Estriviella - 2.048 m.

Capra Alpina(e)k idatzia.
2026
bisita

Estriviella Zuriza eta Hecho haranen mugan dagoen mendi apal bat dugu, Rincón de Alano horma ikusgarriaren itzalpean. Pasabide naturala Huescako bi ibar hauen arten  eta derrigorrezko ibilbidea GR11 egin ahal izateko. Uda garaian tontor xume, berde eta borobildu hau, sarrio eta ardien larre, neguan, trabeskako eski eta erraketen zale izan oi da.

Zuriza ibarrera (Huesca) gerturatu gara, dotorea benetan eta elurrarekin, guztiz ikusgarria. Ezin bestean, kotxea Zurizako kanpina doan bidean utzi beharrean gara.Tatxerastik banatzen gaituzten hiru kilometroak, normalki kotxez egiten baditugu ere, oinez egin beharrean gara, elurrak osotasunean estaliak bai ditu. Erraketak jantzi eta or goaz. 

Petraficha ibaia zeharkatu bezain laster (1.335 m), pagadian zehar aldapa iraunkor batek ardi txaboletara eramaten gaitu, 1:40 h. Oraingoan ardirik ez dago, elurrak dena estalia bai du.

Achar de Alano norabidean jarraitzen dugu, Estriviellako oiko bidea ezkerrera utziz. Aldapa tentea igotzen hasi gara Tatxeras pasabiderantz, baina bertatik gertu ezkerrera biratu eta Faja de Mazandura bideratzen gara, bertatik jarraitzeko asmoa bai dugu, 1:55 h. Eguna argia eta eguzkitsu dago, baina haizea indarrean dabil eta izotz kristal txikiak guregana bideratzen ditu, babestera behartuz egiten duen bakoitzean. 

Mazandu maldan zeharkaldia, elurrik gabe oso zail gertatzen dena, erraz eta erosoa iruditzen zaigu; elurra egoera ezin hobean aurkitzen bai da. Alano mendi zerrako kanalen ikuskizunak zirrara sortzen digu. Gutxika bada ere altuera irabazten goaz, oiko bidean jende asko ikusten dugu, batez ere trabeskako eskien maitaleak.  

Gure ezkerrera zeharkaldia hasi dugu, Mazandu maldetatik urrundu asmoz, azken berrehun metroak oiko bidetik igo ahal izateko. Haizeak bakoitzean indar handiagoz astintzen digu eta tarteka, bertikaltasuna galdu arazi ere, 2:55 h.

Gailurra egin duten eskiatzaileek beheranzko bidea hartu dute eta inbidiaz begiratzen ditugu. Elurraren baldintzak ezin hobeak dira eta gozatua segurtatua dute. Bakoitzean gutxiago falta zaigu, baina badirudi  inoiz ez dela bukatzen.

Aldapa etzaten hasi da eta gailurra gertu dagoen susmoa dugu. Gainera, zerumugan inguruko mendiak agertzen hasiak dira, Agüerri, Bisaurin, Acher gaztelua, Lenito….

Azkenik Esdtriviella (2.048 m) gailur leun eta borobildura iritsi gara, 4:05 h. Edozein lekutara  begiratzen badugu ere ikuskizuna harrigarria da. A zer nolako zortea dugun hemen egotearekin. Elurrak zerumugan egiten duen arrastoak ez du mugarik eta badirudi, pirineoak ez dutela bukaerarik.

Rincon de Alano (2.357 m) horma zirraragarriaren oinpean aurkitzen gara, 309 m gure buruen gainetik dotore azaltzen dena.

Minutu batzuek paisaiez gozatu ostean, jaisten hasteko ordua iritsi zaigu. Elurretan oso nabarmenak diren arrastoak jarraituz, oiko bideak artzain txaboletara eramaten gaitu. Pagadia zeharkatu eta pista jarraitzen dugu Zurizako kanpinera iritsi arte, 5:30 h.

 

Datu teknikoak

  • Ibilbidea: Achar de Alano Tatxerasetik
  • Igoera data:09/03/2014
  • Desnibela:789 m.
  • Kokapena:Pirinioak
  • Kategoria : Oinezko igoera
  • Zailtasuna:F
  • Harri eskaladaren zailtasuna:I+
  • Hasiera puntuan amaitzen da:Bai
  • Iristeko denbora:4:05 h
  • Nola iritsi:Tachera aparkalekutik. 3,5 km. Zurizako Kanpinetik.
  • Igotzeko denbora:5:30 h
  • Jeisteko denbora:1:25 h
  • Materiala:Makilak ongi etorriko zaizkigu.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Estriviella Tatxeras eta Mazandu daldetatik
  • Igoera data:09/03/2014
  • Kokapena:Pirinioak
  • Kategoriak : Erraketak, Oinezko igoera
  • Zailtasuna:F
  • Hasiera puntuan amaitzen da:Bai
  • Iristeko denbora:4:05 h
  • Nola iritsi:Zurizako kanpinetik (Huesca)
  • Igotzeko denbora:5:30 h
  • Jeisteko denbora:1:25 h
  • Ezaugarriak:Ibilbide erraz bezain ikusgarria
  • Materiala:Raketa eta makilak
  • Egoera:Elur gogorra
  • Garaia: Negua
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.