Veteranos-Bardamina ertza AD

Capra Alpina(e)k idatzia.
586
bisita

Estos sakanean gora GR11 arrastoak jarraituz , presa ondotik pasa eta Estos ibaiaren parez pare gorantz goaz. 30´ondoren irekia den Santa Ana aterpetxea ezkerrera utzi eta pagadian sartzen gara. 

Turmo txabolaren ondotik pasa eta Estos aterpetxera (1.890 m) eramango gaituzten azken maldei ekiten diegu. 

Chistau Portura (2.592 m) norabidean GR11 arrastoak jarraitzen ditugu, baina bertara iritsi aurretik, ezkerrera biratu eta itoak jarraituz gorantz jarraitzen dugu, Chistau-ko legar-hobitik zehar.

Bakoitzean ikuspegia handia da eta dagoeneko ikus dezakegu gure lehen helburua, Veterano tontorra. 

Gure oinpean Pico Royo de Posets lakua aurkitzen da, leku lasai eta apenas jenderik ibiltzen ez dena.

Xenda bihurka Collada Negra-ra (2.878 m) igotzen da (E), bertatik iparraldeko ertza hasten bai da. Lehen kota deskonposatu bat igotzea behartuak gaude (II).

Malda baretzen doa eta kota berri bat gaindituz, Punta Blanca (3.114 m), inongo zailtasunik gabe Veteranos edo Juan Buyse gailurrera igotzen gara (3.125 m)(F+).

Ikusgarriak behatoki honetatik ditugun bistak: Culfreda, Bachimala, Perdiguero, Aneto, Maladeta, Posets,……… eta metro asko beherago Paul-Bardamina ertz zorrotza.

Ertz deskonposatuaren bizkarretik (SSO) sakonune batetara (3.086 m) jaisten gara. Azken malda batek Gemelos Ravier gailurrera, zailtasunik gabe, eramaten gaitu (3.160 m) (F).

Ertzetik irtengune bateraino altuera galtzen dugu, pasarte konprometituenera (III) zintzilikatzen dena, Carrivé ebakira (3.140 m).

Arrokaren egoera txarrak jaitsiera arriskutsuagoa zaila baina gehiago bihurtzen du. Rapelatu ahal izateko bi ainguraleku daude, bat 10 m-koa eta bestea 15 m-koa, oso baliagarriak.

Behin Carrivé ebakian, korridore batekin lotzen den erlaitz bat jarraitzen dugu zeharkaldia eginez. Behin gaindituz, ertzera iristeko mailakatutako terraza batzuetatik igotzen gara.

Zati etzan batetik jarraitzen dugu eta azken malda batek (I), Ipar Postes-a (3.325 m) iritsi ahal izateko aukera ematen digu.

Posets-tik Paul lepora erortzen den ertza, airezko eta deskonposatua, jaisten hasi gara. Kontzentrazio guzia eskatzen digu, edozein hutsegiteek ondorio txarrak ekar bai litezke. Oso gutxi erabilia den bidea izanik, bide garbirik ez dugu ikusten eta jaitsiera intuizioz egin behar dugu.

Ertz zati handi bat jaitsi dugu eta gelditzen dena, Posets Glaziarrean dauden elurtegietara erortzen den korridore batetik egitea erabaki dugu. 

Tentsio momentuak bizi izan ditugu arren, elurtegira iristea lortu dugu eta dagoeneko askoz ere lasaiago, Paul lepora jarraitzen dugu (3.040 m).

Paul ertz zorrotz bezain ikusgarrira igotzen gara (N) eta granito bloke handiak gaindituz, Pico Inferior de la Paul gailurrera iritsi (3.073 m) (F).

Ertzaren gandorretik jarraitzen dugu (NE) behin eta berriz irtenguneak gaindituz (II+), naiz ezkerretik berantz eginez zatirik zailenak saihestu daitezkeen. Paul tontor airezkora iritsi gara (3.078 m) (PD-).

Ibilbidearen azken zatian utzi ez gaituen lainoak, bi aldetara ditugun amildegiak ezkutatzen dizkigu. Ertzaren bigarren zati honetan hainbat ebaki aurkitzen ditugu, martxa asko moteltzen dizkigutenak.

Garrantzi gutxiko tontor bat gainditu (3.053 m) eta ertzetik tximinia erraz batetik jaisten gara (eskuin), jarraian Bardaminara lotzen duen ebakira igoz (3.030 m).

Eskuinetik igoera erraz bat eginez, inongo zailtasunik gabe Bardamina gailurrera eramaten gaitu (3.079 m) (F).

Ertza ego-ekialdera jaitsiz 2.963 m dituen kota batera iristen gara eta ezkerrera biratuz, laku txiki batera (2.700 m), ondoren gertu dagoen Bardamina ebakira zuzentzeko (2.715 m).

Ibilbide hau askoz zuzenagoa da eta jaisteko besterik ez da erabiltzen. Korridore oso ere bertikala eta arroka ezegonkorrez betea dagoenak, Montidiego sakanera bideratzen gaitu.

Bardamina lakutik jaisten den uharra ezkerrera utzi eta eskuinetik bidezidor bat hartuz, malda belartsu eta errododendroz beteriko batetik zeharka eginez, GR11-2 xendara iristen gara, Estos aterpetxearen parez pare.

Hiru aterpetxeen bidetik  (Estos-Angel Orus-Biados) denbora bat jarraitzen dugu eta goranzko norabidea hartzen duenean, baztertu eta goizean igotzeko erabili dugun GR11 bila goaz. 15:00 h eta gero goizean kotxea utzi dugun aparkalekura iritsi gara. 

 

 

Datu teknikoak

  • Ibilbidea: Gemelos Ravier Benasque eta Estos aterpetxetik
  • Kokapena:Pirinioak
  • Kategoria : Ertza
  • Zailtasuna:AD+
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:10:40 h
  • Nola iritsi:Benasque-ko Aneto kanpin inguruan dagoen aparkaleku eta Estos aterpetxetik
  • Igotzeko denbora:15:00 h
  • Jeisteko denbora:4:20 h
  • Ezaugarriak:Veterano gailurretik La Paul ertzera bitarte arroka erabat hautsia eta aseguratu ahal izateko zaila
  • Materiala:30 m-ko soka, arnesa eta kaskoa
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.