Palomareseko mendebal ertza

Capra Alpina(e)k idatzia.
8197
bisita

Araba hegoaldean, Errioxarekin muga eginez, Kantabriako mendikatea aurkitu dezakegu, non Toloño izeneko mendizerra beste guztien gainetik gailentzen den bere Palomares ertz ikusgarriarekin. Lagrandik ikusita, horma gaindiezina dirudi eta herria horma eta pagarien artean ezkutatzen dela atzean dituen Guardia eta Eltziego herriekiko dirudi. Kokapen zoragarria jarduerari hasiera emateko.

Ertza luzea da, baino erraza denez, nahiko azkar egin dezakezu bertatik progresioa. Hiru bat luzeetan besterik ez genuen soka jarri ibilbide guztian. Honi esker, ertza 3 bat ordutan egitea lortu genuen.

Basoan pista galtzen hasten den bide batetik ematen diogu jarduerarik hasiera. Bertara iristeko, Lagrandik Urizaharraruntrz doan bidetik lehen bidegurutzea ezkerreruntz hartu beharko dugu. Bide hau harturik, zuzen joan behar dugu Palomares-eko mendizerraruntz, gure hasiera puntua aurkitu arte.

Behin oinez, Palomares inguratzen hasten gara eskuineruntz. Pista bat jarraituz, ordu t’erdian Errezilla (1.381 m.) mendira iristen gara. Hemendik garbi ikusten da Palomares mendira doan ertzi fina. Hasierako begiratuan, atzera botatzen du. Soka atera, kaskoa jarri eta arnesa jazten dugu.

Ertz progresioa jeisten hasten dugu. Berehala topatzen dugu lehen zuloa eta ipar aurpegitik inguratu beharrean aurkitzen gara. Uste baino gehiago jetsi eta, berriz, goruntz ekin behar diogu Errezillaren bretxara iristeko.

Jarraian datorrena 10 metroko tximinia bat da (III). Gora iritsi ondoren, oinez jarraitzen dugu. Hemendik aurrera gehien aurkituko duguna oinez pasako ditugun ertz fin eta aereoak dira. Hori bai, zailtasun tekniko haundirik gabe. Berehala iritsiko gara Palomaresen mendebaldeko tontorrera.

Jarraian ertzeko zatirik politenarekin aurkituko gara (1. luzea). Oposizioan ekingo diogun tximinia bat pasa (III+) eta, ondoren, mugimendu arraro batetin gainditu beharko dugu hurrengo pausua (III+). Eskuak ertzean jarri eta oinak azpiko bretxa batean kokatuko ditugu. Metro batzuk aurrerago, ertz estura igoko gara eta pare bat metrotan, berriz eskuak erabili ahalko ditugun hormara iritsiko gara.

Palomaresen erdiko tontorrera iritsi ondoren, jeisten hasiko gara berriz. Zentimetro gutxi batzuk dituen ertz batera iritsiko gara. Metro gutxi badira ere, soka jartzea erabakitzen dugu, pausuak zerbait ikaratzen baitu. Hemedik aurrera, ia ertzi guztia estua eta oso aereoa da, noizbehinka lasaiguneren bat aurkitzen badugu ere. Azkenean, 10 metroko rapel batera iritsiko gara (ekipatua).

Amaiera gerturatzen ari da. Hemendik ensanblean jarraitzen dugu hormaren hegoaldetik, Bavaresan pasako dugun zatiren bat barne (III). Beste bretxa batera iritsiko gara. Honen parean dago ertz guztian zailtasun gehien duen monolitoa. Zuzenean hasten gara igotzen (3. luzea) eta berehala ohartzen gara pare bat iltze dituela igoera babesteko. Berriz ertzera igo ondoren, azken bretxa batera iristen gara, non bilera bat egiten dugun. Azken luze bat egiten dugu helduleku onak dituen horma bat igotzeko (IV) eta tontorrean amaitzen dugu.

Tontorra egitean, jende gehiagorekin aurkitzen gara. Gure leku berdinean uzten da kotxea tontorra bide normaletik igotzeko. Hala eta guztiz ere, azken malda igotzeko eskuekin igo beharreko pausu bat du (II), eta batzuk tontor azpian geratzea erabakitzen dute, honelako pausu aereoak igotzera ohituta ez daudelako.

Jetsiera ordu exkaxean egiten dugu. Goiz perfektua hain gertu eta, aldi berean, hain ezezagunak ditudan mendi eta lurrak ezagutzeko.

Datu teknikoak

  • Ibilbidea: Palomares Ertza
  • Luzera:940 m.
  • Desnibela:675 m.
  • Kokapena:Euskal Herria
  • Kategoria : Ertza
  • Zailtasuna:AD
  • Harri eskaladaren zailtasuna:IV
  • Ibilbide zirkularra:Bai
  • Hasiera puntuan amaitzen da:Bai
  • Iristeko denbora:1h 30m
  • Nola iritsi:Lagrandik Urizaharraruntrz doan bidetik lehen bidegurutzea ezkerreruntz hartu beharko dugu.
  • Igotzeko denbora:3h
  • Jeisteko denbora:1h
  • Ezaugarriak:Ertz luzea bezain erraza. Oso aereoa eta harri onarekin.
  • Materiala:Kaskoa, arnesa, 30 m.-ko soka, friend eta fisurerores bat, zintak eta espresak.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.