Rysy eta Morskie Oko laku zoragarria

Capra Alpina(e)k idatzia.
1256
bisita

Rysy Poloniako mendi altuena da eta Tatras izeneko Karpatoetako mendizerra altuenean dago kokatua. Udan, polakoen jo muga bihurtzen da; neguan, aldiz, herrialde honetako Himalayisten jolasleku paregabean bihurtzen da.

Lehen eguna Tatretan. Estreinu eguna, baina ez dugu ingurua ezagutzen. Ezjakintasunak dena dudan jartzea eragiten digu. Elurraren egoeraz baita ere. Kotxea non utzi behar dugun informatu eta Morskie Oko izeneko lakuraino ibilbide luzea dagoela konturatu gara. Eta dudatzen hasi gara ea kapazak izango garen egun berdinean Rysy mendira igotzeko dagoen elurrarekin.

Eguraldiaren prebisioak lagundu digu erabakia hartzen, hurrengo aste t’erdirako eguraldi txarra datorrela jartzen baitu. Beraz, aprobetxatu egin behar dugula erabakitzen dugu.

Lisa Polana izeneko aparkalekuan uzten dugu kotxea. Lurra pribatua da eta partikularrak horretaz aprobetxatzen dira. Morskie Oko lakua, Poloniako leku zoragarrienetakoa, 10,6km-ra dugu. Batzuk gurdiz doaz gora, bide asfaltuzkoa baita. Gu oinez goaz eta ordu eta erdin egiten dugu, gutxi gora-behera.

Erritmo onean gozenez, aurrera jarraitzea erabakitzen dugu. Lakua inguratzen dugu eta beste puntara iristen gara. Hemendik, 200 metroko aldapa batek bigarren laku batera eramaten gaitu. Hau 1600 metroko alturan dago. Hemendik aurrera elurraren lodiera handiagoa da. Honen eraginez, gure abiadura moteltzen da.

Berriz ere ezkerreko aldetik inguratzen dugu bigarren laku hau. Beste aldapa bat dugu parez pare eta 35º-ko inklinazioa hartzen du. Lau Polakoen atzetik goaz. Gure atzean, asiar bat kamara batekin dator.

300 bat metro igo ostean, Polakoak bidez nahastu eta buelta hartzea erabakitzen dute. Asiarrak erabaki bera hartzen du. Eta ondo egiten duela uste dut, ez baita ekipamentu ezta kranpoirik. Guk hura ikustean, elkarri begiratu eta elkarri honakoa esaten gara: “Polakoek buelta hartzen badute, zer egiten dugu guk hemen?”

Jeisten hasi gara. 100 metro jetsi ondoren, bat batean, Polako bikote batekin aurkitu gara. Enbidia eta jelosia sentitu dugu. Begitankor begiratzen diegu. Gainera, gu baino material gutxiagorekin dijoaz goruntz. Amorrua ematen digu. Beñati begiratu eta ea zer iruditzen zaion berriz goruntz abiatzea komentatzen diot. Hasieran erokeria ematen du, batez ere Morskie Oko-ko aterpetxean zerbeza bat hartzeko gogoz baikeuden jada.

Berriz ere bagoaz tontorrerantz indarberrituta. Bikotea berehala harrapatzen dugu. Pasatzeko eskatu eta bidea irekitzen jartzen gara. Indartsu goaz elurra belaunetaraino dugularik. Alda kanal baten basera iristen da, tontorraren ipar aldetik. Hemendik aurrera aldapa areagotu egiten da.

Elurra bigun zegoen. Kanalaren zuloa utzi eta ezkerreko ertz modukotik igotzen hasten gara. Elurretatik kateak ateratzen dira noizbehinka, udako bidea doalaren seinale. Aldapa 45º-tan jartzen da. Pioletarekin laguntzen gara. Bikotea gure oinatzak jarraitzen ari dela konturatzen gara eta bastoiak dituzte soilik.

Tontorreko harrokariko azken pausuak nahiko aereoak dira. Kate finkoak daude pasarte ia guztian. Jeisterakoan soka erabili beharko dugularen intuizioa dugu. Material gutxirekin, bikotea gure atzetik dator eta tontorretik 50 metrora buelta hartu behar dutela esaten digute. Laguntza eskaintzen diegu eta elkarrekin iristen gara tontorrera.

Jetsieran, destrepatu, rapel bat egin kanaletik eta berdina egiten laguntzen diogu bikoteari. Ondoren, elurrarekin jolasten dugun, honen lodierak edozein salto eta tontakeriren erortzea leuntzen baitu.

Lo egiteko intentzioarekin iristen gara aterpetxera, nekatuta baikatoz. Baina ez gara konturatu bailara honetan jende asko juntatu ohi dela. Zortea dugu eta bi ohe komodo lortzen ditugu. Dutxatu ondoren, jangelara jetsi eta gure bidailagunekin elkartzen gara. Gure ustekaberako, litro erdiko sei zerbeza atera dizkigute. Poloniako tontor altuena igo dugula ospatzeko benetan modu on bat!

Datu teknikoak

  • Ibilbidea: Rysy Ibilbide normala, neguan
  • Luzera:1.300 m.
  • Kokapena:Karpatoak
  • Kategoriak : Kranpoiak, Oinezko igoera
  • Zailtasuna:PD
  • Harri eskaladaren zailtasuna:I
  • Korridorearen graduazioa:45º
  • Nola iritsi:Lisa Polanan utzi kotxea eta Morskie Oko-ra pista bat jarraitu.
  • Jeisteko denbora:2 ordu
  • Ezaugarriak:Zailtasun errezeko bidea, baina kontuz ibili azken kanalarekin eta, batez ere, amaierako pausu aereoekin.
  • Materiala:Kranpoiak, kaskoa, pioleta, soka (aukeran) eta arnesa (aukeran).
  • Egoera:Inklinazio handiko ekialdeko elur maldak, elur kondizioak begiratu aurretik.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.