Patagonia: ibilbide eta ibilaldiak

Capra Alpina(e)k idatzia.
651
bisita

Patagonia eskualde geografikoa Amerika australean kokatua dago eta Argentina (ekialde)  eta Chile (mendebalde) hego aldeko lurraldeek osatzen dute. 1.060.631 km²-ko eremua, 75.5% Argentina eta 24,4% Chile lurralde artean banatzen da . Eremu guzti honi dagokion zati txiki bat ezagutu asmoz, Los Glaciares Parke Nazionaleko ipar zatira (Argentina) eta Torres del Paine Parke Nazionalera (Chile) gerturatu gara.

PATAGONIA ARGENTINARRA

El Chaltén Argentina herrialdeko trekking hiriburua da. Santa Cruz probintziako (Argentina) herri txikia, Patagonia hego-mendebalde muturrean kokatua, Andes mendikate ego aldean eta Los Glaciares Parke Nazional barruan. Hainbat ikuskizun natural bertan aurkitzen direnez, Cerro Torre, Fitz Roy, lago Viedma, laguna Torre, laguna Capri, Lago del Desierto, Campo de hielo Patagónico,…………. Ikustatu ahal izateko gonbidapena etengabea da.

Fitz Roy iparretik hegoaldera orientatua dagoen mendi  kateko gailur nagusia da. Bertan bizi izan ziren antzinako bizilagunek Chaltén izenez ezagutzen zuten, “ahónikenk” hizkuntzatik datorren izena eta “kea darion mendia” esan nahi duena. Hortik, urte askotan bertakoak sumendia zela pentsatu oi zuten, bere gailurra lainoak etengabe estaltzen bai zuten.  Oso garaia ez den mendi bat izan harren (3.405 m), eskalatu ahal izateko munduko zailenetakoa da. Dituen harlauz bertikalak, oso ere labainkorrak, izotz eta haize etengabeak, eguzki onarekin ere oso zail egiten dute eskalada. 1.952-ko otsailak 2-an Lionel Terray eta Guido Magnone, beste batzuen artean, osaturiko frantziar espedizioa, hego-ekialdeko ibilbidetik igoaz, gailurra zapaltzen lehenak izan ziren. 

Cerro Torre mendiak 3.133 m ditu eta hego Patagoniako izotz eremuko ekialde ertzean kokatua dago. Denbora luzez eskalatzeko mendi zailena kontsideratua izan zen. Bere edozein aldeek, granito bertikaleko 800 m-ko bata bestekoak, ezin txarragoko klima bereizia eta baldintza meteorologiako aldakortasunak, egun askoko igoera planifikatzea ere oso arriskutsu egiten du. Horretaz gain, izotzezko barrengorri batez burutua dago, oraindik askoz gehiago zailduz igoera. Bere garaipena eztabaidaz betea dago eta naiz Cesare Maestrik 1.959 urtean  Toni Egger-en laguntzaz igo zuela esan, inoiz probatzerik ez zen izan. Maestrik 1.970 urtean gas konpresore batez lagundurik beste saiakera egin zuen. 350 m hiltze hedapenez hornitu zituen eta mendiaren zati harritsuaren mugara iritsi zen. Izotz barrengorri azpi-arte, tontorretik 100 m-ra, eta bertan konpresorea utziz eskalada amaitutzat eman zuen. Gaur egun ibilbide honek konpresorearen izena darama. Eztabaida sortu ez zuen lehen igoera 1.974 urtean Casimiro Ferrari, Daniele Chiappa, Mario Conti eta Pino Negri-k egin zuten.

Perito Moreno glaziarra, Santa Cruz (Argentina) eskualdean aurkitzen da, El Calafate herritik 80 km-ra, Los Glaziares Parke Nazional hego aldean. Dudarik gabe erakargarri turistiko bikainena da. Glaziar hau hego Patagoniako izotz eremuan sortzen da. Bere ibilbidean Argentino lakuaren hego besora iristen da, 5 km-ko fronte batez, izotz hormak 60 m ur mailatik gora eta 170 m-ko sakonera izanik.

 

PATAGONIA CHILETARRA

Paine Dorreen Parke Nazionala, Chile-ko handi eta garrantzitsuenetako bat da. Los Glaciares Parke Nazionalekin (Argentina) ipar aldetik mugatzen du. Ingurune natural ugari aurkezten dizkigu, bereiziena Cerro Paine konplexua izanik, dorre nagusia 3.050 m-ko garaierarekin, Paine Dorreak eta Paine adarrak. Lakuak, ibaiak eta glaziarrak parkearen edertasuna osatzen dute, ez alferrik, National Geographic-en edizio bereizi batetan, Paine Dorreak munduko bosgarren lekurik ederrena izendatu zituzten eta 2.013 urtean, munduko zortzigarren miraria izateko hautatuak izan.

Datu teknikoak

  • Ibilbidea: Cerro Torre-Fitz Roy trekking-a
  • Luzera:35.000 m.
  • Desnibela:1.917 m.
  • Kokapena:Andeak
  • Kategoria : Oinezko igoera
  • Zailtasuna:F
  • Nola iritsi:El Chaltén herritik
  • Ezaugarriak:Ibilbide luze eta zorrotza
  • Egoera:Eguraldi onez egin beharreko ibilbidea inguruneaz zein paisai ikusgarriaz gozatu ahal izateko
  • Garaia: Uda
  • IBILBIDEAREN DATU GUZTIAK IKUSI

Datu teknikoak

  • Ibilbidea: Paineko Dorreen behatokia Amarga Aintziratik
  • Luzera:20.000 m.
  • Desnibela:767 m.
  • Kokapena:Andeak
  • Kategoria : Oinezko igoera
  • Zailtasuna:F
  • Nola iritsi:Amarga Aintzira sarrera eta Las Torres hoteletik
  • Ezaugarriak:Ibilbide luze eta ondo seinaleztatukoa. Lehen zatiak Ascensio ibaia jarraitzen du eta ondoren, lenga baso dotore batek Las Torres behatokira eramaten gaitu.
  • Materiala:Denda, zakua eta arropa ugari
  • Egoera:Udara izanagatik elurra egin dezake
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.