Bost lakuen ibilbidetik Tatrak ezagutzen

Capra Alpina(e)k idatzia.
1563
bisita

Bost lakuen bideak hasiera Morskie Oko aterpetxean ematen dio, ibilbide horia jarraituz, Szpiglasowa Prze??cz-etik pasa eta Dolinie Piecura iristen da. Lepotik pasatzean, Szpiglasowy Wierch igotzeko aprobetxatzen dugu. Bi bailara ezagutzeko bide polita.

Rysy mendira igo ginen gauean, Polako bikotearekin hitz egin genuen hurrengo egunean elkarrekin egiteko mendi irteeraren bat. Bost lakuen ibilbidea egiteko proposatu ziguten.

Bide horia hartu genuen, kartelen bidez ondo seinalizatua. Ibilbidea poliki poliki igotzen da hego-mendebaldeko madatik. Pixkanaka, Morskie Oko eta gaineko lakuari dagokion panoramika zabaltzen hasten da. Zoragarria.

Ordu eta erdira, horma batek malda zulatzen du eta pasabide estu batetik zeharkatu behar dugula ohartzen gara. Estua eta aereoa denez, sokaz lotu ginen segurtasuna areagotzeko. 20 metro besterik ez ziren.

Ordu erdian lepora iritsi ginen. Beñatek eta nik tontor bat igo nahi genuen eta beste 20 minututan Szpiglasowy Wierch-era iritsi ginen. Gailurrean beste bi poloniarrekin hitz egin genuen eta Pirineoak ezagutzen zituztela esan ziguten. Lehen bait lehen jetsi ginen, gure lagunak hotzez baitziren.

Kate finkoz gidatutako bide estu batetik jetsi ginen lepotik. Nahiko aereo eta bertikala zenez, ez zitzaigun laguntza pixkat gaizki etorri. Hemendik bigarren bailara ikusteko aukera genuen, beste hiru lakuz osatua. Urrutieneko bi lakuen tartean ikusten genuen gure helmuga aterpetxea.

Neguan ibilbidearen zati hau aldatu egiten da, lakuaren eskuin aldetik inguratzen baita. Udab, adlzi, eskuinetik.

Aterpetxean zerbait hartu, deskantsatu eta kotxerako bideari heldu genion. Bidea bailarako zuloa erosionatu duen errekaren albotik doa eta Morskir Oko-ra doan asfaltuzko bidearen erdialdean uzten gaitu. Hortik 45 bat minutura, kotxean gara.

Datu teknikoak

  • Ibilbidea: Bost lakuen ibilbidea neguan
  • Desnibela:777 m.
  • Kokapena:Karpatoak
  • Kategoriak : Erraketak, Kranpoiak, Oinezko igoera, Trabesia
  • Zailtasuna:F+
  • Ibilbide zirkularra:Bai
  • Nola iritsi:Kotxea Lisa Polanan utzi eta asfaltatutako pistatik jarraitu.
  • Ezaugarriak:Bi bailaretan dauden 5 laku zeharkatzen dituen ibilbidea. Aterpetxe batean hasi eta beste batean amaitzen da. Lepora bidean pausu delikatu bat dago, guk aseguratu egin genuen elurraren egoeragatik. Lepotik bera kate bidez aseguratuta dago.
  • Materiala:Kranpoiak. Arnesa eta soka aukeran.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.