Capra Alpina(e)k idatzia.
2056
bisita

Pirineoetako bide klasiko bat da, ez du zailtasun tekniko haundirik, beti ere elurra eta izotzaren baldintzen menpe. Korridorera heltzeko bide ezberdinak dauzkagu, Formigaletik, Canal Roya edo Izas-eko kanalatik. Azken biak, gogorragoak dira egindako distantzia luzeagoa delako. Guk oraingoan Izas-eko bidea zeharkatzea aukeratu dugu.

Iluntasuna edo bide ez zegoelako egoki seinalizatuta uste baina geihago kosta zitzaigun kanalako sarrera aurkitzea. Canfranc Estacion ondoren eskubitara dagoen bidegurutze batean aurkitu dezakegu sarrera. Zubitxoa gurutzatu eta erreka ondotik doan pista jarraituz barneratuko gara Izas-eko Kanalean.

Kanala gurutzatuz goazen bitartean iguratzen gaituzten mendien haunditasunarekin gozatzen goaz. Joaneko bidaia oso erosoa egiten zaigu, ez baidakigu elurra ze balditzetan aurkituko dugun eta korridorea igotzeko gai izango garen. Kanalaren amaiera aldean hasten gara elurra zapaltzen eta uste baina egoera hobean dago.

Bi ordu oinez ibili ondoren Escarrako oinarrira heltzen gara. Hemendik korridorea bere osotasunean ederki ikus dezakegu.

Kranpoiak jantzi eta igotzeko prestatzen gara.

Tenperatura igotzen doa eta ahal dugun azkarren igo beharra daukagu. Ez dauka inongo paso teknikorik. 45º-ko malda bat da, puntu batzuetan 50-55º-tara igotzen delarik bere penditzea. Azken bi metroak kasik bertilakak daude, haizearen eraginez, baina elurra biguna dago eta eskilara polit batzuk egiten ditugu igotzeko. Orubete inguru pasatzen dugu hau igotzen.

Tontorrerantz jarraituko dugu elurrezko pala haundia zeharkatuz. Pasa ondoren irtenune (III) batzukin topatuko gara, ez dute elurrik. Kordino batzuk daude bilgunea egiteko. Kranpoiak kendu eta bertan uztea erabakitzen dugu denborarik ez galtzeko jasotzen.

Bigarren irtenunea (II) pasatu ondoren eta 4 bat metro igotakoan, gure bizkarrean bilgunea egiteko beste kordino eta parabolt batzuk dauzkagu.

Ipar aurpegi guztia elurrez estalia dago!! eta gu, kranpoirik gabe....

Aseguratu eta eskalatzen igotzen hasten gara harrokatik. Eskubitara amildegia dago. Haserako 20 metroak nahikoa errezak dira (II-III). Ondoren, plaka bertikal bat daukagu. Bertan zulo bat dago eta hortik igo daiteke (IV). Igo ondoren bigarren bilgunea egiteko tokia dugu. Aurreko bilgunetik 30 metro daude, gogoratu amaieran rapelatzen jetsi nahi baduzue.

Azken bilgunetik tontorrera bide errezetik (II) igotzen da.

Hemendik beti bezala bista izugarriak dauzkagu.

Datu teknikoak

  • Ibilbidea: Punta Eskarra Punta Eskarrako Ipar korridorea
  • Desnibela:1.311 m.
  • Kokapena:Pirinioak
  • Kategoriak : Eskalada klasikoa, Ipar aurpegia, Korridorea
  • Zailtasuna:PD
  • Harri eskaladaren zailtasuna:IV
  • Korridorearen graduazioa:55º
  • Hasiera puntuan amaitzen da:Bai
  • Iristeko denbora:3 ordu
  • Nola iritsi:Izasgo kanaletik
  • Igotzeko denbora:2 ordu
  • Jeisteko denbora:3 ordu
  • Ezaugarriak:Bide klasikoa
  • Materiala:Kranpoiak, pioletak, arnesa, 60 m-ko soka, kaskoa
  • Garaia: Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.