera potentea egin ondoren. Mahoma pasabidea zeharkatzeko soka jarri genuen, normalean baino haize gehiago eta arriskutsuago zegoelako eta guk eskiak bizkarrean genituen.

Coronaseko leporarte eskiatu genuen. Zulo bat gainditu eta azken rappela harri batean lotuta zegoen kordino zahar batetik egin genuen. Destrepatu daiteke, baina delikatua dago.

Azken oztopo hau eta gero, eskiekin disfrutatzea besterik ez zitzaigun falta. Eta erabat gozatu genuen! Jetsiera ederra egin genuen, irrifar tonto bat aurpegian genuela, igotzen 3 ordu kosta zitzaiguna, 20 minututan jetsi genuen. Hori da mendiko eskiaren magia!

Azkenik, kotxera eguerdiko ordubatak baino zerbait lehenago iritsi ginen.

Hemen duzue Estasen korridoreko bideo motz bat. Laburra da, baina bertan ondo ikusi daiteke korridorearen handitasuna:

Datu teknikoak

  • Ibilbidea: Aneto Estasen korridorea
  • Luzera:1.161 m.
  • Desnibela:1.814 m.
  • Kokapena:Pirinioak
  • Kategoriak : Erraketak, Eskia, Korridorea, Trabesia
  • Zailtasuna:PD (Petit Black bariantea (PD+))
  • Korridorearen graduazioa:50º
  • Hasiera puntuan amaitzen da:Bai
  • Iristeko denbora:Pescadores aterpetxetik 4 ordu korridore hasierara
  • Nola iritsi:Puente de Coronas edo Pescadores aterpetxetik. Bertara, kotxez pista zabalik badago.
  • Igotzeko denbora:30 min. korridorea
  • Jeisteko denbora:2:30 h, jetsiera denbora eskiekin.
  • Ezaugarriak:Lau bat orduko inguratze luzea duen ibilbidea. Tontorreko aristak korridoreak baino exposizio eta zailtasun maila handiagoa izan dezake, Mahoma pasabideak bezala. Coronas-eko lepotik rappelatu daiteke harrian dagoen kordino batetik.
  • Materiala:Kaskoa, piolet bat, eskiak, kranpoiak eta soka aukeran.
  • Egoera:Elurrarekin.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.