Bonete Muinoa - 5.004 m

Capra Alpina(e)k idatzia.
1334
bisita

Bonete muinoa Aconcagua Parke Probintzial babestuaren mugen barruan aurkitzen da. Centinela de Piedra deritzonaren mendebaldeko aurpegiaren behatoki bikain eta ikusgarriena da. Zailtasun teknikorik azaltzen ez duen mendi bat dugu, baina ezin ahaztu genezake, metro gutxi batzuengatik bada ere, 5.000 m-ko  hesia gainditzen duela. Bere garaiera eta Plaza de Mulasen gertutasunak, Aconcagua oinarrizko kanpalekua, aklimatazioa hobetzeko erabiltzen den igoera bat da. Gu salbuespena ez gara izan.

Plaza de Mulasen bi egun daramatzagu eta gure egitasmoarekin jarraituz, irteteko prestatzen gara. Orcones glaziarretik datorren errekak, eta bere izena daramanak,sakatu duen zulora jaitsi eta zeharkatzen dugu, segidan hotel-aterpetxea igoz, gaur egun itxia dagoena. Behin parke zaindarien aterpetxe aurretik pasaz, begi bistan ditugun sigi-saga batzuek malda nabarmen bat gainditzen laguntzen digute.

Bakarrik ez goaz, 17 lagun gure aurretik doaz. Badirudi zerbitzu agentzi baten bezeroak direla eta Bonetera daramatzatela. “Penitente” eremu baten inguruan elkartzen gara. Penitenteak elur edo izotz gandorrak dira, Ande mendikatearen goi maldetan sortzen direnak, Aste Santuan prozesioan doazen monjeak bai liran. Gandor hauek ekialdetik mendebaldera lerrokatuta eta ipar aldera makurtuta daude, beti eguzkiari begira eta bitxikeri bezala, itzalik ez dute.

Catedral Muinotik datorren uharra zailtasunik gabe zeharkatzen dugu, emaria handitu eta itzuleran ez bezala, azken malda tentera iritsi ahal izateko. Hemen gelditu eta atseden hartzen dugu eta Aconcagua mendebaldeko aurpegia ikusgarria miresteko baliatu.

Lur elkorrean marraztuak dauden sigi-saga ugariek jarraituz, malda gogorra garaitzen laguntzen digute eta  tontorreko ertzera gerturatu, oso hautsia dagoena eta ezin bestean gure arreta eskatzen duena.

Tontorretik gertu Chileko isurialdera azaltzen gara, Argentinarra bezain ikusgarria. 

Minutu batzuek eta Bonete Muinoko tontorrera iristen gara (5.004 m), bi gurutzez hornitua dago. Ez garaierak ez aklimatazio faltak arazorik sortu digute, beraz oso pozik gaude.

Aconcaguako mendebaldeko horma denbora luzez miresten pasatzen dugu, ondo txapel itxurako laino batez estalia dago, zalantzarik gabe, datozen egunetako eguraldi txarraren iragarpen garbia. Gezurra badirudi ere eta gauden altueran gaudelarik ere, oraindik gorantz begiratu beharrean gara; ez alferrik, tontorra beste bi mila metro gorago dago. 

Datu teknikoak

  • Ibilbidea: Bonete Muinoa Plaza de Mulastik
  • Desnibela:750 m.
  • Kokapena:Andeak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:3:00 h
  • Nola iritsi:Plaza de Mulastik, Aconcagua oinarrizko kanpalekua
  • Igotzeko denbora:5:30 h
  • Jeisteko denbora:2:30 h
  • Ezaugarriak:Ez du inolako zailtasun teknikorik, naiz azken ertzean arretaz ibili behar izan. Ala nola, garaiera ere arazo bat izan daiteke eta aklimatazio minimo bat beharrezkoa izango litzateke.
  • Materiala:Makilak
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.