Txindoki - Txema Bidea (V+/Ao)

Capra Alpina(e)k idatzia.
6886
bisita

Txindokiko igoera klasikoetan klasikoena, Txema bidea deritzona da. 40 urte baino gehiago dituen bide hau 1971 ireki zuten Angel Fernández eta Valentín Muñoz-ek. Estutu beharreko igoera, arroka onekoa eta mendi zoragarri honen historiaren parte dena, bere horman ireki zen lehenetariko eskalada bidea izan baitzen hura. 

Larraitzen elkartzeko gelditu gara. Goizeko 8:30 h. dira eta ohikoa den bezala, inguru honetan jende asko dago goizetik. Haizea harro eta bortitz dabil, hotz sentsazioa areagotuz. Eskaladako materiala aukeratzen minutu batzuk pasa ditugu, horma ekipatua dagoela irakurri dugun arren, zinta, fisurero edo friend batzuk eramatea gomendatzen baitute. Oinez hasi eta bagoaz arin hotza uxatu asmoz. 

Langa zeharkatu eta ohiko bidea alde batera utziz, Amitzi hormarantz goaz. Haizeak Larraitzen baino indar gehiagoz astintzen digu eta oso zaila egiten zaigu bi pauso jarraian ematea. 

Kosta zaigun arren, Amitzi hormaren babesera iritsi gara: a zer nolako lasaitua! Eskalatu nahi dugun Txema Bidea gorago dago. Oraindik aldapa luzea dugu aurretik. Erreferentzi bezala gurutze eta plaka bat daudela irakurri dugu.Unaiek azkar asko ikusi du gurutzea (1:10 h).

Hemendik gora eginez, oinarrizko bilgunearekin topatzen gara, eskaladaren deskribapena duen plaka bertan dagoelarik. Hauxe da bidearen hasiera. Eguzkia Egurral lepotik emeki-emeki agertzen hasi zaigu eta berotzen hasi arren,gu hotz gara. Dena prest dugunean, bagoaz.

L1 (V, 25m): Unai abiatu da. Lehenengo bi expressak jarri eta eroso doa, nahiz eta hatzak hotz eta sentipenik gabe dituela esan. Aderentziz igo beharreko plaka bat denez, fedezko pausu bat edo beste eman behar izan ditu, uste baina gehiago estutu behar izan duelarik.

L2 (IV, 20m): Bigarren luzea lasaiagoa da. Pitzadura batetik igotzen da, helduleku onak dituelarik. Dagoeneko berotzen hasiak gara, eskaladaren intentsitateak hotz sentsazioa baztertu digu eta buru belarri hormari tentuz begiratzen diogu. Azken tripatxo txiki bat errez gainditzen dugu dituen helduleku paregabeaz baliatuz.

L3 (V+, 30m): Desplome bat ikusten dugu eta bertara iritsi aurreko metroak erraz igotzen ditugu. Hemen hasten dira zailtasunak. Unaiek zailtasun handiena desplomea gainditzea dela pentsatzen badu ere, hemendik gora heldulekuak gutxitzen hasten dira eta azken pausua emateko, gorantz jauzi egin beharrean izan da helduleku erosora iristeko. Plaka hau saihestu daiteke ezkerreko belar-gunetik igoz (IV+) edo zailtasuna areagotu dezakegu eskuinerago dagoen plaka batetik igoz (6a). Gu erditik igo gara, V+ plakatik. Bilgunera iritsi baino lehen, pitzadura batetik gora egiten dugu eskailerak bailiran.

L4 (IV-, 25m): Luzerik errazenean gaude. Zimurrez jositako plaka batetik gora egiten dugu, igo ahala bertikaltasuna galtzen doalarik. Hormak duen triparen azpitik eskuinera jotzen dugu bilgunera iritsiz. Hemen gaude, bideari zailtasuna ematen diot azken luzearen azpian.

L5 (V+, 20m): Dudarik gabe, bertatik ateratzeak zirrara sortzen du. Lehen saihestu dugun tripa ezkerrerantz zeharkatu behar dugu eta behin 4 metro egin ondoren, Unai begi bistaz galtzen dut. Elkarren arteko harremana asko zailtzen da eta elkarri ez diogu entzuten. 

Desplomeak plaka leun bat ezkerrera zeharkatzea behartzen digu (IV+), azken diedroan sartu aurretik. Hemendik gora hasten dira komeriak, desplome txiki bat duelarik. Hala eta guztiz ere, oso ondo ekipatuta dagoenez, Ao-n atera daiteke. Indarra eta teknika beharko dugu oztopoa gainditzeko. Baina behin goran, egindako igoeraren sentsazioa zoragarria da. Txindokiren historiaren parte den bide hau igo eta gozatzea lortu dugu!

Igoera borobildu ahal izateko tontorrera igo eta itzulera ohiko bidetik egiten dugu.

 

 

 

 

Datu teknikoak

  • Ibilbidea: Txindoki Mendebaldeko ertza
  • Igoera data:12/01/2014
  • Desnibela:350 m.
  • Kokapena:Euskal Herria
  • Kategoriak : Ertza, Eskalada klasikoa
  • Zailtasuna:AD
  • Harri eskaladaren zailtasuna:IV+
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:Larraitzeko aparkamendutik bide normaletik igo behar da Gaztesuiko langaraino. Bertan, bidetik atera eta ertzerantz doan bidetxurra hartu behar da Ameztigo gaina alde batera utziz. Ertzaren oinarriraino jarraitu (II).
  • Igotzeko denbora:4:30 h
  • Jeisteko denbora:1:00 h
  • Ezaugarriak:Mendebaldea, kareharria, hornituta dago, eguraldi onarekin jende asko biltzen da bertan.
  • Materiala:Express-ak eta zinta planoak bilkuneak egiteko.
  • Garaia: Uda, Udazkena, Udaberria
  • IBILBIDEAREN DATU GUZTIAK IKUSI

Datu teknikoak

  • Ibilbidea: Txindoki Ohiko bidetik
  • Igoera data:12/01/2014
  • Desnibela:947 m.
  • Kokapena:Euskal Herria
  • Kategoria : Erraketak
  • Zailtasuna:F
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:Larraitz (401 m.) Zaldibiatik 4 km.
  • Igotzeko denbora:4:30 h
  • Jeisteko denbora:1:00 h
  • Ezaugarriak:Zeharkaldi borobila eta zailtasun gutxikoa. Hizotza aurkitu ezkero arreta jarri beharko dugu ahinbat mendi hegal zeharkatzeko.
  • Materiala:Raketak eta bastoiak. Kranpoiak eta pioleta ere beharrezkoak izan daitezke.
  • Garaia: Negua
  • IBILBIDEAREN DATU GUZTIAK IKUSI

Datu teknikoak

  • Ibilbidea: Txindoki Txema Bidetik V+/Ao
  • Igoera data:12/01/2014
  • Kokapena:Euskal Herria
  • Kategoria : Eskalada klasikoa
  • Zailtasuna:D+
  • Harri eskaladaren zailtasuna:V+
  • Eskalada artifizialaren zailtasuna:A0
  • Hasiera puntuan amaitzen da:Bai
  • Iristeko denbora:3:30 h
  • Nola iritsi:Larraitztik
  • Igotzeko denbora:4:30 h
  • Jeisteko denbora:1:00 h
  • Ezaugarriak:Ekipatutako bidea arroka onean. komenigarria fisurero, zinta eta friend batzuek eramatea.
  • Materiala:60 metroko soka bi, fisurero, friend, zinta eta expressak ere.
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.