Aiako Harriak - 832 m

Capra Alpina(e)k idatzia.
1764
bisita

Gipuzkoa ekialde ertzean dagoen Parke Natural bat dugu, 1995 urtean sortua. 69,13 km2-ko eremua du, 105,5 km-ko ingurua eta Bidasoa eta Urumea ibaien artean kokatzen da. Parke Naturalak pirineo mendebaldeko ertza osatzen du. Aiako Harriak Gipuzkoan dagoen granitozko mendigune bakarra eratzen dute.

Autoa Elurretxe (485 m) aparkalekuan uzten dugu eta pagadian sartu aurretik zelai berde batetik igotzen hasten gara. Egun eguzkitsua eta benetan aproposa tontor hauetara igo eta bertatik ikus daitezkeen paisai harrigarriez gozatu ahal izateko. Guda zibil ondorengo Bunker baten aztarnak aurkitzen ditugu, Txingudi badiarantz ikusmen ederrak dituena. 30´ostean eta dagoeneko pagaditik kanpo, malda tente batek Junkal  Haitzuloaren ingurura garamatza, Muganix (786 m) ezproi mendebaldetik oso gertu. 

Ezproi honen mendebaldeko aurpegian ekipatuak dauden eskalada bide batzuek aurkitu genezake, dagoeneko eskalatzeko aukera izan ditugunak. Bidexka hegorantz jarraitzen dugu eta bi malda txiki gaindituz, azken irtengune tente batek Irumugarrieta (806 m) gailurrera eramaten gaitu.

Bertatik ikus daitezkeen bista paregabeez gozatu ahal izateko atseden une bat artzen dugu. Txurrumurru tontor dotorea aurrez aurre dugu, jendea gailurrean pilatua ikusten dugularik. Aurrera jarraitzen dugu Arditurri lepora (770 m) jaitsiz eta bertatik, inongo zailtasunik gabe, azken malda batek Txurrumurru (821 m) buzoira eramaten gaitu.

Gailurretik hegoaldera eta mendebaldera erortzen diren hormak, hain bertikalak izanik, zirrara sortzen digute. Erroibide gailurreraino jarraitzeko asmoa dugu eta horretarako kanal harritsu batzuetatik jaitsi beharrean gara (I) eta airezko bezain motz den pasadizo batetatik ere (II) , bertan burdin uztai bat dagoelarik, eztabaida bat baino gehiago sortu duena.. 

Helduleku ugari dituen pasabide erraza benetan.  Bretxa batetara jaitsi eta berriz ere gorantz goaz, inongo zailtasunik gabe tontor batera igoz (818 m) eta Lizartagaña (813) lepoaren ondoren, azkenik, Erroibide (837 m) gailurrera iristen gara.

Aurreko tontorretatik bezala hemendik ere ikuskizuna aparta da. Gure oinpean Nafar lurretan Endara urtegia (ekialdean), Oiartzun eta Donostia (mendebaldean) eta Hondarribia eta Txingudiko badia (iparraldean). Elurretxe leporako itzulera honaino eginiko bide berdinetik egiten dugu.

Datu teknikoak

  • Ibilbidea: Erroibide Elurretxe lepotik
  • Kokapena:Euskal Herria
  • Kategoria : Oinezko igoera
  • Zailtasuna:F+
  • Hasiera puntuan amaitzen da:Bai
  • Iristeko denbora:1:15 h
  • Nola iritsi:Elurretxe lepotik (485 m) Oiartzun eta Irun artean.
  • Igotzeko denbora:2:30 h
  • Jeisteko denbora:1:15 h
  • Ezaugarriak:Bide eroso batetik, naiz destreperen bat egon eskuak erabiltzea behartzen diguna.
  • Materiala:Makilak
  • Garaia: Uda, Negua, Udazkena, Udaberria
  • IBILBIDEAREN DATU GUZTIAK IKUSI
Gureak eta beste batzuen Cookie-ak erabiltzen ditugu, webgune honen erabiltzaileen nabigazioaren analisia egin ahal izateko.
Nabigatzen jarraitzen baduzu, onartzen duzula suposatzen dugu. Nahi izanez gero, konfigurazioa aldatu edo informazio gehiago jaso ahalko duzu hemen.