Maribel korridorea

Capra Alpina(e)k idatzia.
3058
bisita

Korridore ikaragarria gaurkoan egindakoa. Egia esan guk uste baino zailagoa, eta benetan nibel haundiko korridorea. Harria, izotza, mixto zatiak... denetik dauka kanal honek. Orain arte egindako korridoreekin ez dauka zer ikusirik Marbielek, egia esan maila bat gorago joan gara oraingoan. Oztopo bakoitzean topera saiatu behar izan gara bertatik atera ahal izateko, baina esperientzia bikaina izan da.

Kotxetik irtetean argitu ez bazuen ere, korridore sarrerara uste baino beranduago heldu ginen.

Aproximazioa oso ondo ezagutzen genuen, 3 aste lehenago Gran Diagonala egin baikenuen. Azken asteko eguraldi ona aprobetxatuz, elurra bikain transformatuta zegoen.

Beheko argazkiko eskuineko kanala, Y deritzona da, jeixteko erabiliko duguna. Gaurkoan ezkerrekotik joatea tokatzen da, bertan hasten baita Maribel korridorea.

Gure aurretik 4 edo 5 kordada zioazen. Honek konfiantza ematen zigun, korridorea igotzeko kondizioetan egongo baitzen.

Krokis hau da korridorea deskribitzeko aurkitu dugun honena. Esan beharra dago krokisa korriodera igo ostean aurkitu gula, aurretik aurkituz gero ez dakit sartuko ginatekeen! Beratko 7 luzeak nahikoa dira korridoretik irteteko, nahiz eta guk baten bat gehiago egin genuen, ez ezagutzeagatik.

2 laguneko 2 kordada ginen, eta bertan zegoen lana ikusita 4 ko kordada bihurtu ginen, nahikoa baitzen batek hartzea harriskurik haundienak igoeran.

Hasierako zailtasuna urjauzi izoztu bat da. Honek ere lanak eman zizkigun, eta korridorearen haunditasunez bertan ohartu ginen. Pausirik zailena berau izango zela pentsatu genuen, baina konfundituta geunden.

 

4ko kordada izanda, oso motel joan ginen, eta une batzutan sortutako jaleoak benetan penagarriak izan ziren.

Huste baino askoz ere ozotopo gehiago zeuden, eta topatzen genuen bakoitza aurrekoa baino zailagoa zen normalean.

Une askotan posturak akrobatikoak ziren. Batek dotore egiten zuena, hurrengoak arrastaka eta ahal zuen bezala pasatzen zuen. Hori bai, forma fisiko ona eskatzen du korridore onek.

Azkenean, korridorean ordu mordo bat pasa eta gero, lortu genuen korridoretik irtetea. Hor etorri ziren besarkadak eta pozak. Maribel amaitu genuen, benetan korridore zaila eta gure ahalmen guztiak frogan jarri zituena. Inoiz ahaztuko ez dugun korridorea.

Jetxiera Y-ko kanaletik egin genuen. Rapelatzeko prestatua dago, eta 60m-ko bi sokekin erraz jeixten da.

Datu teknikoak

  • Ibilbidea: Peña Telera Maribel korridorea
  • Igoera data:15/03/2014
  • Kokapena:Pirinioak
  • Kategoriak : Izotz eskalada, Korridorea, Kranpoiak, Mixtoa
  • Zailtasuna:MD-
  • Harri eskaladaren zailtasuna:V
  • Korridorearen graduazioa:70º
  • Izotz eskaladaren zailtasuna:WI3
  • Hasiera puntuan amaitzen da:Bai
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.