Peyreget - 2.483 m

Capra Alpina(e)k idatzia.
1596
bisita

Peyreget mendia , inongo dudarik gabe, Midi d´Ossau-ren behatoki hoberenetakoa dugu. Bere  igoera, erraza eta lasaia suertatzen da. Txangozaleen artean oso ere irrikagarri gertatu oi da, Midira igotzerik ez eta bertatik dauden  ikuskizun paregabeekin konformatu behar. Txangorako aukeratu dugun ibilbidea Soques txabolaren aparkaleku inguruan hasten da, Pombie aterpetxetik pasa eta Peyreget atakatik tontor zorrotzera igo.

Ibilbidea Gave de Brousse errekaren parez pare hasten dugu. Minutu batzuek geroago, eskuinera bira egin eta igotzen hasi gara, ondo markatutako xenda batetik, pagadi zoragarri batera eramaten gaituelarik. Esan beharra dugu, bertan aurkitutako gibelurdinak oso onak zeuden.

Pombie eta Arremoulit aterpetxeak lotzen dituen HRP bidetik goaz. Gutxika bada ere altuera irabazten goaz eta bat batean pagaditik ateratzen gara egurrezko zubi baten inguruan. Bertatik uharra zeharkatu eta eskuinaldetik jarraitzen dugu. Bertatik Peyreget tontorra ikusteko lehen aukera izan dugu, oraindik oso urrun ikusten badugu ere. 

HRP-tik igotzen jarraitzen dugu, Pacheaux txaboletara iristen garelarik. Bertatik Midi d´Ossasu-ren ikuskizun harrigarriaz gozatzeko aukera paregabea dugu. 

Aterpetxea ere ikusten dugu, urrunean puntu txiki bat bada ere. Azken malda belartsu batek, ezinbestean sigi-saga ugariz gainditu behar dugunak, Pombie aterpetxearen (2.031 m) atarian uzten gaitu.

Atseden une bat hartzen dugu eta baliatu jan eta edan egiteko. Gure oinpean Pombie lakua, Peyreget (2.483 m) tontorra ezkerrera, Midi d´Ossau (2.885 m) berriz eskuinera eta aurrez aurre Peyreget ataka (2.300 m), Midi d´Ossau zeharkaldi ikusgarria egin genuenean igarotakoa.

Eskuinera Souzon lepora doan bidea utziz, lakua zeharkatzen dugu atakara igotzeko xenda hartuz. Igotzen goazen heinean, Peyreget lakuak atzean uzten ditugu, txikiak baina oso ederrak.

Azken aldapak gogorrak egiten zaizkigu. Behin atakan, Petit Pic (2.807 m) ertza hasten den lekuan, bidexka erraz batek malda malkartsu batetik eramaten gaitu. 

Peyreget gailurrean (2.483 m)uzten gaituelarik.  Behatoki ikusgarria, bertatik ikus ditzakegu Nafar Pirineoko gailurrak (Anie, Hiru Erregeen Mahaia), Huescako zenbait mendi ere (Petrechema, Atxerito, Bisaurin, Aspe, …), zein gertu ditugunak ere(Palas, Balaitus, Infiernos, Garmo Negro, …).

Lainoa dela eta Midiko bi tontorrak ikusteko aukerarik ez dugu, ikusten dugun ertzaren zatiak zirrara sortzen badigu ere.ra.

Itzulera bide berdinetik egiten dugu.

Datu teknikoak

  • Ibilbidea: Peyreget Soques txabolaren aparkalekutik
  • Desnibela:962 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:3:00 h
  • Nola iritsi:Soques (FR) aparkalekuaren ingurutik
  • Igotzeko denbora:5:10 h
  • Jeisteko denbora:2:10 h
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.