Giewont zalduna

Capra Alpina(e)k idatzia.
1047
bisita

Giewont Zakopane herria zaintzen duen mendia da. Herriko kondairak dioenez, lo dagoen zaldun bat da, herriak gehien behar duen momentuan begiak zabalduko dituena. Eta, ondo aztertzen badugu honen silueta, berehala konturatzen gara beraien sinesmen honen zergatiaz.

Kotxea Strazyska kalearen amaieran dagoen ordaindu beharreko lur sail pribatuan uzten dugu. Egurrezko arku batek ematen digu ongietorria zuhaitzez josita dagoen parkearen barrura.

Bidetxur zoragarri honek hogei bat minututan Polana Strazyska zelaigunean uzten gaitu, gure helburuaren oinazpian. Gure eskuinean dagoen zubitik erreka gurutzatu eta zigzag-ean doan bide batetik gora hasten gara. Orain artekoa laua zen, baina hemendik aurrerakoak gure indarrak auzipean jartzen ditu.

Malda gogorra ordu erdian amaitzen da, justu zuhaitzak urritzen hasten diren momentuan. Gure parean bailara berriak antzeman ditzakegu. Bideak ezkerrera hartzen du oraingoan eta, kartelek ondo dioten bezala, oraintxe igo dugun muinoaren ertzetik jarraitu beharko dugu zaldunaren buruaren mendebalderuntz.

Luzarrala elur, harroka eta lurrezko mix batean bihurtzen da. Baina bidea erraza, intuitiboa eta eroso jarraitu daiteke. Tontorra eskuinetik inguratzen dugu eta azken aldapa hego aurpegitik hasten gara igotzen.

Gehiegizkoak diren kate finko batzuk tontorrera eramaten gaituzte azken metroetan. Mendi puntan gurutze bat aurkitzen da, non herri bertatik argi eta garbi ikusten den. Gainetik, aldiz, herriaren eguneroko monotonia ikuskatu daiteke. 15 metroko altzairuzko gurutze hau tinko mantentzen da, superstiziosoa den norbaitek zalduna ez sekula esnatzeko ezpata bat buruan iltzatu izan balio bezala.

Datu teknikoak

  • Ibilbidea: Giewont Ohiko bidetik
  • Luzera:5.500 m.
  • Kokapena:Karpatoak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Nola iritsi:Zakopanetik.
  • Igotzeko denbora:1 ordu eta 30 min
  • Jeisteko denbora:40 min
  • Ezaugarriak:Ondo seinaleztatutako bidea.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.