Aluzinanate korridorea

Capra Alpina(e)k idatzia.
4134
bisita

Denbora asko generaman Picos de Europa mendikatera etorri nahian, eta azkenean Pirineoetan eguraldi kaxkarra dagoela aprobetxatuz, bertara etorri gara. Egia esan ez genituen asko ezagutzen, eta asteburu honetako jarduerak bertara itzultzeko gogoak jarri dizkigu, mendi dotoreak baitira.

Larunbat eguerdian heldu ginen Potesera, eta erabat galduta sentitzen ginen, ez baikenekien zer egin. Denetariko materiala eraman arren, azkenik dendarik ez hartzea erabaki genuen, eta zakua motxilan sartuz, Fuente De ko teleferikoan igo ginen, zer aurkituko genuen ondo jakin gabe.

Ikusten genituen mendizale apurrei galdetuz, veronika aterpetxeko zaindaria igoa zela jakin genuen. Beraz askoz gehiago jakin gabe bertaratu ginen, lo egiteko asmoz.

Raketen laguntzaz 2 ordutan iristen gara aterpetxera. Bertan dago Carlos zaindaria (619 618175), eta baita beste 6 mendizale ere. Hoien artean bi euskaldun daude, eta haiek gomendatu ziguten Aluzinante kanala. Iganderako plana bagenuen beraz.

7:30ak inguruan jeki ostean, gosaldu eta teleferiko aldera abiatu gara, norantza horretan baitago kanalaren hasera.

Ordubete baino gutxiagoan kanalean gora goaz. Haseran oso zabala den arren, pixkanaka pixkanaka estutuz doa.

Behetik kanalaren irteera ez da ikusten, hala ere galbiderik ez dago kanalean bertan. Elur biguina dago, eta asko kostatzen da bidea irekitzea.

45edo 50ºko malda dago, nahiz eta leku puntualen batean 60º ra ere iritxiko den. Hala ere teknikoki ez dugu zailtasun aurkitzen, elur asko baitago.

Kanalaren hasieratik ordubetera lepora iritsi gara. beratik dagoeneko ikusten dira Peña Viejako tontorra eta baita naranjo ezaguna ere.

Lepotik 30 minutuan heldu gara Peña Vieja tontorrera. Azken zatian izotz eta harri asko dago, eta kanala bera baino harriskutsuago dago.


Bueltako bidean Canalonako lepotik igaro gara, eta bertatik jetxi gara berriz teleferikora.

Teleferikoko kafetegia irekita dago, eta plato konbinatu eder baztuk jateko aprobetxatu dugu. Ohiturak galdu gabe!

Aluzinante korridorea erreza da, elurrak laguntzen badu behintzat. Peña Viejara igotzeko modu dotorea oso. Bestetik, esan Picos de europa mendikatea gehiago ezagutzeko aukera eman digula asteburu honek, eta benetan gustatu zaizkigu. Dudarik gabe berriz itzultzeko modukoak!

Datu teknikoak

  • Ibilbidea: Peña Vieja Alucinante kanala
  • Igoera data:16-02-14
  • Kokapena:Europako mendiak
  • Kategoriak : Korridorea, Kranpoiak
  • Zailtasuna:AD
  • Hasiera puntuan amaitzen da:Bai
  • Iristeko denbora:3:00 h
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.