Aiztondo - Hego Klasika (V+)

Capra Alpina(e)k idatzia.
4423
bisita

Aiztondo eskalada eskolara gerturatu gara, Uharte Arakil herrira, oso ezaguna den bide bat eskalatu asmoz. Aiztondo hego aurpegia, kareharri horma bertikala, helduleku ugariekin eta parabolt eta kimikoz FNDME-k bikain ekipatua duenak, IVº eta VIº bitarteko zailtasuna duten bideak eskalatzeko aukera ematen digu. Guk aukeratu dugun bidea Hego Klasikoa da, lau luzez osatua eta 115 m. inguruko luzera.

Horma oinpera iritsi ahal izateko Uharte Arakil herria zeharkatu behar dugu, Aralarko San Miguel santutegira doan bidea jarraituz. Herritik atera, zubia zeharkatu, bertan aisialdi une bat aurkitzen delarik, segituan aparkalekua adierazten duen kartela ikusten dugu, gure ezkerrera dagoen borda baten inguruan, autoa bertan uzten dugularik. 5/10 minutu barru hormara iristen gara. Zabalik dauden bide ugariek kezka sortzen dizkigute, baina azkar batetan bereizten dugu guk aukeratua eta igotzen hasteko prestatzen gara. 

L1 (4b-30m) 10 parabolt

Nahiz eta dudak izan nondik hasi behar dugun erabakitzeko unean, berehala ohartzen gara hasiera zein den: plaka batek ematen dio hasiera adar eta landare gune baten ondotik pasa arte; bigarren plaka batek ematen dio jarraipena bilkuneraino.

Lehen plaka erraza da, berotzeko primeran etortzen da. Hala ere, hotzaren erruz (3º), kosta egiten zaigu azkar igotzea. Pixkanaka adarren ondora iristen gara eta hemen hasten dira lehen dudak. Ez dakigu hartu dugun bidea zuzena den, krokisetan ezkerreruntz zijoala baitzirudien. Zuzen jarraitzen dugu bigarren plakatik gora, ez baitago beste aukerarik. Plaka honek duen bretxaren ezkerretik igotzen gara, berarekiko paralelo igoz. Zati hau konplikatzen hasten zaigu, oraindik ondo berotu gabe egongo garelako. Edo hori pentsatu nahi dugu behintzat…

 

L2 (5a-30m) 9 parabolt

Bigarren luzetik aurrera bidea argitzen hasten da. Puntu honetan hiru aukera daude: Lehena, ezkerreruntz joatea, hauxe delarik gure bidea; beste biek zuzen goruntz eta eskuinerantz jotzen dute ondoz ondo.

Hasiera, hala ere, hiru bideentzat berdina da. Diedro txiki bat igo behar da. Hauxe da luzeko zatirik zailena. Diedroaren hormetan ondo heldu eta ondo atera daiteke. Hemendik gora ezkerrerantz hartzen dugu, lehen esan dugun moduan. Zailtasuna asko jeisten da diagonalean goatzen bitartean. Zuhaitz bat pasa ondoren, plaka bat zeharkatu behar dugula konturatzen gara, baina bretxa batek mozten du plaka hau aldenik alde. Hankak non jarri leku asko ez egon arren, eskuak primeran sartzen dira zulo hontan. Azkenik, bilkune eroso batera iristen gara.

 

L3 (5a-25m) 7 parabolt

Hasteko, pausu bat beherantz eman behar helduleku bat ondo heltzeko. Behin ezkerrera pare bat metro egin ondoren, errez igotzen da gorantz. Zailtasun gutxiko igoera baten aurrean gaude, 20 metro egin arte. Justu azken zatian, diedro txiki bat igo behar da. Hala ere, esan beharra dago, luzerik errazena iruditu zaigu.

L4 (5c-30m) 7 parabolt

Hau da zailtasuna ematen dion luzea. Hasiera oso bertikal hasten da. Behin bigarren paraboltera iristen garenean, bertikaltasuna asko jeisten da eta plaka erdi etzan batean bihurtzen da. Hala ere, kontran, heldulekuak gutxitzen dira eta paraboltak bata besteariko zertxobait urrutitzen dira.

Azkenik, desplome batera iristen gara. Hauxe da zati zailena. Hala ere, oso ondo txapatuta dago. Lehena, desplomearen azpiko plakan. Bigarrena, desplome erdian. Indarrez, desplometik burua goruntz ateratzea lortzen badugu, hortxe aurkituko dugu azken parabolta. Esan bezala, indarrez, gailentzea lortzen dugu.

 

Jaisteko bi aukera ditugu. Bata oinez atzeko aldetik egin genezake, 15/20 minutu barru kotxean izango ginateke. Bestea rapelatzen jaistea izango litzateke.

 

 

 

 

Datu teknikoak

  • Ibilbidea: Aiztondo Hego klasikoa
  • Desnibela:120 m.
  • Kokapena:Euskal Herria
  • Kategoriak : Eskalada klasikoa, Kirol eskalada
  • Zailtasuna:D+
  • Harri eskaladaren zailtasuna:V+
  • Eskalada artifizialaren zailtasuna:A0
  • Luze kopurua:4
  • Hasiera puntuan amaitzen da:Bai
  • Iristeko denbora:2:15 h
  • Nola iritsi:Uharte Arakiletik NA-2410 errepidea hartu Irañetaruntz. Udaletxeak eskalatzaileentzako ahalbidetu duen aparkalekuan utzi kotxea.
  • Igotzeko denbora:2:35 h
  • Jeisteko denbora:0:20 h
  • Ezaugarriak:Harri ona eta ondo ekipatua paraboltez.
  • Materiala:Arnesa, kaskoa, katu hankak, 12 bat express, bileretako zintak, reberso bat eta 60ko bi soka.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.