Urdizeto - 2.597 m

Capra Alpina(e)k idatzia.
1585
bisita

Urdizeto mendia Frantziako Rioumajou eta Espainiako Chistau aranek osatzen duten muga banatzailean aurkitzen da. Piramide itxura du eta arbel hauskor gorrixkaz osatua dago. Urdizeto  atakaren ipar-ekialdean kokatua dago eta gailurretik pirineoko laku handienetako bat ikus daiteke, Urdizeto lakua, ala nola Parzán eta Biados lotzen dituen GR11 ere. Bertara jenderik apenas joaten denez, mendi lasai eta masifikatu gabekoa da.

Gaua Pinetako aterpetxe eroso eta lasaian pasa dugu. Afal orduan hurrengo egunean egin ditzakegun zenbait aukera aztertzen ditugu eta azkenik, sortez aukeraz baina gehiago, Urdizeto tontorrera joatea pentsa dugu. Parzán eta Bielsako tunela lotzen duen errepidean 1.5 km igoz kotxea aparkatzen dugu (1.300 m) eta mendi pista batetik igoz gure ibilbidea hasten dugu, Urdizeto edo Pardina sakana gaindituz. Km exkax daramagu gorantz eta dagoeneko elurrak eta izotzak mendi pista erabat estaltzen dute. GR11 ibilbidean zehar goaz, naiz arrasto zuri gorriak ikusterik ez dugun.

Bi ordu behar izan ditugu Urdizeto zentral elektrikora iristeko (2.020 m), haizeak indar handiz astintzen digu eta elurra ere hasia da. Eguraldia erabat okertu zaigu eta hotza bakoitzean nabariagoa da. Horren adibide, zentralak duen urtegian ikus dezakegu, zati handi bat izoztua dago.

Urdizeto ataka bertatik ikus dezakegu, baina bertara iritsi ahal izateko oraindik ordubete beharko dugu. Hotzak eta haize jelatuak zapaltzen goazen elurra izoztu dute eta segurtasunez, kranpoiak janztea erabakitzen dugu.  

Mendi pista ezkerrera doan bitartean guk parez pare jarraitzen dugu, inklinazio handia duen malda tente batetik igoz. Pauso bat ematen dugun bakoitzean kranpoiak karraskatzen dute eta izotzetan apenas zentimetro gutxi batzuk sartzen badira ere, malda tentea zailtasunik gabe gainditzen laguntzen dizkigute. Elurra, hotza, haizea, lainoa, Urdizeto atakak (2.314 m) era beldurgarrian ongi etorria ematen digu.

Bat batean, eguraldi txarrak aurrez pentsatuak genituen asmoak aldatzera behartzen dizkigu eta Urdizeto tontorrera igo beharrean, Urdizeto lakura bideratzen ditugu gure pausoak. Urtegiaren hormara iristean, ur arrastorik ez dago, elurra eta izotza besterik ez dugu ikusten. Pirineotako 9 garren lakurik handiena izanik, azalera 28,4 ha eta luzera 780 m, gezurra badirudi ere ur tantorik ez dugu ikusten. Neguak honelako gauzak ditu, bazter guziak mantu zuri batez estaltzen ditu.

Urdizeto aterpetxea urrunean ikusten dugu eta bertara bideratzen gara, eguraldi txarretik babestu asmoz. Aterpetxe irekia bada ere, sartzeko zailtasunak ditugu, elurrak barru guzia sabairaino estalia bai dauka. Bat batean, irentsi gaituen lainoa desagertzen doa, elurra erortzetik utzi du eta zerua garbitzen doan heinean, eguzkien izpiek berotzen hasi gaituzte.

Aterpetxe sarreran hamaiketakoa egiten dugu eta altxatzen garenean, Urdiceto tontorrak duen piramide zoragarria, lainorik gabe ikusteko parada dugu. Guri desafioka dagoela dirudi.

Atakara itzuli gara eta zalantza txiki batzuk izaten ditugun arren, gailurrera saiakera egitea erabaki dugu. Metro batzuek berantz egin beharrean gara malda tenteari ekin aurretik.  Elurra oso biguna dago alderdi honetan eta behar beharrezkoa zaigu bidea irekitzen joatea eta horrek, sekulako esfortzua egitea eskatzen digu.

Intentsitate handiko 30 minutu eta gero, lasaiagoa den tarte batera iritsi gara, gailurretik oso gertu. Azken aldapa ertzetik garaitzen dugu eta inongo zailtasunik gabe, Urdizeto edo Tres Güegas gailurrera iristen gara (2.597 m).

Lainotua egon arren, bertatik dugun ikuskizuna aparta da. Poset, Bachimala, Punta Sabre, Culfreda, Punta Suelsa, Fulsa, beste batzuen artean. Igo garen baina azkarrago, horrenbeste lan eta esfortzu kosta zaigun bidetik, inongo zailtasunik gabe jaisten gara.

Eguraldia txarrera doa. Eskaini digun hobekuntzak gailur dotore honetara igotzeko aukera eman digu, baina itxuraz, bukatzera doa. Elurra, haizea, lainoa eta elurra berriz gure artean ditugu. Itzultzeko ordua iritsi da.

Datu teknikoak

  • Ibilbidea: Urdizeto gailurra Parzan-dik neguan
  • Desnibela:1.453 m.
  • Kokapena:Pirinioak
  • Kategoria : Kranpoiak
  • Zailtasuna:F+
  • Hasiera puntuan amaitzen da:Bai
  • Iristeko denbora:5:15 h
  • Nola iritsi:Urdizeto sakanaren aparkalekutik, 1,5 km Parzan eta Bielsako tunela lotzen dituen bidetik.
  • Igotzeko denbora:8:15 h
  • Jeisteko denbora:3:00 h
  • Ezaugarriak:Ibilbide luze bezain erraza udaran egin ezkero. Km batzuek mendi pista batetik egiten dira. Neguan kontu handiz ibili behar da elur eta izotzarekin.
  • Materiala:Kranpoi eta pioletak
  • Egoera:Elurra eta izotza
  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.