Kinboa - 2.182 m

Capra Alpina(e)k idatzia.
1238
bisita

Kinboa mendi zerrak Gamueta eta Las Eras sakana iparraldetik eta Petraficha sakana hegoaldetik banatzen ditu. Zuriza aldera jaisten diren malda leunak (mendebalde), Oza aldera erortzen diren horma izugarriekin zer ikusirik ez dute (ekialde). Bertara igotzeko ibilbide ezberdinak daude, denak ere errazak, bai Oza aldetik Guarrinzako zelaietatik (1.150 m) eta Petraficha lepotik (1.958 m), bai Zuriza aldetik Gamuetako sakanetik (1.150 m) edo Tatxeras zelaietatik (1.280 m). Gure saiakera azken ibilbide honetatik egingo dugu.

 

Zurizako kanpalditik abiatu gara Tatxeras (1.280 m)zelaietatik banatzen gaituzten 2 km-ak pistaz eginez, Petraficha ibaiaren parez pare joanez eta Alanoko Achar eta Ralla-ren begiradapean. Behin bertan, bere garaian aterpetxe izan zenaren norabidean goaz, pistatik ikus daitekeena, eta gaur egun hondakin bat besterik ez dena. 

Aldapa malkartsu eta tente bat zeharkatzen dugu, Petraficha ibaitik oso goitik igarotzen dena,

Tatxerasko bigarren aterpetxera iritsi ahal izateko. Hau ere, lehenengoaren antzera, erabat birrinduta dago eta itxura penagarria ageri du. 

GR-ko arrasto zuri gorriak pinudi batera eramaten gaituzte. Bideak bertatik jarraitzen du, uhar baten ertzera inguratzen digun bitartean eta derrigorrez, zeharkatu beharrean gaudena.

Zarata izugarria ateratzen duen ur-jauzi dotore bat, gure buruen gainetik jausten da.

Une onetatik aurrera elurraren presentzia orokortzen da eta bidearen erreferentzi guziak galtzen ditugu. Ez da oso tarte zaila eta gorantz jarraitzen dugu hirugarren aterpetxera iritsi bitarte. Aurreko bien aldean, honek kanpotik itxura egokiagoa ageri du, baina barruak zer esana ematen digu. 

Ezkerrera utzi eta gorantz jarraitzen dugu Kinboa lepora norabidean. Bertara iristeari uko egin eta eskuinera jarraitzen dugu gorantz (ekialde),  Kinboa baxu gailurra (2.071 m) ezkerrera utziz.

Aldapa oso zorrotza ez da eta inongo zailtasunik gabe, Kinboa eta Petraficha gailurrak banatzen dituen ertzaren goiko zatira iristea lortzen dugu. Bertatik, Oza aranera erortzen diren horma erraldoi eta tenteak  ikustera gerturatzen gara.

Minutu batzuek besterik ez ditugu behar Kinboa gailur xumera iristeko (2.182 m). Harriz eginiko pilatxo batek, ozta-ozta, mendiaren gune altuena markatzen du.

Hotza izugarria da, haizeak indar handiz astintzen digu eta lainoak inguratzen gaitu. Oza aranera dauden bista ikusgarriak, zein inguruko gailurrak ikusteko, lainoa oztopo besterik ez da: Acher Gaztelua, Bisaurin, Txipeta, Petraficha.

 

Datu teknikoak

  • Ibilbidea: Kinboa Altua Zurizatik
  • Desnibela:1.322 m.
  • Kokapena:Pirinioak
  • Kategoria : Erraketak
  • Zailtasuna:F
  • Hasiera puntuan amaitzen da:Bai
  • Iristeko denbora:3:40 h
  • Nola iritsi:Zuriza kanpaleku eta Tatxeras zelaietik
  • Igotzeko denbora:6:30 h
  • Jeisteko denbora:2:50 h
  • Ezaugarriak:Igoera erraza eta inongo zailtasunik ez duena
  • Materiala:Raketa eta makilak
  • Garaia: Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.