Hiru haundiak

Capra Alpina(e)k idatzia.
1353
bisita

Euskal Herriko ibilbide luzeen aitzindari. Hiru haundiak XIX edizioa, 100 km, 5.075 mD+ eta 1.725 parte hartzaile. Zenbaki handi bezain beldurgarriak jendea asko kikiltzen ez bada ere. Aurten beste behin, hainbat eta hainbat izan dira parte hartzeko aukerarik gabe geratu direnak.

Hitzordua Araia herrian genuen dortsala jaso ahal izateko eta ondoren, antolakuntzak espresuki jarri zituen autobusez Ondategira gerturatu ziguten, irteera bertan bai zegoen.

A zer nolako jendetza, gabeko hamabietarako asko falta ez bazen ere, eguerdiko hamabiak ziruditen. Irteera ordua gerturatzen ari zen eta honekin batera urduritasuna ere. Bat batean lasterketa hasi zen. Inbutua bailitzan irteera gunetik pasa beharrean ginen, soinean genuen txipa aktibatu zedin. Lasterketa irabazteko asmoarekin irten zirenak ziztu bizian ekin zioten, gutako askok irtetea lortu aurretik.

Lehenengo oztopo nagusira gerturatu ginen, Gorbeiako maldetan gora gindoazen. A zer nolako ikuskizuna genuen, gau ilunean argiak suge distiratsu baten itsura zuten. Gorbeiako gurutzerik ikusi ez arren bertan ginen, jendearen zarata eta animo oihuak tarteko. Jaitsiera azkar batek Ubidera eraman gintuen eta ondoren Otxandiora. Lehen 30 km eginak genituen eta indarrak berreskuratzeko ordua iritsi zen.

Urkiolako Santutegira bideratu genituen gure pausoak, eguneko bigarren oztopo nagusiaren bila, Anboto gaina hain zuzen ere. Azken malda tenteak, gora eta behera zebiltzanen nahasketa ekarri zuen, bideak hainbat momentutan bat egiten bai zuen. Arnas estuka eta asko kostata ailegatu ginen. Egia esan esfortzuak merezi izan zuen, bertatik genuen ikuskizuna aparta bai zen. Durangaldeako lurrak lainoak estaliak zituen itsasoa bailitzan eta eguna orduan argitzen hasi zenez, lehen eguzki printzak distira berezia ematen zioten.

Orixol gailurreko kontrola pasa ostean, Kurtzetako portutik barrena Landara abiatu ginen. Jendetza aparta zegoen bertan eta animo oihuak, zein txaloak ez zitzaizkigun falta izan. Eskergarria benetan. Anoa postuan indarrak berreskuratzeari ekin genion. Dagoeneko 60 km. Eginak genituen.

Elgea mendi zerrara abiatu ginen, bertan dagoen parke eolikoa zeharkatu asmoz. Hau korrikalari guziek errespetu handiz begiratzen dugun tartea izan oi da. Gora behera bukaezinak ditu eta luze bezain gogor egiten da.

Halako batetan, ez guri gustatu bezain azkar, Urbiako zelaietara iritsi ginen. Arbelarko txaboletan zegoen azken anoa postuan zerbait jan eta eguneko azken oztopo nagusira igotzen hasi ginen. 90 km hanketan eramanagatik, Aizkorriko tontorrera iristea uste baina gutxiago kosta zitzaigun. Azken jaitsiera luze eta azkar batek Araiako helmugara eraman gintuen. Ez ginen azken arrastoa zeharkatzen lehenak izan, baina bertan zegoen jendeak txaloz eskertu ziguten eginiko ahalegina.

Txapeldunak Javi Dominguez eta Silvia Trigueros izan baziren ere, bukatzerik izan genuen edonork garailetzat genuen gure burua. Ez da egunero honelako lasterketa bat bukatzeko aukera izaten eta bai, guk bukatzeko aukera izan genuen. Esker bereziak Marijo eta Enarari.

 

Datu teknikoak

  • Ibilbidea: Hiru haundiak
  • Luzera:100.350 m.
  • Desnibela:5.126 m.
  • Kokapena:Euskal Herria
  • Kategoria : Ultra-traila
  • Leihaketa:Bai
  • Gehieneko denbora:24:00 h
  • Webgunea:www. manueliradier.com
  • Nola iritsi:Ondategitik (Araba)
  • Igotzeko denbora:17:31 h
  • Ezaugarriak:24:00 h gehienez ere lasterketa bukatu ahal izateko.
  • Materiala:Behar beharrezkoa izango da litro bat edari, janaria, argi frontala, anoraka, motxila eta telefono mugikorra.
  • Garaia: Uda
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.