Pedraforca - 2.498 m

Capra Alpina(e)k idatzia.
1073
bisita

Mendi hau Bergueda eskualdean aurkitzen da eta buru biko itxura berezia duenez, indartsu, arreta deitzen du. Bere bi tontorrak, altuena 2.497 m eta baxuena 2.445 m, U itsura dute eta Cataluina-ko mendi berezienetako bat osatzen dute. Gu ere bere xarmak liluraturik tontorrera igotzeko proposamena egin genuen eta bertatik, Cadí-Moixeró parke naturalera dauden ikuskizun harrigarriez gozatu. 

 

Igoera Gresolet Behatokian (1.530 m) hasten da, bertatik Lluís Estasen aterpetxera (1.640 m) doan bidea hartuz eta 15´ondoren, bertara iritsiz.

Aterpetxe inguruan dagoen iturrian ura hartzen dugu, aurrerago ur arrastorik ez bai dago, eta  SE-E norabidean (ezker) basoan zehar murgiltzen den bidea jarraituz, gorantz hasten gara, PR 123 arrastoak jarraituz. Tarter izenez ezagutzen den ingurunea zeharkatzen dugu, hartxingadi mingain bat hain zuzen, Cabirols (2.317 m) ipar aurpegitik behatokiko errepideraino jaisten dena. 

Arrasto hori eta zuriak jarraituz, Petraforca-ko Canal de la Tartera ikusgarriko oinpera iristen gara, bi tontorrak banatzen dituen kanal ikusgarria eta derrigorrez, igo beharko duguna.  Asko harritzen gaitu beranzko norabidean jende asko ikustea eta gorantza berriz, inor ere ez. Oso kezkagarria, bidez nahastu ote gara?

Igoera oso luzea eta neketsua gertatzen da, arrazoi sendoak beherantz bakarrik erabilia izateko. Ala ere gorantz jarraitzen dugu, pixkanaka bada ere, Petraforca-ko Pollegó behe (2.445 m) horma oinpetik zehar, Enforcadura-ko puntu garaienera iritsi arte. Kontu handiz ibili behar dugu, kanaletik berantz datozenek harri ugari botatzen bai dituzte.

Behin Enforcaduran, iparrera (eskuin) aurkitzen den kanal estu batetatik igo beharra dugu, baina lehenbiziko begiradan ikustea zail egiten zaigu. Eskerrak milaka mendigoizale pasa ondoren, oso markatua dagoen xendak, zalantza izpirik gabe, sarbidera zuzenean eramaten gaituela.

Igoeraren azken zatia kare harrietatik igoz egiten dugu, dena den, tentu handiz ibili behar gara mendigoizale asko pasa ondoren oso labainkor bai daude. Pintura hori markak jarraituz gero, arazo handiegirik ez genuke izan behar, zeren bide errazena segitzen bai dute. 

Poliki poliki eta azken igoera arin bat tarteko, Pollegó Superior edo Pedraforca (2.498 m)  gailurrera zailtasunik gabe iristen gara. Jende asko aurkintzen dugu bertan eta egia esan, egoteko leku pixka bat aurkitzea ere zail egiten zaigu.

Cadí-Moixeró parke naturalera dugun ikuskizuna harrigarria da. Iparrera Cadí-Moixeró mendi zerra, hego hego-ekialdera Ensija mendi zerra, hego-mendebaldera Verd mendi zerra eta mendebalde ego-mendebaldera Comte portua. Tontorraren ingurua oso malkartsua da, batez ere Calderer ertza eta Pollegó behe gailurra.

 

 

Datu teknikoak

  • Ibilbidea: Pedraforca Gresolet behategitik
  • Kokapena:Pirinioak
  • Kategoria : Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:2:20 h
  • Nola iritsi:Gresolet behategitik (Saldes herritik 6 km)
  • Igotzeko denbora:3:35 h
  • Jeisteko denbora:1:15 h
  • Ezaugarriak:Malda tente eta harri labainkorrez osaturiko tartera kanaletik igotzeak, betidanik jaisteko erabiltzen dena, igoera oso neketsua egiten du.
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.