Muganix (Aiako Harriak) IV+

Capra Alpina(e)k idatzia.
2196
bisita

Aiako Harrietara gerturatu gara bertako eskalada eskolan goiza pasatu asmoz. Badirudi ez dugula egunik aproposena aukeratu, lainoak mendia estaltzen bai du. Aiako Harriak Gipuzkoako edozein mendiekin alderatuz ezberdintasun nabaria dute, hain zuzen, granitozkoak dira gainontzeko guztiak kareharrizkoak direlarik. Honen zergatia bere sorreran bilatu beharko genuke, itxuraz, solidotutako magma aireratu zenean higaduraren ondorioz. Aiako Harriak Eskalatzaileentzako leku paregabea osatzen dute. Bertako granitoak helduleku soil, borobildu eta itsaspen onekoak  eskaintzen dizkigu.

Hitzordua Elurretxe lepoko aparkalekuan (485 m) dugu eta bertatik abiatuko gara. Aurrez eskaladako beharreko tresnak aukeratu ditugu, beti bezala badaezpada hau eta ori gehituz, eta or goaz. Eskuinetik ateratzen den pista batek, ehun bat metro aurrerago ezkerrera jarraitzen du, gorri, zuri eta horiz margotua dago. Gorantz jarraitzen dugu eta lauagoa den tarte batera iritsi, bertatik Muganix kontrahorma osoa ikus beharko genuke, baina  lainoa oztopo dugu.

Bideak pagadi batetik behera jarraitzen du, Muganix oinpetik zeharkatzen duen xenda iritsiz, egur olez itxia dago, seguruenik abereak ez dezaten zeharkatu. Gorantz segi eta kontrahorma azpira ailegatuko gara eta berau inguratuz, paretan aurkituko ditugu lehen txapak. Egia esan eguraldi txarra dela eta erdi galdurik ibili gara, baina gu ere iritsi gara.

L1 (IV, 25m):  

Bi aukera ditugu, Erlaitz I eta Erlaitz II. Ezkerreko txapetatik igotzea erabakitzen dugu. Desplome txiki bat ikusten dugu, baina bidea desplomearen eskuinetik hasten dela dirudi. Ondoren, metro batzuk igo eta gero, ezkerrera hartzen du desplomea gainditzeko. Pausu hau da luzeko zati zailena. Azkenik, plaka zertxobait etzaten da. Helduleku on eta itsaspen handiko arroka. 

L2 (IV-, 25m):

Plaka nahiko leun batetik igotzen hasten gara, seguruak lehenbiziko luzean baina tarte handiagoz daudelarik, belar-gune batetik igoz eta ondoren eskuinera hartuz. Plaka honetan dago igoera honetako zailtasunik handiena. Gero, errez amaitzen dugu luzea.

L3 (V, 25m; berezko bidea, III):

Erlaitz I eta II-ko berezko bideak III-ko luze batetik jarraitzen dute, parean aurkituko dugun hormaren ezkerretik. Guk, aldiz, eskuinetik jarraituko dugu eta beste bide batetik sartuko gara, gure ustez V zailtasunekoa delarik. Plaka bertikal bat da, hasieran helduleku gutxi dituelarik.

Pare bat parabolt ondo kokatuak aurkituko ditugu, baina zati hau pasa ondoren, zinta zahar bat ikusiko dugu aseguratzeko. Hemendik gora, desplome txiki bat izango dugu aurretik, luzeari zailtasuna honek ematen diolarik. Heldulekuak ez dira ugariak, baina pausuak ondo pentsatuz, ondo igo daiteke. Pausua gainditu eta berehala ikusiko dugu hurrengo parabolta. Hemendik gora, plaka etzan eta dena asko errazten da. 

Eskalada bukatu da, arnesa eta soka gordetzeko ordua iritsi ere. Ondoren Muganix (786 m) tontorrera jarraitzen dugu eta eguraldiak laguntzen ez digunez, beherako bidea hartu dugu oiko bidetik jaitsiz. 

 

Datu teknikoak

  • Ibilbidea: Erroibide Elurretxe lepotik
  • Igoera data:31/08/2013
  • Kokapena:Euskal Herria
  • Kategoria : Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:3:45 h
  • Nola iritsi:Elurretxe lepotik (485 m) Oiartzun eta Irun artean.
  • Igotzeko denbora:5:00 h
  • Jeisteko denbora:0:45 h
  • Ezaugarriak:Bide eroso batetik, naiz destreperen bat egon eskuak erabiltzea behartzen diguna.
  • Materiala:Makilak
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Muganix Elurretxe lepotik
  • Igoera data:31/08/2013
  • Kokapena:Euskal Herria
  • Kategoria : Kirol eskalada
  • Zailtasuna:AD+
  • Harri eskaladaren zailtasuna:V
  • Luze kopurua:3
  • Hasiera puntuan amaitzen da:Bai
  • Iristeko denbora:3:45 h
  • Nola iritsi:Elurretxe lepotik (485 m) Irun eta Oiartzun erdi bidean.
  • Igotzeko denbora:5:00 h
  • Jeisteko denbora:0:45 h
  • Ezaugarriak:Bide motzak baina paregabeak lehenbiziko bezala luze batzuek dituzten ibilbideetan ikasten joateko.
  • Materiala:60 m soka, arnesa, kaskoa, 8 express eta 2 zinta
  • Egoera:Granitoa, heldu leku ugari eta borobildu zein itsaspen handia eskaintzen dutenak.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.