Anayet neguan

Capra Alpina(e)k idatzia.
6470
bisita

Azken egunetako elurteak aprobetxatuz, aspalditik egin nahi genuen ibilaldia antolatu dugu. Eskiekin Anayeteko tontorrera saiakera. Txikitan bizitako oroitzapenak gogoratu nahian ekin diogu, baina ahaztuta dauzkagu iada katearen pasartea eta tontorrerako azken kanala. Gainera elur berriarekin ez dakigu zer aurkituko dugun, erronka polita benetan.

Goizeko 9ak aldera abiatu gara Formigaleko Anayet parkinetik gora. Culibillas haranean sartzen gara berehala, eta bertatik  pare bat orduan Anayeteko lakuetara heldu gara.

Bertatik dotore ikusten da totorra. Elur asko ikusten da eta badakigu zail izango dugula tontorrera heltzea. Anayeteko lakuetatik gora ez dago galbiderik, beti ere Anayeteko bi tontorren artean dagoen leporuntz. bertan ditugn menditxoak nahi dugun lekutik igaro ditzakegu, ahalik eta altuera gutxiena galduz. Gure atzetik jende gehiago dator, baina hauek Anayeteko bertizera doaz, eskiekin ezkerraldean dagoen lepora igoz. Guk jetxiera egin dugu lepo honetatik, eskiatzeko aproposagoa baita.

kanaleko azken 50 metroetan penditza asko haunditzen da, eta eskiak motxilan lotzea erabaki dugu. Majo kosta zaigu azken zati honetan bidea irekitzea. Behin lepora helduta, eskiak bertan utzi ditugu eta alpinismo ekipo osoa jantzi. Bertatik tontorra oso gertu ikusten da, baina oso hurrun aldi berean, dagoen elur hautsak asko zailtzen baitu aurrera egitea.

Lehen harri multzoa ezkerretik igaro dugu, eta jarraian tximini txiki batetik igaro gara, harri gorriztadun inguru batean. Bertatik berehala ikusi dugu katea. 

 

Katera inguratzeko enkordatu egin gara. Pausua ez da zaila (I) baina eroriz gero ez kontatzeko harrisku haundia dago.

Katetik aurrera goazela, momentu batean dudak ere sartu zaizkigu. Oso nekeza da elur hautsetan eta lateralki bidea zabaltzea, gainera ez dugu azken kanala ikusten. Hala ere kanala bertan dago, eta enteratzerako bagoaz azken luzean gora.

Azkenik gurea da tontorra! Kostata baina heldu gara Pirineoetako tontor txiki baina eder honetara!

Atzetik zetorren jendea Anayeteko bertizera igo da, eta begira begira dauzkagu. 

Elurretan irekitako bidea ederki ikusten da lepotik.

Azkenik eguraldi dotorea eduki dugu, eguzki gutxi baina haize eta euriak errespetatu gaituzte behintzat. Ibilibide ederra, udan zailtasun haundirik gabekoa, baina neguan guztiz aldatzen da egoera. Hala ere neguko zeharkaldietan abantaila haundi bat ere badago, jetsiera! Ederki gozatu genuen elur hautsetan kurbak marraztuz. Ia iluntzear zela iritsi gara parkinera bueltan, 5 terdiak jota. Dagoeneko pistak itxita, parkina hutsik eta elur makinak tope dabiltz lanean. Eguna guztiz aprobetxatu dugun sentsazio osoarekin!

Datu teknikoak

  • Ibilbidea: Anayet Corral de las Mulas-etik neguan
  • Igoera data:30-12-2013
  • Desnibela:950 m.
  • Kokapena:Pirinioak
  • Kategoriak : Eskia, Korridorea, Trabesia
  • Zailtasuna:PD+
  • Korridorearen graduazioa:40º
  • Hasiera puntuan amaitzen da:Bai
  • Iristeko denbora:5 ordu
  • Nola iritsi:Corral de las Mulas aparkalekutik, 5,5 km. Formigal Portalet errepidetik.
  • Igotzeko denbora:8 ordu
  • Jeisteko denbora:3 ordu
  • Ezaugarriak:Elurrarekin igoera tekniko eta alpinoagoa da. Katea bitarteko pausua zulora begira dagoen plaka batetik gora egiten da. Hemendik aurrera, elur kopuruaren arabera, igoeraren zailtasuna handitu egin daiteke, ondoren 40ºko korridore bat igo behar baita.
  • Materiala:30 metrotako soka, zinta eta fisurero batzuk korridorea eta katearen pausua aseguratzeko.
  • Egoera:Elurrarekin.
  • Garaia: Negua, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.