Infernuetako Ipar Korredorea, igoera bideo eta guzti

Capra Alpina(e)k idatzia.
2666
bisita

Eguraldiak laguntzen ez zuen arren, korridorea egiteko helburuarekin atera ginen Casa de Piedratik. Maldan gora abiatu ginen Infernuen glaziarraren norantzan. Egun hartako egoera aztertuz gero, baten batek baino gehiagok galdetuko luke ea zerk erakartzen dion bati haize bortitz harrekin, harria verglasez estaltzerainoko hotzarekin eta mendiak guztiz ezkutatzen dituen laino euritsuarekin topo eginez gero. Baina, buelta hartzea pentsatzen ari ginen momentuan, bide argitu eta nondik igo behar genuen garbi ikusi genuen, mendiak igotzeko baimena eman izan bagintuen bezala.

Hurbiltzen bachimañako lakuetatik.

1. luzea (60 m.): Bloke enpotratu bat aurkitu genuen parez pare. Gainditzea ez zen guztiz lan erraza izan; ez zituen helduleku ugari eta gaineko elurrak ez zuen segurtasun asko ematen. 10 metro ondoren, eskuinetara jotzen zuen korridoreak, goulotte tente bat bistaratuz. Pareko paretean pitoi bat zegoen erabilgarri. 70º-75ºko 10 metro inguruko eskalada egin ondoren, 55ºko malda batera iritsi ginen, bilgune inprobisatu bat egin genuen lekura.

Glaziarra zeharkatzen korridorearen basera.

2. luzea (60 m.): Hiruetatik luze errazena, trantsiziozkoa beste biekin alderatuz. Hala eta guztiz ere, hasieran zerbait esponitua zegoen pausu bat zeharkatu beharra izan genuen, elur kapa fina baitzuen. Azkenik, bilera hurrengo resaltearen azpian.

Unai azken luzean.

Mikel luzean borrokan.

3. luzea (60 m.): Luze klabea, hasiera 70ºko pare bat erresalte gainditzen hasi behar duguna. Oztopo hau pasa eta gero, malda asko jeisten da, lasaitu on bat hartzen dugularik azken pausuko arrokan eskuak jarri aurretik. Hemen, lehenik gorputza harrizko erresaltera igo eta, jarraian, ezkerreruntz egin beharko dugu trabesia bat, fisura txiki batez lagunduz. Elurra, gero berriz arroka, eta, azkenik, irteera, mendi zoragarri honen tontorrera iritsi aurretik.

 

Tontorretik ateratako argazkia.

Datu teknikoak

  • Ibilbidea: Erdiko Infernua Ipar Korridorea
  • Luzera:180 m.
  • Kokapena:Pirinioak
  • Kategoriak : Ipar aurpegia, Izotz eskalada, Korridorea, Mixtoa
  • Zailtasuna:D+
  • Harri eskaladaren zailtasuna:IV
  • Korridorearen graduazioa:80º
  • Luze kopurua:3 (60m)
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:4:30h basera
  • Nola iritsi:Panticosako Casa de Piedra aterpetxetik: 4.30h. Bachimaña aterpetxetik: 2.40h.
  • Igotzeko denbora:2.30h korridorean
  • Jeisteko denbora:2.30h
  • Ezaugarriak:Korridore motza, baina intensoa, 75ºko erresalte batekin hasten delarik; elur gutxi badago, enpotratutako bloke bat hasieran, paso mixto batekin; erdibidean, 70ºko beste erresalte bat; eta, amaitzeko, III+/IV-ko arroka pausu bat. Irteeran, elur erlaitza sortu ohi da.
  • Materiala:Kranpoiak, 60m-ko soka, elurretako estaka, Friend batzuk eta elurretako pare bat torloju.
  • Egoera:Elurra.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.