Culfreda Ertza

Capra Alpina(e)k idatzia.
507
bisita

Mendi ikusgarri hau Rioumanjou eta La Pez aranen artean kokatzen da. Hiru tontor ditu, denak ere hiru mila metro goitik, eta inongo zailtasunik ez duen ertz borobildu bat sortzen dute. Bi isurialdeetan aurkitzen diren ehunkako pago eta izei basoetatik zeharkatzen duten bidezidor ugariek, historiaz beterik daude eta bertatik hainbat artzain, artalde, armada soldadu, erromes,... igaro dira. Gaur egun ingurune natural babestua dugu.

Eguna goibel eta euritsu esnatu zaigu. Mendian behera lainoa arrastatzen den bitartean, Hospice de Rioumanjou aterpetxetik irteten gara, frantziar isurialdean, Culfredas ertza zeharkatu asmoz. L´Estot uharra zeharkatu eta marka hori eta zuriak jarraitu, ehun urte beteak dituzten izei artean sartuz. 

Plagne uharra gure bidera atera zaigu eta ezin bestean, hiru zuhaitzez eginiko zubi artisau batez zeharkatzen dugu.  

Behin baso barnean eta goranzko norabidean, Urdiceto Portura igotzen den xenda eskuinera utzi eta ezkerretik Plan Portura doana jarraitzen dugu, altuera azkar batetan irabaziz. 30´ minutu eta gero, Bihurka doan xenda  basotik irten eta toki ireki batera iristen da.

Behin momentu honetara iritsiz, erabaki bat hartu beharrean gara. Plan Portua (eskuin) marka zuri eta horiak jarraituz, altuera emeki irabazten duena edo zuzenean maldan gora Cauarère uharra paralelo igo, Madera Portura iristeko. Azken hau jarraitzea erabaki dugu eta eskuinera Plan Portuko bidea utzi, naiz itzulera bertatik egingo dugun, ahalik eta azkarren igo ahal izateko, naiz horrek esfortzu berezi bat eskatu.

Altuera irabazten goazen neurrian, lainoak gehiago estaltzen digu eta gure senak Culfreda tontorrak ezkerrera daudela esan arren, ezinezkoak zaizkigu ikustea. Pizarra hauskorrezko malda gordin bati malda belartsuak ematen dio jarraipena, gure igoera asko zailduz, batez ere uharrak zulatutako lorratzak zeharkatzea behartuta gaudelarik.

Asko kosta bazaigu ere Madera Portura igotzea lortu dugu (2.555 m). Eguzkia lotsati Biadós isurialdetik azaltzen zaigu eta guk eskertzen dugu. Honek Cauarère edo Punta Cabalera mendia ikusteko aukera ematen digu.

Ezkerrera biratu eta lehen malda bat gaindituz, Pico Cabalera mendebaldeko ertzaren hasieran kokatzen gara. Lainoak beste behin irensten gaitu eta asko zaildu aurrera egitea.

Malda erabat desegina badago ere, sigi-saga ugariek altuera azkar irabazten laguntzen digute. Pic de Cauarère o Punta Cabalera (2.902 m) (F) tontorrean aurkitzen gara. Bertatik Culfreda ipar-mendebaldeko silueta ikus dezakegu.

Lepo zabal batera jaisten gara (2.853 m), berriz ere altuera irabazi ahal izateko.

Bigarren mailako malda bat bidera atera zaigu (2.945 m) eta eskuinetik saihesten dugu (hego). Berriz ere ertzera itzuli eta zailtasunik gabe, Culfreda NW gailurrera iristen gara (3.034 m) (F).

Erdiko tontorrera iritsi ahal izateko, bi tontorrak lotzen dituen bretxa batera zailtasunik ez duen jaitsiera bat egiten dugu.

Hamar minuturen bueltan eta inongo zailtasunik gabe, Erdiko Culfreda-ra iristen gara (3.028 m) (F).

Azken tontorretik metro gutxi batzuek banatzen gaituzte. Zeharkaldi erraz batek Culfreda NE gailurrera eramaten gaitu (3.032 m) (F). Tontorra gailentzen duen ito handiak altxor berezi bat gordetzen du, kaxa gorri bat eta bere barruan, koaderno txiki bat igotzen den edonork nahi duena idatzi dezan.

Ezin bestean, guk ere gure mezua uzten dugu, gure lagun Beñati bereiziki eskainia, egun hauetan Khan Tengri mendia (7.010 m) igo nahian burrukan bai dabil, Kirguistán eta Kazajastán artean dagoena.

Lainoaren erruz eta pena handia bada ere, Bachimala, Posets, Eriste,…………. zein gertu dugun Lustou ikusteko aukerarik ez dugu.

Datu teknikoak

  • Ibilbidea: Culfreda Culfreda Ertza
  • Desnibela:1.500 m.
  • Kokapena:Pirinioak
  • Kategoria : Ertza
  • Zailtasuna:F
  • Hasiera puntuan amaitzen da:Bai
  • Iristeko denbora:3:15 h
  • Nola iritsi:Hospice Rioumajou aterpetxetik. Tramezaïgues herritik (FR) 11 km D19 errepidea jarraituz
  • Igotzeko denbora:6:05 h
  • Jeisteko denbora:2:50 h
  • Ezaugarriak:Biados eta Tabernes aterpetxetik ere igo daiteke, Madera sakanetik eta Cabalera portutik.
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.